XotirAIO‘zbekiston Respublikasining Tiklanish va taraqqiyot jamg‘armasi
Umumiy Qism
47-modda. Umumiy qoidalar
O‘zbekiston Respublikasining Tiklanish va taraqqiyot jamg‘armasi O‘zbekiston Respublikasi Vazirlar Mahkamasi huzuridagi moliyaviy muassasadir va u ustuvor investitsiya loyihalarini hamda iqtisodiyotning bazaviy tarmoqlarini modernizatsiya qilish va texnik jihatdan qayta jihozlashga, mamlakatni muttasil, barqaror va mutanosib ravishda ijtimoiy-iqtisodiy rivojlantirishga erishilishiga, shuningdek samarali tarkibiy va investitsiya siyosati amalga oshirilishiga doir loyihalarni moliyalashtirish uchun ushbu Kodeksda belgilangan mablag‘larni jamlaydi.
O‘zbekiston Respublikasining Tiklanish va taraqqiyot jamg‘armasini boshqarish Kengashi O‘zbekiston Respublikasi Tiklanish va taraqqiyot jamg‘armasining yuqori boshqaruv organi bo‘lib, uning tarkibi O‘zbekiston Respublikasi Prezidentining qarori bilan belgilanadi.
O‘zbekiston Respublikasi Tiklanish va taraqqiyot jamg‘armasining ijro etuvchi direksiyasi O‘zbekiston Respublikasi Tiklanish va taraqqiyot jamg‘armasining ijro etuvchi organi va mablag‘larini taqsimlovchidir.
O‘zbekiston Respublikasi Tiklanish va taraqqiyot jamg‘armasining ijro etuvchi direksiyasi O‘zbekiston Respublikasi Hisob palatasi va O‘zbekiston Respublikasi Iqtisodiyot va moliya vazirligiga:
har yili 1-maygacha O‘zbekiston Respublikasi Tiklanish va taraqqiyot jamg‘armasining kelgusi yil uchun daromadlari va xarajatlari loyihasini;
yilning har choragida hisobot choragidan keyingi oyning 25-kunigacha O‘zbekiston Respublikasi Tiklanish va taraqqiyot jamg‘armasi daromadlari va xarajatlarining ijrosi to‘g‘risidagi hisobotni taqdim etadi.
48-modda. O‘zbekiston Respublikasi Tiklanish va taraqqiyot jamg‘armasining daromadlari
O‘zbekiston Respublikasi Tiklanish va taraqqiyot jamg‘armasining daromadlari:
asosiy makroiqtisodiy ko‘rsatkichlar prognozi va Davlat budjeti parametrlarini tasdiqlashda O‘zbekiston Respublikasi Prezidenti qarorlari bilan strategik resurslarga belgilanadigan chegara narxidan jahon narxining oshishi natijasida tushadigan tushumlar;
O‘zbekiston Respublikasi Tiklanish va taraqqiyot jamg‘armasining aktivlarini boshqarishdan, shu jumladan O‘zbekiston Respublikasining Tiklanish va taraqqiyot jamg‘armasi mablag‘larining bo‘sh turgan qoldiqlarini joylashtirishdan olinadigan daromadlar;
qonunchilikka muvofiq boshqa manbalar hisobidan shakllantiriladi.
O‘zbekiston Respublikasi Tiklanish va taraqqiyot jamg‘armasining mablag‘lari o‘zining O‘zbekiston Respublikasi Markaziy bankida ochilgan hisobvaraqlarida chet el valyutasida shakllantiriladi.
O‘zbekiston Respublikasi Markaziy banki O‘zbekiston Respublikasi Tiklanish va taraqqiyot jamg‘armasining hisobvaraqlariga tushadigan milliy valyutadagi mablag‘larning O‘zbekiston Respublikasi Markaziy bankining mablag‘lar tushgan sanadagi almashuv kursi bo‘yicha chet el valyutasiga konvertatsiyasini amalga oshirib, ularni keyinchalik mazkur jamg‘armaning valyuta hisobvarag‘iga kiritadi.
49-modda. O‘zbekiston Respublikasi Tiklanish va taraqqiyot jamg‘armasining mablag‘laridan foydalanish yo‘nalishlari
O‘zbekiston Respublikasi Tiklanish va taraqqiyot jamg‘armasining mablag‘laridan:
rivojlanish davlat dasturlariga kiritilgan investitsiya loyihalarini moliyalashtirish;
yangi sanoat ishlab chiqarishlarini bundan buyon joylashtirish uchun ishlab chiqarish infratuzilmasini rivojlantirish va rekonstruksiya qilish loyihalarini moliyalashtirish uchun imtiyozli kreditlar berish;
yangidan tashkil etilayotgan moliyaviy institutlarning hamda iqtisodiyotning bazaviy tarmoqlaridagi chet el investitsiyalari ishtirokidagi strategik ahamiyatga molik korxonalarning ustav kapitaliga investitsiya kiritish;
davlat tomonidan tashqi mablag‘larni jalb qilish bo‘yicha xalqaro moliya institutlari va chet ellik kreditorlar oldidagi majburiyatlarni muddatidan oldin to‘lash;
O‘zbekiston Respublikasining Prezidenti yoki O‘zbekiston Respublikasi Vazirlar Mahkamasi tomonidan tasdiqlangan modernizatsiya qilish, texnik va texnologik jihatdan qayta jihozlash dasturlari doirasida tijorat banklari uchun chet el valyutasida ochiladigan kredit liniyalari orqali investitsiya loyihalarini jadal moliyalashtirish va amalga oshirish;
grant asosida yoki foizsiz kreditlar berish yo‘li bilan ayrim loyihalarning dastlabki yoki uzil-kesil texnik-iqtisodiy asoslarini ishlab chiqishni moliyalashtirish;
tasdiqlangan davlat dasturlariga muvofiq yangi zamonaviy xorijiy texnologiyalar, texnika va asbob-uskunalar, strategik ahamiyatga molik boshqa tovarlar xarid qilish uchun imtiyozli kreditlar berish;
49-modda. O‘zbekiston Respublikasi Tiklanish va taraqqiyot jamg‘armasining mablag‘laridan foydalanish yo‘nalishlari (davomi)
ijtimoiy jihatdan ahamiyatga molik milliy davlat dasturlarini hamda ishlab chiqarish va noishlab chiqarish infratuzilmasini shakllantirishga doir loyihalarni grant asosida moliyalashtirish;
qarz oluvchi korxonalarning investitsiya dasturlarini (biznes-rejalarini), shu jumladan ishlab chiqarishni texnik jihatdan qayta jihozlash, ishlab chiqarish quvvatlarining ishlatilishini ko‘paytirish, raqobatbardosh mahsulot ishlab chiqarish va uni eksport qilish hajmlarini oshirish, qo‘shilgan qiymat o‘sishini ta’minlashga imkon beradigan investitsiya dasturlarini (biznes-rejalarini) tijorat banklari bilan birgalikda moliyalashtirish;
O‘zbekiston Respublikasi Tiklanish va taraqqiyot jamg‘armasining ijro etuvchi devonini saqlab turish hamda uni boshqarish bilan bog‘liq xarajatlarni qoplash uchun foydalaniladi.
IV bo‘lim.
Budjet tizimi budjetlarining daromadlari
Bilimingizni sinang
Budjet kodeksiga ko‘ra, O‘zbekiston Respublikasining Tiklanish va taraqqiyot jamg‘armasi nima?
- Markaziy bank huzuridagi moliyaviy muassasa
- Vazirlar Mahkamasi huzuridagi moliyaviy muassasa
- Oliy Majlis huzuridagi nodavlat moliyaviy tashkilot
- Davlat soliq qo‘mitasi huzuridagi maxsus fond
To‘g‘ri javob: Vazirlar Mahkamasi huzuridagi moliyaviy muassasa. 47-moddaga ko‘ra, Jamg‘arma Vazirlar Mahkamasi huzuridagi moliyaviy muassasadir.
Budjet kodeksiga ko‘ra, Tiklanish va taraqqiyot jamg‘armasini boshqarish Kengashining tarkibi qanday hujjat bilan belgilanadi?
- Vazirlar Mahkamasining qarori bilan
- Iqtisodiyot va moliya vazirligining buyrug‘i bilan
- Hisob palatasining xulosasi bilan
- Prezidentning qarori bilan
To‘g‘ri javob: Prezidentning qarori bilan. 47-moddaga ko‘ra, Kengash tarkibi Prezidentning qarori bilan belgilanadi.
Budjet kodeksiga ko‘ra, Tiklanish va taraqqiyot jamg‘armasining yuqori boshqaruv organi qaysi?
- Boshqarish Kengashi
- ijro etuvchi direksiya
- Hisob palatasi
- Iqtisodiyot va moliya vazirligi
To‘g‘ri javob: Boshqarish Kengashi. 47-moddaga ko‘ra, Boshqarish Kengashi yuqori boshqaruv organi, ijro etuvchi direksiya esa ijro etuvchi organ va mablag‘larni taqsimlovchidir.
Budjet kodeksiga ko‘ra, Tiklanish va taraqqiyot jamg‘armasining ijro etuvchi direksiyasi har yili qaysi sanagacha jamg‘armaning kelgusi yil uchun daromadlari va xarajatlari loyihasini taqdim etadi?
- 1-fevralgacha
- 1-sentyabrgacha
- 1-maygacha
- 1-dekabrgacha
To‘g‘ri javob: 1-maygacha. 47-moddaga ko‘ra, loyiha har yili 1-maygacha Hisob palatasi va Iqtisodiyot va moliya vazirligiga taqdim etiladi.
Ijro etuvchi direksiya Tiklanish va taraqqiyot jamg‘armasi daromadlari va xarajatlarining ikkinchi chorak (aprel–iyun) ijrosi to‘g‘risidagi hisobotni Hisob palatasi va Iqtisodiyot va moliya vazirligiga qachongacha taqdim etishi kerak?
- 25-iyundan oldin
- 25-iyulgacha
- 1-oktyabrgacha
- 31-dekabrgacha
To‘g‘ri javob: 25-iyulgacha. 47-moddaga ko‘ra, hisobot choragidan keyingi oyning 25-kunigacha taqdim etiladi; ikkinchi chorakdan keyingi oy — iyul.
Budjet kodeksiga ko‘ra, quyidagilardan qaysi biri Tiklanish va taraqqiyot jamg‘armasining daromadlari qatoriga kiradi?
- aholidan olinadigan mol-mulk solig‘i va yer solig‘i tushumlari hamda mahalliy yig‘imlar tushumlari
- pensiya jamg‘armasi badallari va ijtimoiy sug‘urta fondi tomonidan to‘lanadigan majburiy ajratmalar
- bojxona to‘lovlarining umumiy tushumi hamda import qilinadigan tovarlardan olinadigan aksiz soliqlari
- strategik resurslarga belgilangan chegara narxidan jahon narxining oshishi natijasidagi tushumlar
To‘g‘ri javob: strategik resurslarga belgilangan chegara narxidan jahon narxining oshishi natijasidagi tushumlar. 48-moddaga ko‘ra, jamg‘arma daromadlari tarkibida chegara narxidan jahon narxining oshishidan tushumlar sanab o‘tilgan.
Tiklanish va taraqqiyot jamg‘armasining hisobvarag‘iga milliy valyutada mablag‘ tushdi. Budjet kodeksiga ko‘ra, Markaziy bank nima qiladi?
- tushgan sanadagi almashuv kursi bo‘yicha chet el valyutasiga konvertatsiya qilib, jamg‘armaning valyuta hisobvarag‘iga kiritadi
- tushgan mablag‘ni milliy valyutada saqlab qoladi va jamg‘armaning so‘m hisobvarag‘iga keyingi moliya yilida o‘tkazib beradi
- keyingi oyning o‘rtacha kursi bo‘yicha chet el valyutasiga konvertatsiya qilib, jamg‘armaning valyuta hisobvarag‘iga kiritadi
- konvertatsiya qilmasdan Iqtisodiyot va moliya vazirligiga qaytaradi, jamg‘arma hisobvarag‘iga esa hech qachon kiritmaydi
To‘g‘ri javob: tushgan sanadagi almashuv kursi bo‘yicha chet el valyutasiga konvertatsiya qilib, jamg‘armaning valyuta hisobvarag‘iga kiritadi. 48-moddaga ko‘ra, Markaziy bank mablag‘lar tushgan sanadagi kurs bo‘yicha konvertatsiya qilib, valyuta hisobvarag‘iga kiritadi.
Budjet kodeksiga ko‘ra, Tiklanish va taraqqiyot jamg‘armasi qaysi organ huzuridagi moliyaviy muassasa hisoblanadi?
- Vazirlar Mahkamasi huzuridagi
- Markaziy bank huzuridagi
- Iqtisodiyot va moliya vazirligi huzuridagi
- Hisob palatasi huzuridagi
To‘g‘ri javob: Vazirlar Mahkamasi huzuridagi. Tiklanish va taraqqiyot jamg‘armasi O‘zbekiston Respublikasi Vazirlar Mahkamasi huzuridagi moliyaviy muassasadir.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash