XotirAIModdalar 8–13 (2/2)
Moddalar
8-modda.
O‘zbekiston Respublikasining Davlat madhiyasini:
harbiy qismlarda, harbiy kemalarda ijro etish, shuningdek O‘zbekiston Respublikasining Davlat madhiyasi ijro etilayotgan paytda harbiy xizmatchilarning harbiy salom berishi — harbiy ustavlar bilan;
ichki ishlar organlarida ijro etish, shuningdek O‘zbekiston Respublikasining Davlat madhiyasi ijro etilayotgan paytda ichki ishlar organlarining oddiy askarlar, serjantlar va ofitserlar tarkibidan bo‘lgan shaxslarning salom berishi — O‘zbekiston Respublikasi ichki ishlar vazirining buyruqlari bilan belgilanadigan qoidalar bilan;
ta’lim tashkilotlarida ijro etish — O‘zbekiston Respublikasi Oliy ta’lim, fan va innovatsiyalar vazirligi hamda O‘zbekiston Respublikasi Maktabgacha va maktab ta’limi vazirligi manfaatdor tashkilotlar bilan kelishib belgilab qo‘yadigan qoidalar bilan tartibga solinadi.
9-modda.
O‘zbekiston Respublikasi hududida respublika va xalqaro sport musobaqalarini o‘tkazish vaqtida O‘zbekiston Respublikasining Davlat madhiyasi O‘zbekiston Respublikasi sport vazirligi manfaatdor tashkilotlar bilan kelishib turib belgilab qo‘yadigan qoidalarga muvofiq ijro etiladi.
Xalqaro sport musobaqalarini o‘tkazish vaqtida O‘zbekiston Respublikasining Davlat madhiyasini ijro etish marosimi xalqaro sport tashkilotlarining mavjud amaliyotini inobatga olgan holda belgilanadi.
10-modda.
Xorijiy davlatlar hududida O‘zbekiston Respublikasining muassasalari va tashkilotlari o‘tkazadigan tadbirlar vaqtida O‘zbekiston Respublikasining Davlat madhiyasi o‘sha mamlakat tajribasi va mahalliy urf-odatlarini inobatga olgan holda O‘zbekiston Respublikasi Tashqi ishlar vazirligi belgilab qo‘yadigan qoidalarga muvofiq ijro etiladi.
11-modda.
Ichki ishlar organlarida, ta’lim muassasalarida, sport musobaqalari vaqtida, shuningdek xorijiy davlatlar hududida O‘zbekiston Respublikasining muassasalari va tashkilotlari tegishli tadbirlar o‘tkazgan vaqtda O‘zbekiston Respublikasining Davlat madhiyasini ijro etish qoidalari ushbu Qonun talablariga asoslanib belgilanadi.
12-modda.
Ushbu Qonunning ijrosini ta’minlash tegishli davlat organlari va boshqa tashkilotlar rahbarlari zimmasiga yuklatiladi.
Ushbu Qonunning ijro etilishi ustidan nazorat ichki ishlar organlari tomonidan amalga oshiriladi.
13-modda.
O‘zbekiston Respublikasining fuqarolari, shuningdek O‘zbekistonda turgan boshqa shaxslar O‘zbekiston Respublikasining Davlat madhiyasini hurmat qilishi shart.
O‘zbekiston Respublikasining Davlat madhiyasi to‘g‘risidagi qonunchiligini buzganlikda aybdor shaxslar belgilangan tartibda javobgar bo‘ladi.
O‘zbekiston Respublikasining Prezidenti I. KARIMOV
Toshkent sh.,
1992-yil 10-dekabr,
№ 768-XII
O‘zbekiston Respublikasining Davlat madhiyasi
Serquyosh, hur o‘lkam, elga baxt, najot,
Sen o‘zing do‘stlarga yo‘ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!
Oltin bu vodiylar — jon O‘zbekiston,
Ajdodlar mardona ruhi senga yor!
Ulug‘ xalq qudrati jo‘sh urgan zamon,
Olamni mahliyo aylagan diyor!
Bag‘ri keng o‘zbekning o‘chmas iymoni,
Erkin, yosh avlodlar senga zo‘r qanot!
Istiqlol mash’ali, tinchlik posboni,
Haqsevar, ona yurt, mangu bo‘l obod!
Oltin bu vodiylar — jon O‘zbekiston,
Ajdodlar mardona ruhi senga yor!
Ulug‘ xalq qudrati jo‘sh urgan zamon,
Olamni mahliyo aylagan diyor!
Bilimingizni sinang
Harbiy qismlarda madhiya ijro etilishi va harbiy salom berish qaysi hujjatlar bilan tartibga solinadi?
- Harbiy ustavlar bilan
- Maktab nizomi bilan
- Hokim qarori bilan
- Sud qarori bilan
To‘g‘ri javob: Harbiy ustavlar bilan. 8-moddaga ko‘ra harbiy qismlarda madhiya ijrosi va harbiy salom harbiy ustavlar bilan tartibga solinadi.
Ichki ishlar organlarida madhiya ijro etilayotgan paytda oddiy askarlar, serjantlar va ofitserlarning salom berishi qaysi hujjat bilan belgilanadi?
- Ichki ishlar vazirining buyruqlari bilan belgilanadigan qoidalar bilan
- Hokim farmoyishi bilan belgilanadigan mahalliy tartib va qoidalar bilan
- Adliya vazirligi nizomi bilan belgilanadigan umumiy qoidalar bilan
- Mudofaa vazirligining harbiy ustavlari bilan belgilanadigan qoidalar bilan
To‘g‘ri javob: Ichki ishlar vazirining buyruqlari bilan belgilanadigan qoidalar bilan. 8-moddaga ko‘ra ichki ishlar organlarida bu masala ichki ishlar vazirining buyruqlari bilan belgilanadi.
Ta’lim tashkilotlarida madhiya ijro etish qoidalarini kim belgilaydi?
- Maktab direktori va pedagogik kengash yakka o‘zi qaror qilib
- Hokim yakka o‘zi, ta’lim vazirliklari bilan kelishmagan holda
- Ota-onalar qo‘mitasi va o‘quvchilar o‘zini o‘zi boshqarish organi
- Tegishli ta’lim vazirliklari manfaatdor tashkilotlar bilan kelishib
To‘g‘ri javob: Tegishli ta’lim vazirliklari manfaatdor tashkilotlar bilan kelishib. 8-moddaga ko‘ra ta’lim vazirliklari manfaatdor tashkilotlar bilan kelishib qoidalarni belgilaydi.
Respublikada o‘tkaziladigan sport musobaqasida Davlat madhiyasi qaysi tartibda ijro etiladi?
- Faqat o‘ynayotgan jamoa kapitani qaroriga ko‘ra, jamoalar o‘zaro kelishib
- Sport vazirligi manfaatdor tashkilotlar bilan kelishib belgilagan qoidalarga muvofiq
- Faqat bosh hakam qaroriga ko‘ra, musobaqa tashkilotchilari bilan kelishmasdan va o‘z ixtiyoricha
- Hokim ko‘rsatmasiga ko‘ra, sport vazirligi bilan kelishmasdan, hududiy tartibda
To‘g‘ri javob: Sport vazirligi manfaatdor tashkilotlar bilan kelishib belgilagan qoidalarga muvofiq. 9-moddaga ko‘ra madhiya sport vazirligi manfaatdor tashkilotlar bilan kelishib belgilagan qoidalarga muvofiq ijro etiladi.
Toshkentda xalqaro sport musobaqasi o‘tkazilmoqda. Madhiya ijro etish marosimi qaysi amaliyotni inobatga olgan holda belgilanadi?
- Faqat o‘yinchilar va murabbiylarning fikrini
- Faqat tomoshabinlarning xohishi va ularning fikrini
- Xalqaro sport tashkilotlarining mavjud amaliyotini
- Faqat mahalliy an’ana va hududiy urf-odatlarni
To‘g‘ri javob: Xalqaro sport tashkilotlarining mavjud amaliyotini. 9-moddaga ko‘ra xalqaro musobaqalarda marosim xalqaro sport tashkilotlarining mavjud amaliyotini inobatga olib belgilanadi.
O‘zbekiston elchixonasi chet elda tadbir o‘tkazmoqda. Madhiyani ijro etish qoidalarini kim belgilaydi?
- Ichki ishlar vazirligi
- Xalq ta’limi vazirligi
- Oliy ta’lim vazirligi
- Tashqi ishlar vazirligi
To‘g‘ri javob: Tashqi ishlar vazirligi. 10-moddaga ko‘ra xorijda madhiya Tashqi ishlar vazirligi belgilaydigan qoidalarga muvofiq ijro etiladi.
Ichki ishlar organlari, ta’lim muassasalari, sport musobaqalari va xorijdagi tadbirlarda madhiya ijro etish qoidalari nimaga asoslanib belgilanadi?
- Faqat tomoshabinlar so‘roviga
- Ushbu Qonun talablariga
- Faqat ijrochilar fikriga
- Faqat urf-odatlarga
To‘g‘ri javob: Ushbu Qonun talablariga. 11-moddaga ko‘ra bu qoidalar ushbu Qonun talablariga asoslanib belgilanadi.
Davlat madhiyasi to‘g‘risidagi qonun ijrosi ustidan nazoratni qaysi organ amalga oshiradi?
- Ichki ishlar organlari
- Prokuratura organlari
- Soliq organlari
- Bojxona organlari
To‘g‘ri javob: Ichki ishlar organlari. 12-moddaga ko‘ra nazorat ichki ishlar organlari tomonidan amalga oshiriladi.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash