XotirAI logotipiXotirAI
⚖️ Oila kodeksi · 165–172-m.

Farzandlikka olish (3/3)

Vi Bo‘Lim. Yetim Bolalarni Va Ota-Ona Qaramog‘Idan Mahrum Bo‘Lgan Bolalarni Muqobil Joylashtirish Shakllari

🧠 Bu mavzuni yodlash📝 Test yechish

165-modda. Farzandlikka olishning huquqiy oqibatlari

Farzandlikka olingan bolalar barcha shaxsiy va mulkiy huquqlarda farzandlikka oluvchining o‘z bolalariga tenglashtiriladi.

Farzandlikka olinganlar va ularning ota-onasi (ota-ona qarindoshlari) bir-birlariga nisbatan shaxsiy va mulkiy huquqlarni yo‘qotadilar hamda o‘zaro majburiyatlardan ozod bo‘ladilar.

Bola bitta shaxs tomonidan farzandlikka olingan taqdirda, uning manfaatlarini ko‘zlab, bolaning shaxsiy nomulkiy hamda mulkiy huquq va majburiyatlari, agar farzandlikka oluvchi erkak bo‘lsa, onasining iltimosiga ko‘ra yoki, agar farzandlikka oluvchi ayol bo‘lsa, otasining iltimosiga ko‘ra saqlanib qolishi mumkin.

Agar farzandlikka olinayotgan bolaning otasi yoki onasi vafot etgan bo‘lsa, vafot etgan otaning yoki onaning ota-onasi (buva yoki buvi) iltimosiga ko‘ra bolaning shaxsiy nomulkiy hamda mulkiy huquq va majburiyatlari, agar bolaning eng ustun manfaatlari shuni talab etsa, vafot etgan otasining yoki onasining qarindoshlariga nisbatan saqlanib qolishi mumkin.

166-modda. Farzandlikka olishda boquvchisini yo‘qotganlik uchun pensiya yoki nafaqaning saqlanishi

Farzandlikka olinish vaqtida boquvchisini yo‘qotganlik uchun pensiya yoki nafaqa olish huquqiga ega bo‘lgan voyaga yetmaganlar farzandlikka olingan taqdirda ham ana shu huquqni saqlab qoladilar.

167-modda. Farzandlikka olishning vujudga kelish vaqti

Farzandlikka olingan bolaning tug‘ilishini qayd etish daftariga zarur o‘zgartirishlar kiritilgan kun farzandlikka olishning vujudga kelgan vaqti hisoblanadi.

169-modda. Farzandlikka olishni bekor qilish asoslari

Farzandlikka olish agar farzandlikka oluvchilar:

o‘z zimmalariga yuklatilgan majburiyatlarni bajarishdan bo‘yin tovlayotgan yoki ularni lozim darajada bajarmayotgan bo‘lsalar;

ota-onalik huquqini suiiste’mol qilayotgan bo‘lsalar;

farzandlikka olinuvchilarga nisbatan shafqatsizlik bilan muomalada bo‘lsalar;

muttasil ichkilikbozlikka yoki giyohvandlikka mubtalo bo‘lgan bo‘lsalar bekor qilinishi lozim.

Farzandlikka olinuvchining xulq-atvori farzandlikka oluvchilarning sha’ni va qadr-qimmatiga putur yetkazayotgan, ularning hayoti yoki sog‘lig‘iga xavf solayotgan bo‘lsa, farzandlikka olinuvchi voyaga yetganidan keyin farzandlikka olish bekor qilinishiga yo‘l qo‘yiladi.

Sud boshqa asoslarga ko‘ra ham bolaning eng ustun manfaatlaridan kelib chiqib, uning fikrini hisobga olgan holda farzandlikka olishni bekor qilishga haqlidir.

170-modda. Farzandlikka olishni bekor qilishni talab etish huquqiga ega bo‘lgan shaxslar

Farzandlikka olinganning ota-onasi, prokuror, vasiylik va homiylik organlari, bolalar masalalari bo‘yicha komissiyalar, shuningdek o‘n olti yoshga to‘lgan farzandlikka olingan bola farzandlikka olishni sud tartibida bekor qilishni talab etish huquqiga ega.

171-modda. Farzandlikka olishni bekor qilish tartibi

Farzandlikka olishni bekor qilishga faqat sud tartibida yo‘l qo‘yiladi. Farzandlikka olishni bekor qilish to‘g‘risidagi ishlarni hal qilishda o‘n yoshga to‘lgan bolaning fikri hisobga olinadi.

Sudning farzandlikka olishni bekor qilish to‘g‘risidagi hal qiluv qarori qonuniy kuchga kirgan kundan boshlab sud uch kun ichida ushbu hal qiluv qaroridan ko‘chirmani farzandlikka olinayotgan bolaning tug‘ilganligi ro‘yxatga olingan joydagi fuqarolik holati dalolatnomalarini qayd etish organiga yuborishi shart.

172-modda. Farzandlikka olishni bekor qilish oqibatlari

Farzandlikka olish bekor qilinganda farzandlikka olinuvchi bola bilan farzandlikka oluvchilarning (farzandlikka oluvchilarning qarindoshlari) o‘zaro huquq va majburiyatlari tugatiladi hamda bola bilan uning ota-onasi (ota-onaning qarindoshlari) o‘rtasidagi huquq va majburiyatlar tiklanadi.

Farzandlikka olish bekor qilinganda, bola sudning hal qiluv qarori bilan ota-onasiga olib beriladi.

Bolaning ota-onasi yo‘q bo‘lsa, shuningdek bolani ota-onasiga berish uning eng ustun manfaatlariga zid bo‘lsa, u vasiylik va homiylik organlari qaramog‘iga beriladi.

Sudning hal qiluv qarorida farzandlikka olinuvchining familiyasi, ismi va ota ismini saqlash-saqlanmasligi ko‘rsatilishi kerak.

O‘n yoshga to‘lgan bolaning familiyasi, ismi va ota ismi faqat uning roziligi bilan o‘zgartirilishi mumkin.

Bilimingizni sinang

Oila kodeksi — 165-modda qaysi masalani tartibga soladi?
  1. Farzandlikka olishni bekor qilish asoslari
  2. Chet el fuqarosi yoki fuqaroligi bo‘lmagan shaxs bo‘lib, boshqa davlat hududida doimiy yashayotgan bolani O‘zbekiston Respublikasi fuqarolari tomonidan farzandlikka olish
  3. Ota-onaning bolaning farzandlikka olinishiga roziligi
  4. Farzandlikka olishning huquqiy oqibatlari

To‘g‘ri javob: Farzandlikka olishning huquqiy oqibatlari. 165-modda: Farzandlikka olishning huquqiy oqibatlari.

Oila kodeksi: «Farzandlikka olishning huquqiy oqibatlari» qaysi moddada belgilangan?
  1. 161¹-modda
  2. 165-modda
  3. 169-modda
  4. 159-modda

To‘g‘ri javob: 165-modda. 165-modda: Farzandlikka olishning huquqiy oqibatlari.

Oila kodeksiga ko‘ra, farzandlikka olingan bolalar huquqlarda kimga tenglashtiriladi?
  1. Farzandlikka oluvchining ota-onasiga faqat shaxsiy huquqlar sohasida
  2. Tug‘ma ota-onasining bolalariga barcha shaxsiy va mulkiy huquqlarda
  3. Farzandlikka oluvchining o‘z bolalariga barcha shaxsiy va mulkiy huquqlarda
  4. Vasiylik va homiylikdagi bolalarga barcha shaxsiy va mulkiy huquqlarda

To‘g‘ri javob: Farzandlikka oluvchining o‘z bolalariga barcha shaxsiy va mulkiy huquqlarda. 165-moddaga ko‘ra farzandlikka olinganlar barcha shaxsiy va mulkiy huquqlarda oluvchining o‘z bolalariga tenglashtiriladi.

Farzandlikka olinganlar va ularning tug‘ma ota-onasi o‘rtasidagi huquq va majburiyatlar farzandlikka olingach qanday bo‘ladi?
  1. Shaxsiy huquqlarni yo‘qotadilar, mulkiy huquqlar va majburiyatlarni saqlab qoladilar
  2. Shaxsiy va mulkiy huquqlarni yo‘qotadilar, o‘zaro majburiyatlardan ozod bo‘ladilar
  3. Mulkiy huquqlarni yo‘qotadilar, shaxsiy huquqlar va majburiyatlarni saqlab qoladilar
  4. Shaxsiy va mulkiy huquqlarni saqlab qoladilar, o‘zaro majburiyatlardan ozod bo‘ladilar

To‘g‘ri javob: Shaxsiy va mulkiy huquqlarni yo‘qotadilar, o‘zaro majburiyatlardan ozod bo‘ladilar. 165-moddaga ko‘ra ular bir-birlariga nisbatan shaxsiy va mulkiy huquqlarni yo‘qotadilar.

Bola bitta erkak tomonidan farzandlikka olindi. Bolaning onasi bola bilan huquqiy aloqalarni saqlab qolmoqchi. Qanday xulosa to‘g‘ri?
  1. Onaning iltimosi inobatga olinmaydi, chunki bolani erkak farzandlikka olganda barcha huquqiy aloqalar yo‘qoladi
  2. Onaning iltimosiga ko‘ra huquq va majburiyatlar saqlanib qoladi, bolaning manfaatlari esa ahamiyatga ega emas
  3. Huquq va majburiyatlar saqlanib qolishi mumkin, ammo bu faqat bola o‘n yoshga to‘lgach, uning o‘zi iltimos qilsa
  4. Bolaning manfaatlari ko‘zlab, onaning iltimosiga ko‘ra huquq va majburiyatlar saqlanib qolishi mumkin

To‘g‘ri javob: Bolaning manfaatlari ko‘zlab, onaning iltimosiga ko‘ra huquq va majburiyatlar saqlanib qolishi mumkin. 165-moddaning uchinchi qismiga ko‘ra oluvchi erkak bo‘lsa, onasining iltimosiga ko‘ra huquqlar saqlanishi mumkin.

Farzandlikka olinayotgan bolaning otasi vafot etgan. Kim iltimos qilsa, bolaning huquq va majburiyatlari vafot etgan otaning qarindoshlariga nisbatan saqlanib qolishi mumkin?
  1. Vafot etgan otaning ota-onasi (buva yoki buvi)
  2. Vafot etgan otaning akasi yoki ukasi (amaki)
  3. Vafot etgan otaning aka-ukalari va opa-singillari
  4. Faqat vafot etgan otaning o‘z farzandlari

To‘g‘ri javob: Vafot etgan otaning ota-onasi (buva yoki buvi). 165-moddaning to‘rtinchi qismiga ko‘ra buva yoki buvining iltimosiga ko‘ra, bola manfaati talab etsa, huquqlar saqlanishi mumkin.

Oila kodeksi — 166-modda qaysi masalani tartibga soladi?
  1. Farzandlikka olishni bekor qilish tartibi
  2. Farzandlikka olishda boquvchisini yo‘qotganlik uchun pensiya yoki nafaqaning saqlanishi
  3. Farzandlikka olishda tug‘ilishni qayd etish daftariga o‘zgartirish kiritish
  4. Vasiylik va homiylikning maqsadi

To‘g‘ri javob: Farzandlikka olishda boquvchisini yo‘qotganlik uchun pensiya yoki nafaqaning saqlanishi. 166-modda: Farzandlikka olishda boquvchisini yo‘qotganlik uchun pensiya yoki nafaqaning saqlanishi.

Oila kodeksi: «Farzandlikka olishda boquvchisini yo‘qotganlik uchun pensiya yoki nafaqaning saqlanishi» qaysi moddada belgilangan?
  1. 173-modda
  2. 164-modda
  3. 171-modda
  4. 166-modda

To‘g‘ri javob: 166-modda. 166-modda: Farzandlikka olishda boquvchisini yo‘qotganlik uchun pensiya yoki nafaqaning saqlanishi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiFarzandlikka olish (2/3)Keyingi →Vasiylik va homiylik