XotirAIO‘zbekiston Respublikasi fuqaroligiga qabul qilish va uni tiklash
Moddalar
18-modda. O‘zbekiston Respublikasi fuqaroligiga qabul qilish turlari
O‘zbekiston Respublikasining fuqaroligiga qabul qilish:
umumiy tartibda;
soddalashtirilgan tartibda;
alohida tartibda amalga oshiriladi.
19-modda. O‘zbekiston Respublikasining fuqaroligiga umumiy tartibda qabul qilish
O‘zbekiston Respublikasining fuqaroligiga qabul qilishning umumiy tartibi chet davlat fuqarosiga yoki fuqaroligi bo‘lmagan shaxsga nisbatan quyidagi hollarda amalga oshiriladi, agar u:
- a) chet davlat fuqaroligidan chiqishni rasmiylashtirgan bo‘lsa;
- b) fuqaroligi bo‘lmagan shaxsga yashash guvohnomasi olingan kundan e’tiboran va O‘zbekiston Respublikasining fuqaroligiga qabul qilish to‘g‘risidagi iltimosnoma bilan murojaat qilgan kunga qadar O‘zbekiston Respublikasi hududida uzluksiz besh yil davomida doimiy yashab kelayotgan bo‘lsa;
- v) tirikchilikning qonuniy manbaiga ega bo‘lsa;
- g) O‘zbekiston Respublikasining Konstitutsiyasiga rioya etish majburiyatini o‘z zimmasiga olsa;
- d) davlat tilini muloqot qilish uchun zarur darajada bilsa. Davlat tilini bilish darajasini aniqlash tartibi O‘zbekiston Respublikasi Vazirlar Mahkamasi tomonidan belgilanadi.
Ushbu modda birinchi qismining “b” bandida nazarda tutilgan shart O‘zbekiston Respublikasida tug‘ilgan va yashab kelayotgan yoki O‘zbekiston Respublikasi fuqarosi bilan nikohda bo‘lgan va nikoh tuzilganidan keyin O‘zbekiston Respublikasi hududida turmush o‘rtog‘i bilan birgalikda uzluksiz uch yil davomida yashab kelayotgan fuqaroligi bo‘lmagan shaxsga nisbatan tatbiq etilmaydi.
Bunda, agar fuqaroligi bo‘lmagan shaxs bir yil ichida O‘zbekiston Respublikasidan tashqariga jami bir yuz sakson uch kundan ortiq bo‘lmagan muddatga chiqqan bo‘lsa, O‘zbekiston Respublikasi hududida yashalgan muddat uzluksiz deb hisoblanadi.
20-modda. O‘zbekiston Respublikasining fuqaroligiga soddalashtirilgan tartibda qabul qilish
O‘zbekiston Respublikasining fuqaroligiga qabul qilishning soddalashtirilgan tartibi chet davlat fuqarosi bo‘lgan yoki fuqaroligi bo‘lmagan shaxs hisoblangan vatandoshga nisbatan quyidagi hollarda amalga oshiriladi, agar u:
- a) O‘zbekiston Respublikasi hududida yashaydigan va O‘zbekiston Respublikasi fuqarosi bo‘lgan, nasl-nasab shajarasi bo‘yicha to‘g‘ri tutashgan loaqal bitta o‘zidan oldingi qarindoshga ega bo‘lsa;
- b) tirikchilikning qonuniy manbaiga ega bo‘lsa;
- v) O‘zbekiston Respublikasining Konstitutsiyasiga rioya etish majburiyatini o‘z zimmasiga olsa;
- g) davlat tilini qonunchilikda belgilangan tartibda muloqot qilish uchun zarur darajada bilsa.
Ushbu modda birinchi qismining “a” bandida nazarda tutilgan shart ilm-fan va ilmiy faoliyat, texnika, madaniyat hamda sport sohasida katta yutuqlarga ega bo‘lgan, shuningdek O‘zbekiston Respublikasi uchun manfaatli kasbga yoxud malakaga ega bo‘lgan vatandoshga va (yoki) uning oila a’zolariga nisbatan hisobga olinmasligi mumkin.
O‘zbekiston Respublikasi Prezidenti huzuridagi Fuqarolik masalalari komissiyasi materiallarni ko‘rib chiqadi va O‘zbekiston Respublikasining fuqaroligini ushbu moddaning birinchi va ikkinchi qismlarida ko‘rsatilgan shaxslarga berish maqsadga muvofiqliligi to‘g‘risida O‘zbekiston Respublikasi Prezidentiga takliflar kiritadi.
Qabul qilingan qaror asosida shaxsga O‘zbekiston Respublikasi fuqaroligini berish to‘g‘risida kafolat xati beriladi, agar ushbu shaxs fuqarosi bo‘lgan davlat fuqaroligidan chiqadigan bo‘lsa.
20-modda. O‘zbekiston Respublikasining fuqaroligiga soddalashtirilgan tartibda qabul qilish (davomi)
Kafolat xatining amal qilish muddati bir yil. O‘zbekiston Respublikasi Prezidenti huzuridagi Fuqarolik masalalari komissiyasining qaroriga binoan kafolat xatining amal qilish muddati yana bir yilga uzaytirilishi mumkin.
Kafolat xati ichki ishlar organi yoki konsullik muassasasi tomonidan ariza beruvchiga yoki uning qonuniy vakiliga topshiriladi yoxud pochta orqali yuboriladi.
O‘zbekiston Respublikasining fuqaroligiga qabul qilish O‘zbekiston Respublikasi Prezidentining farmoniga muvofiq ariza beruvchi chet davlat fuqaroligidan chiqqanligi haqida hujjat taqdim etganidan keyin amalga oshiriladi.
21-modda. O‘zbekiston Respublikasining fuqaroligiga alohida tartibda qabul qilish
O‘zbekiston Respublikasi Prezidenti milliy manfaatlardan kelib chiqib, chet davlatlarning fuqarolariga va fuqaroligi bo‘lmagan shaxslarga ushbu Qonunning 19 va 20-moddalari talablari qo‘llanilmagan holda O‘zbekiston Respublikasining fuqaroligini berishi mumkin.
22-modda. O‘zbekiston Respublikasining fuqaroligini tiklash
Agar ilgari O‘zbekiston Respublikasi fuqarosi bo‘lgan shaxsning fuqaroligi ushbu Qonun 25-moddasi birinchi qismining “a” va “g” bandlariga muvofiq yo‘qotilgan bo‘lmasa, u O‘zbekiston Respublikasining fuqaroligini tiklash to‘g‘risida iltimosnoma bilan murojaat qilish huquqiga ega. Iltimosnomada O‘zbekiston Respublikasi fuqaroligining tugatilish sabablari ko‘rsatiladi.
O‘zbekiston Respublikasining fuqaroligini tiklash to‘g‘risidagi iltimosnoma bo‘yicha hujjatlarni rasmiylashtirish ushbu Qonunning 19, 37 va 38-moddalarida belgilangan tartibda amalga oshiriladi.
O‘zbekiston Respublikasining fuqaroligini bir martadan ortiq tiklashga yo‘l qo‘yilmaydi.
Bilimingizni sinang
«Fuqarolik to‘g‘risida»gi Qonunga ko‘ra, O‘zbekiston fuqaroligiga qabul qilish qanday tartiblarda amalga oshiriladi?
- Umumiy, soddalashtirilgan va alohida tartibda
- Faqat umumiy va soddalashtirilgan tartibda
- Faqat soddalashtirilgan va alohida tartibda
- Umumiy, majburiy va maxsus alohida tartibda
To‘g‘ri javob: Umumiy, soddalashtirilgan va alohida tartibda. 18-moddaga ko‘ra, qabul qilish umumiy, soddalashtirilgan va alohida tartibda amalga oshiriladi.
Fuqaroligi bo‘lmagan shaxs umumiy tartibda fuqaroligiga qabul qilinishi uchun yashash guvohnomasi olingan kundan boshlab O‘zbekistonda uzluksiz necha yil yashashi kerak?
- to‘rt yil
- uch yil
- o‘n yil
- besh yil
To‘g‘ri javob: besh yil. Fuqaroligi bo‘lmagan shaxs yashash guvohnomasi olingandan buyon uzluksiz besh yil doimiy yashagan bo‘lishi kerak.
O‘zbekiston fuqarosi bilan nikohda bo‘lgan fuqaroligi yo‘q shaxsga besh yillik yashash sharti qo‘llanilmasligi uchun u nikohdan keyin turmush o‘rtog‘i bilan uzluksiz necha yil yashashi kerak?
- uch yil
- to‘rt yil
- ikki yil
- o‘n yil
To‘g‘ri javob: uch yil. Nikohdan keyin turmush o‘rtog‘i bilan uzluksiz uch yil yashagan fuqaroligi yo‘q shaxsga besh yillik shart tatbiq etilmaydi.
«Fuqarolik to‘g‘risida» qonun — 19-modda qaysi masalani tartibga soladi?
- O‘zbekiston Respublikasining fuqaroligini olish asoslari
- O‘zbekiston Respublikasining fuqaroligini yo‘qotish asoslari
- O‘zbekiston Respublikasi fuqarosining chet davlat fuqaroligiga mansubligini tan olmaslik
- O‘zbekiston Respublikasining fuqaroligiga umumiy tartibda qabul qilish
To‘g‘ri javob: O‘zbekiston Respublikasining fuqaroligiga umumiy tartibda qabul qilish. 19-modda: O‘zbekiston Respublikasining fuqaroligiga umumiy tartibda qabul qilish.
«Fuqarolik to‘g‘risida» qonun: «O‘zbekiston Respublikasining fuqaroligiga umumiy tartibda qabul qilish» qaysi moddada belgilangan?
- 13-modda
- 12-modda
- 25-modda
- 19-modda
To‘g‘ri javob: 19-modda. 19-modda: O‘zbekiston Respublikasining fuqaroligiga umumiy tartibda qabul qilish.
Fuqaroligi bo‘lmagan shaxs umumiy tartibda O‘zbekiston fuqaroligiga qabul qilinishi uchun yashash guvohnomasi olingan kundan boshlab O‘zbekistonda qancha muddat uzluksiz doimiy yashab kelishi kerak?
- Besh yil
- Uch yil
- O‘n yil
- Bir yil
To‘g‘ri javob: Besh yil. 19-moddaning “b” bandiga ko‘ra, uzluksiz besh yil doimiy yashash talab etiladi.
Chet davlat fuqarosi Kamol O‘zbekiston fuqaroligiga umumiy tartibda qabul qilinmoqchi. Qonunga ko‘ra u qaysi shartlardan birini bajargan bo‘lishi kerak?
- Chet davlat fuqaroligidan chiqishni rasmiylashtirgan bo‘lishi
- Chet davlatda o‘n yil ishlagan bo‘lishi
- O‘zbekistonda oliy ma’lumot olgan bo‘lishi
- O‘zbekistonda kamida uchta ko‘chmas mulk sotib olgan bo‘lishi
To‘g‘ri javob: Chet davlat fuqaroligidan chiqishni rasmiylashtirgan bo‘lishi. 19-moddaning “a” bandiga ko‘ra, shartlardan biri — chet davlat fuqaroligidan chiqishni rasmiylashtirgan bo‘lish.
Davlat tilini bilish darajasini aniqlash tartibini kim belgilaydi?
- Prezident
- Oliy Majlis
- Ta’lim vazirligi
- Vazirlar Mahkamasi
To‘g‘ri javob: Vazirlar Mahkamasi. 19-moddaga ko‘ra, tartib Vazirlar Mahkamasi tomonidan belgilanadi.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash