Aholi salomatligi va genofondiga qarshi jinoyatlar (1/2)

Beshinchi Bo‘Lim

270-modda. Taqiqlangan ekinlarni yetishtirish

Taqiqlangan ekinlarni, ya’ni ko‘knor yoki moyli ko‘knor, kannabis o‘simligi yoxud tarkibida giyohvandlik vositalari yoki psixotrop moddalar bo‘lgan ekinlarni qonunga xilof ravishda ekish yoki yetishtirish —

bazaviy hisoblash miqdorining yigirma besh baravaridan ellik baravarigacha miqdorda jarima yoki uch yuz oltmish soatgacha majburiy jamoat ishlari yoki uch yilgacha axloq tuzatish ishlari yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

O‘sha harakat:

• a) takroran, xavfli retsidivist yoki ilgari ushbu Kodeksning 271 — 276⁸-moddalarida nazarda tutilgan jinoyatlarni sodir etgan shaxs tomonidan;
• b) bir guruh shaxslar tomonidan oldindan til biriktirib;
• v) o‘rtacha kattalikdagi ekin maydonida sodir etilgan bo‘lsa, —

bazaviy hisoblash miqdorining ellik baravaridan yuz baravarigacha miqdorda jarima yoki uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.

O‘sha harakat:

• a) o‘ta xavfli retsidivist tomonidan;
• b) uyushgan guruh yoki uning manfaatlarini ko‘zlab;
• v) katta ekin maydonida sodir etilgan bo‘lsa, —

besh yildan o‘n yilgacha ozodlikdan mahrum qilish bilan jazolanadi.

271-modda. Giyohvandlik vositalarini, psixotrop moddalarni yoki ularning analoglarini qonunga xilof ravishda egallash

Giyohvandlik vositalarini, psixotrop moddalarni yoki ularning analoglarini qonunga xilof ravishda, o‘g‘rilik yoki firibgarlik yo‘li bilan egallash —

uch yilgacha axloq tuzatish ishlari yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

O‘sha harakat:

• a) takroran, xavfli retsidivist yoki ilgari ushbu Kodeksning 270, 273 — 276⁸-moddalarida nazarda tutilgan jinoyatlarni sodir etgan shaxs tomonidan;
• b) bir guruh shaxslar tomonidan oldindan til biriktirib;
• v) o‘zlashtirish yoki rastrata qilish yo‘li bilan;
• g) talonchilik yo‘li bilan;
• d) mansab mavqeyini suiiste’mol qilib;
• e) tovlamachilik yo‘li bilan;
• j) ko‘p miqdorda sodir etilgan bo‘lsa, —

besh yildan o‘n yilgacha ozodlikdan mahrum qilish bilan jazolanadi.

O‘sha harakat:

• a) o‘ta xavfli retsidivist tomonidan;
• b) uyushgan guruh yoki uning manfaatlarini ko‘zlab;
• v) bosqinchilik yo‘li bilan sodir etilgan bo‘lsa, —

o‘n yildan yigirma yilgacha ozodlikdan mahrum qilish bilan jazolanadi.

273-modda. Giyohvandlik vositalarini, psixotrop moddalarni yoki ularning analoglarini o‘tkazish maqsadini ko‘zlab qonunga xilof ravishda tayyorlash, qayta ishlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish

Giyohvandlik vositalarini, psixotrop moddalarni yoki ularning analoglarini o‘tkazish maqsadini ko‘zlab qonunga xilof ravishda tayyorlash, qayta ishlash, olish, saqlash, tashish yoki jo‘natish, shuningdek ularni qonunga xilof ravishda o‘tkazish, —

bazaviy hisoblash miqdorining ellik baravarigacha miqdorda jarima yoki uch yuz oltmish soatgacha majburiy jamoat ishlari yoki uch yilgacha axloq tuzatish ishlari yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

O‘sha qilmishlar ko‘p bo‘lmagan miqdorda sodir etilgan bo‘lsa, —

uch yildan besh yilgacha ozodlikni cheklash yoki uch yildan besh yilgacha ozodlikdan mahrum qilish bilan jazolanadi.

O‘sha qilmishlar ozginadan ko‘proq miqdorda sodir etilgan bo‘lsa, —

besh yildan yetti yilgacha ozodlikdan mahrum qilish bilan jazolanadi.

O‘sha qilmishlar:

• a) takroran, xavfli retsidivist yoki ilgari ushbu Kodeksning 270, 271, 274 — 276⁸-moddalarida nazarda tutilgan jinoyatlarni sodir etgan shaxs tomonidan;
• b) bir guruh shaxslar tomonidan oldindan til biriktirib;
• v) ozodlikdan mahrum qilish tariqasidagi jazoni o‘tash joylarida;
• g) ta’lim tashkilotlarida, ularning hududida yoki talabalarning (o‘quvchilarning) yotoqxonalarida, bolalar sog‘lomlashtirish oromgohlarida yoxud talabalar (o‘quvchilar) tomonidan o‘quv, sport yoki jamoat tadbirlarini o‘tkazish uchun foydalaniladigan boshqa joylarda, shuningdek ularga tutash hududlarda;

273-modda. Giyohvandlik vositalarini, psixotrop moddalarni yoki ularning analoglarini o‘tkazish maqsadini ko‘zlab qonunga xilof ravishda tayyorlash, qayta ishlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish (davomi)

• d) voyaga yetmagan shaxsga nisbatan;
• e) telekommunikatsiya tarmoqlaridan, shuningdek Internet jahon axborot tarmog‘idan foydalanib sodir etilgan bo‘lsa, —

yetti yildan o‘n yilgacha ozodlikdan mahrum qilish bilan jazolanadi.

O‘sha qilmishlar:

• a) o‘ta xavfli retsidivist tomonidan;
• b) uyushgan guruh tomonidan yoki uning manfaatlarini ko‘zlab sodir etilgan bo‘lsa, —

o‘n yildan o‘n besh yilgacha ozodlikdan mahrum qilish bilan jazolanadi.

O‘sha qilmishlar:

• a) ko‘p miqdorda;
• b) uyushgan guruh tomonidan yoki uning manfaatlarini ko‘zlab ikki yoxud undan ortiq davlat hududida yoki telekommunikatsiya tarmoqlaridan, shuningdek Internet jahon axborot tarmog‘idan foydalanib sodir etilgan bo‘lsa, —

o‘n besh yildan yigirma yilgacha ozodlikdan mahrum qilish bilan jazolanadi.

Ushbu moddaning birinchi va ikkinchi qismlarida nazarda tutilgan qilmishlarni sodir etgan shaxs o‘z ixtiyori bilan aybini bo‘yniga olish to‘g‘risida hokimiyat organlariga arz qilsa va giyohvandlik vositalarini, psixotrop moddalarni yoki ularning analoglarini topshirsa, jazodan ozod qilinadi.

274-modda. Giyohvandlik vositalarini, psixotrop moddalarni yoki ularning analoglarini targ‘ib qiluvchi mahsulotni tayyorlash, tarqatish, reklama qilish, namoyish etish yoxud bunday vosita yoki moddalarni iste’mol qilishga jalb etish

Giyohvandlik vositalarini, psixotrop moddalarni yoki ularning analoglarini targ‘ib qiluvchi mahsulotni tarqatish, reklama qilish, namoyish etish maqsadida tayyorlash, xuddi shuningdek ularni tarqatish, reklama qilish, namoyish etish, shu jumladan ommaviy axborot vositalarida, telekommunikatsiya tarmoqlarida yoki Internet jahon axborot tarmog‘ida tarqatish, reklama qilish, namoyish etish, shunday harakatlar uchun ma’muriy jazo qo‘llanilganidan keyin sodir etilgan bo‘lsa, —

bazaviy hisoblash miqdorining bir yuz ellik baravaridan uch yuz baravarigacha miqdorda jarima yoki uch yuz soatdan uch yuz oltmish soatgacha majburiy jamoat ishlari yoxud bir yildan ikki yilgacha ozodlikni cheklash yoki bir yildan ikki yilgacha ozodlikdan mahrum qilish bilan jazolanadi.

Ushbu moddaning birinchi qismida nazarda tutilgan harakatlar ta’lim tashkilotlarida, ularning hududida yoki talabalarning (o‘quvchilarning) yotoqxonalarida, bolalar sog‘lomlashtirish oromgohlarida yoki talabalar (o‘quvchilar) tomonidan o‘quv, sport yoki jamoat tadbirlarini o‘tkazish uchun foydalaniladigan boshqa joylarda, shuningdek ularga tutash hududlarda sodir etilgan bo‘lsa, —

bazaviy hisoblash miqdorining uch yuz baravaridan besh yuz baravarigacha miqdorda jarima yoki bir yildan ikki yilgacha axloq tuzatish ishlari yoki ikki yildan uch yilgacha ozodlikni cheklash yoxud ikki yildan uch yilgacha ozodlikdan mahrum qilish bilan jazolanadi.

274-modda. Giyohvandlik vositalarini, psixotrop moddalarni yoki ularning analoglarini targ‘ib qiluvchi mahsulotni tayyorlash, tarqatish, reklama qilish, namoyish etish yoxud bunday vosita yoki moddalarni iste’mol qilishga jalb etish (davomi)

Giyohvandlik vositalarini, psixotrop moddalarni yoki ularning analoglarini yoxud shaxsning aql-idrokiga ta’sir etuvchi boshqa moddalarni har qanday shaklda iste’mol qilishga jalb etish, —

ikki yildan uch yilgacha axloq tuzatish ishlari yoki ikki yildan uch yilgacha ozodlikni cheklash yoki ikki yildan uch yilgacha ozodlikdan mahrum qilish bilan jazolanadi.

Ushbu moddaning uchinchi qismida nazarda tutilgan harakatlar:

• a) bir guruh shaxslar tomonidan oldindan til biriktirib;
• b) takroran, xavfli retsidivist yoki ilgari ushbu Kodeksning 270, 271, 273, 275 — 276⁸-moddalarida nazarda tutilgan jinoyatlarni sodir etgan shaxs tomonidan;
• v) ozodlikdan mahrum qilish jazosini o‘tash joylarida;
• g) ikki yoki undan ortiq shaxsga nisbatan sodir etilgan bo‘lsa, —

uch yildan besh yilgacha ozodlikni cheklash yoki uch yildan besh yilgacha ozodlikdan mahrum qilish bilan jazolanadi.

Ushbu moddaning uchinchi qismida nazarda tutilgan harakatlar odam o‘limiga yoki boshqa og‘ir oqibatlarga sabab bo‘lsa, —

besh yildan o‘n yilgacha ozodlikdan mahrum qilish bilan jazolanadi.

275-modda. Giyohvandlik vositalarini, psixotrop moddalarni yoki ularning analoglarini ishlab chiqarish yoxud ulardan foydalanish qoidalarini buzish

Giyohvandlik vositalarini, psixotrop moddalarni yoki ularning analoglarini ishlab chiqarish, saqlash, hisobga olish, berish, tashish yoxud jo‘natishning belgilangan qoidalarini buzish, —

bazaviy hisoblash miqdorining yigirma besh baravaridan ellik baravarigacha miqdorda jarima yoki besh yilgacha muayyan huquqdan mahrum qilish yoki uch yilgacha axloq tuzatish ishlari yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

276-modda. Giyohvandlik vositalarini, psixotrop moddalarni yoki ularning analoglarini o‘tkazish maqsadini ko‘zlamay qonunga xilof ravishda tayyorlash, olish, saqlash va boshqa harakatlar

Giyohvandlik vositalarini, psixotrop moddalarni yoki ularning analoglarini o‘tkazish maqsadini ko‘zlamay, qonunga xilof ravishda tayyorlash, saqlash, olish, tashish yoki jo‘natish, —

bazaviy hisoblash miqdorining ellik baravarigacha miqdorda jarima yoki uch yuz oltmish soatgacha majburiy jamoat ishlari yoki uch yilgacha axloq tuzatish ishlari yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

O‘sha qilmishlar:

• a) ko‘p miqdorda;
• b) takroran, xavfli retsidivist yoki ilgari ushbu Kodeksning 270 — 275, 276¹ — 276⁸-moddalarida nazarda tutilgan jinoyatlarni sodir etgan shaxs tomonidan sodir etilgan bo‘lsa, —

uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.

Ushbu moddaning birinchi qismida nazarda tutilgan qilmishlarni sodir etgan shaxs o‘z ixtiyori bilan aybini bo‘yniga olish to‘g‘risida hokimiyat organlariga arz qilsa va giyohvandlik vositalarini, psixotrop moddalarni yoki ularning analoglarini topshirsa, jazodan ozod qilinadi.

276¹-modda. G‘ayriqonuniy narkolaboratoriya tashkil etish

Giyohvandlik vositalarini, psixotrop moddalarni yoki ularning analoglarini yoxud kuchli ta’sir qiluvchi moddalarni qonunga xilof ravishda ishlab chiqarish, tayyorlash yoki qayta ishlash uchun g‘ayriqonuniy narkolaboratoriya tashkil etish yoki saqlash, —

besh yildan o‘n yilgacha ozodlikdan mahrum qilish bilan jazolanadi.

O‘sha qilmishlar:

• a) takroran, xavfli retsidivist yoki ilgari ushbu Kodeksning 270 — 276 va 276² — 276⁸-moddalarida nazarda tutilgan jinoyatlarni sodir etgan shaxs tomonidan;
• b) bir guruh shaxslar tomonidan oldindan til biriktirib sodir etilgan bo‘lsa, —

o‘n yildan o‘n besh yilgacha ozodlikdan mahrum qilish bilan jazolanadi.

O‘sha qilmishlar:

• a) uyushgan guruh tomonidan yoki uning manfaatlarini ko‘zlab;
• b) ikki yoki undan ortiq g‘ayriqonuniy narkolaboratoriyalar tashkil etgan holda sodir etilgan bo‘lsa, —

o‘n besh yildan yigirma yilgacha ozodlikdan mahrum qilish bilan jazolanadi.

Ushbu moddaning birinchi qismida nazarda tutilgan qilmishlarni sodir etgan shaxs o‘z ixtiyori bilan aybini bo‘yniga olish to‘g‘risida hokimiyat organlariga arz qilsa, chin ko‘ngildan pushaymon bo‘lib, jinoyatni ochishda faol yordam bergan bo‘lsa, jazodan ozod qilinadi.

276²-modda. Bangixona tashkil qilish yoki saqlash

Giyohvandlik vositalarini, psixotrop moddalarni, ularning analoglarini yoki kuchli ta’sir qiluvchi moddalarni iste’mol qilish yoxud tarqatish uchun bangixona tashkil qilish yoki saqlash, —

uch yildan besh yilgacha ozodlikdan mahrum qilish bilan jazolanadi.

O‘sha harakatlar:

• a) bir guruh shaxslar tomonidan oldindan til biriktirib;
• b) takroran, xavfli retsidivist yoki ilgari ushbu Kodeksning 270 — 276¹, 276³ — 276⁸-moddalarida nazarda tutilgan jinoyatlarni sodir etgan shaxs tomonidan sodir etilgan bo‘lsa, —

besh yildan sakkiz yilgacha ozodlikdan mahrum qilish bilan jazolanadi.

O‘sha harakatlar uyushgan guruh tomonidan yoki uning manfaatlarini ko‘zlab sodir etilgan bo‘lsa, —

sakkiz yildan o‘n ikki yilgacha ozodlikdan mahrum qilish bilan jazolanadi.

276³-modda. Giyohvandlik vositalarining, psixotrop moddalarning yoki ularning analoglarining yoxud kuchli ta’sir qiluvchi moddalarning qonunga xilof muomalasiga homiylik qilish

Giyohvandlik vositalarining, psixotrop moddalarning yoki ularning analoglarining yoxud kuchli ta’sir qiluvchi moddalarning qonunga xilof muomalasini amalga oshirish bilan bog‘liq faoliyatga hokimiyat yoki mansab vakolatlarini suiiste’mol qilish yo‘li bilan homiylik qilish yoxud bunday faoliyat fosh bo‘lishining oldini olish maqsadida xizmat faoliyati yuzasidan o‘ziga ma’lum bo‘lgan ma’lumotlar haqida xabar berish, —

besh yildan sakkiz yilgacha ozodlikdan mahrum qilish bilan jazolanadi.

O‘sha harakatlar:

• a) takroran;
• b) tamagirlik niyatida sodir etilgan bo‘lsa;
• v) odam o‘limiga;
• g) boshqa og‘ir oqibatlar kelib chiqishiga sabab bo‘lsa, —

sakkiz yildan o‘n yilgacha ozodlikdan mahrum qilish bilan jazolanadi.

O‘sha harakatlar:

• a) odamlar o‘limiga sabab bo‘lsa;
• b) bir guruh shaxslar tomonidan oldindan til biriktirib;
• v) g‘ayriqonuniy narkolaboratoriya faoliyatini tashkil etish bilan bog‘liq holda sodir etilgan bo‘lsa, —

o‘n yildan o‘n besh yilgacha ozodlikdan mahrum qilish bilan jazolanadi.

O‘sha harakatlar:

• a) uyushgan guruh tomonidan yoki uning manfaatlarini ko‘zlab;
• b) ko‘p miqdordagi giyohvandlik vositalarining, psixotrop moddalarning yoki ularning analoglarining yoxud kuchli ta’sir qiluvchi moddalarning qonunga xilof muomalasi bilan bog‘liq holda;
• v) ikki yoki undan ortiq g‘ayriqonuniy narkolaboratoriyalar faoliyatini tashkil etish bilan bog‘liq holda sodir etilgan bo‘lsa, —

o‘n besh yildan yigirma yilgacha ozodlikdan mahrum qilish bilan jazolanadi.

276⁴-modda. Kuchli ta’sir qiluvchi yoki zaharli moddalarni qonunga xilof ravishda egallash

Kuchli ta’sir qiluvchi yoki zaharli moddalarni o‘g‘rilik yoki firibgarlik yo‘li bilan qonunga xilof ravishda egallash, —

uch yilgacha axloq tuzatish ishlari yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

O‘sha harakat:

• a) takroran yoki xavfli retsidivist tomonidan;
• b) bir guruh shaxslar tomonidan oldindan til biriktirib;
• v) o‘zlashtirish, rastrata qilish yoki mansab mavqeyini suiiste’mol qilish yo‘li bilan;
• g) talonchilik yo‘li bilan;
• d) tamagirlik yo‘li bilan sodir etilgan bo‘lsa, —

besh yildan o‘n yilgacha ozodlikdan mahrum qilish bilan jazolanadi.

O‘sha harakat:

• a) bosqinchilik yo‘li bilan;
• b) ko‘p miqdorda;
• v) uyushgan guruh tomonidan yoki uning manfaatlarini ko‘zlab sodir etilgan bo‘lsa, —

o‘n yildan yigirma yilgacha ozodlikdan mahrum qilish bilan jazolanadi.

Bilimingizni sinang