XotirAI logotipiXotirAI
⚖️ «Mahalliy davlat hokimiyati» qonuni · 26–29-m.

Xalq deputatlari kengashi va hokimning faoliyatida qonuniylikning kafolatlari

Moddalar

🧠 Bu mavzuni yodlash📝 Test yechish

26-modda. Xalq deputatlari Kengashi va hokim faoliyatining qonuniyligini nazorat qilish

Xalq deputatlari viloyat, tuman, shahar Kengashlarining qonunchilik normalariga muvofiq bo‘lmagan qarorlari belgilangan tartibda O‘zbekiston Respublikasi Oliy Majlisi Senati tomonidan bekor qilinadi.

Hokim xalq deputatlari Kengashining qonunchilikka zid qarorini qayta ko‘rib chiqish to‘g‘risida Kengashga tegishli taqdimnoma kiritadi, bundan xususiy mulk huquqining, shuningdek yer uchastkasiga bo‘lgan huquqning yuzaga kelishi uchun asos bo‘lgan qarorlar mustasno. Kengash hokimning taqdimnomasini bir oylik muddatda ko‘rib chiqib, Kengash qarorini o‘zgartirish yoki bekor qilish to‘g‘risida qaror qabul qiladi. Xalq deputatlari viloyat, tuman, shahar Kengashi tomonidan hokimning taqdimnomasi qanoatlantirilmagan taqdirda, hokim Kengashning tegishli qarorini bekor qilish to‘g‘risida yuqori turuvchi Kengashga, O‘zbekiston Respublikasi Oliy Majlisining Senatiga yoki sudga murojaat qilishga haqli.

O‘zbekiston Respublikasi Oliy Majlisi Senatining qarori bilan bekor qilingan xalq deputatlari viloyat, tuman, shahar Kengashlarining qarorlari o‘zining amal qilishini tugatadi.

Hokimlarning hujjatlari O‘zbekiston Respublikasi Prezidenti tomonidan to‘xtatiladi yoki bekor qilinadi.

Hokimlarning qonunchilikka, shuningdek O‘zbekiston Respublikasining davlat manfaatlariga zid bo‘lgan hujjatlari O‘zbekiston Respublikasi Vazirlar Mahkamasi tomonidan to‘xtatiladi yoki bekor qilinadi, bundan xususiy mulk huquqining, shuningdek yer uchastkasiga bo‘lgan huquqning yuzaga kelishi uchun asos bo‘lgan hujjatlar mustasno.

26¹-modda. Mahalliy davlat hokimiyati organlarining faoliyatini cheklash

O‘zbekiston Respublikasi Prezidentining favqulodda holatni joriy etish to‘g‘risidagi farmonida favqulodda holat joriy etilgan hududda favqulodda holatning amal qilish davrida mahalliy davlat hokimiyati organlarining vakolatlarini to‘liq yoki qisman to‘xtatib turish nazarda tutilishi mumkin.

27-modda. Yuqori turuvchi hokimiyat organlari qarorlarining quyi organlar uchun majburiyligi

Yuqori turuvchi davlat hokimiyati organlari o‘z vakolatlari doirasida qabul qilgan qarorlar quyi organlarning ijrosi uchun majburiydir.

28-modda. Xalq deputatlari Kengashi va hokim qabul qilgan hamda chiqargan hujjatlar ustidan sudga shikoyat qilish va protest keltirish

Xalq deputatlari Kengashi va hokim tomonidan qabul qilingan hamda chiqarilgan hujjatlar ustidan fuqarolar, jamoat birlashmalari, korxonalar, muassasalar va tashkilotlar tomonidan sud tartibida shikoyat qilinishi, shuningdek prokuror tomonidan protest keltirilishi mumkin.

29-modda. Hokimning prokuror protest bildirgan qarorlari qayta ko‘rib chiqilishi majburiyligi

Hokimning O‘zbekiston Respublikasining Konstitutsiyasi va qonunlariga, O‘zbekiston Respublikasi Prezidenti va Hukumatining hujjatlariga zid, prokuror protest bildirgan qarorlari shu hokimning o‘zi tomonidan yoki yuqori turuvchi hokim yoinki O‘zbekiston Respublikasi Vazirlar Mahkamasi, zaruratiga qarab esa O‘zbekiston Respublikasi Prezidenti tomonidan qayta ko‘rib chiqiladi.

O‘zbekiston Respublikasining Prezidenti I. KARIMOV

Toshkent sh.,

1993-yil 2-sentabr,

913-XII-son

Bilimingizni sinang

Xalq deputatlari Kengashi hokimning qonunchilikka zid qarorni qayta ko‘rib chiqish haqidagi taqdimnomasini qanday muddatda ko‘rib chiqadi?
  1. O‘n kunlik muddatda
  2. Bir oylik muddatda
  3. Yigirma kunlik muddatda
  4. Uch oylik muddatda

To‘g‘ri javob: Bir oylik muddatda. Kengash hokimning taqdimnomasini bir oylik muddatda ko‘rib chiqib, qarorni o‘zgartirish yoki bekor qilish to‘g‘risida qaror qabul qiladi.

Tuman Kengashi qonunchilik normalariga zid qaror qabul qildi. Bu qaror belgilangan tartibda qaysi organ tomonidan bekor qilinadi?
  1. Hokim va viloyat Kengashi o‘zaro hamkorlikda
  2. O‘zbekiston Respublikasi Oliy Majlisi Senati
  3. O‘zbekiston Respublikasi Vazirlar Mahkamasi
  4. Tuman sudi va tegishli hududiy prokuratura

To‘g‘ri javob: O‘zbekiston Respublikasi Oliy Majlisi Senati. 26-moddaga ko‘ra Kengashlarning qonunga zid qarorlari Senat tomonidan bekor qilinadi.

Hokim Kengashning qonunga zid qarorini qayta ko‘rib chiqish haqida taqdimnoma kiritdi. Kengash taqdimnomani qancha muddatda ko‘rib chiqadi?
  1. Bir oylik muddatda
  2. Bir yillik muddatda
  3. Olti oylik muddatda
  4. Uch kunlik muddatda

To‘g‘ri javob: Bir oylik muddatda. 26-moddaga ko‘ra Kengash hokim taqdimnomasini bir oylik muddatda ko‘rib chiqadi.

Viloyat Kengashi hokimning taqdimnomasini qanoatlantirmadi. Hokim Kengashning qarorini bekor qilish uchun qayerga murojaat qilishga haqli?
  1. Faqat Vazirlar Mahkamasiga yoki Prezidentga murojaat qila oladi
  2. Hech qayerga murojaat qila olmaydi, Kengash qarori qat’iy
  3. Yuqori turuvchi Kengashga, Oliy Majlis Senatiga yoki sudga
  4. Faqat prokuraturaga yoki Bosh prokurorga murojaat qiladi

To‘g‘ri javob: Yuqori turuvchi Kengashga, Oliy Majlis Senatiga yoki sudga. 26-moddaga ko‘ra hokim yuqori Kengashga, Senatga yoki sudga murojaat qilishga haqli.

Oliy Majlis Senatining qarori bilan bekor qilingan Kengash qarorlari qanday oqibatga uchraydi?
  1. O‘zining amal qilishini tugatadi
  2. Amal qilishini davom ettiradi
  3. Hokim tasdig‘i bilan davom etadi
  4. Faqat qisman bekor bo‘ladi

To‘g‘ri javob: O‘zining amal qilishini tugatadi. 26-moddaga ko‘ra Senat qarori bilan bekor qilingan qarorlar o‘zining amal qilishini tugatadi.

Hokimlarning hujjatlarini kim to‘xtatadi yoki bekor qiladi?
  1. Bosh prokuror o‘z buyrug‘i bilan
  2. Oliy sud Plenumi qaroriga ko‘ra
  3. Yuqori turuvchi Kengash qarori bilan
  4. O‘zbekiston Respublikasi Prezidenti

To‘g‘ri javob: O‘zbekiston Respublikasi Prezidenti. 26-moddaga ko‘ra hokimlarning hujjatlari Prezident tomonidan to‘xtatiladi yoki bekor qilinadi.

Viloyat hokimi davlat manfaatlariga zid hujjat chiqardi (yer huquqi bilan bog‘liq emas). Bu hujjatni qaysi organ to‘xtatishi yoki bekor qilishi mumkin?
  1. Faqat Kengash
  2. Faqat sud
  3. Vazirlar Mahkamasi
  4. Faqat tuman hokimi

To‘g‘ri javob: Vazirlar Mahkamasi. 26-moddaga ko‘ra hokimlarning davlat manfaatlariga zid hujjatlari Vazirlar Mahkamasi tomonidan to‘xtatiladi yoki bekor qilinadi.

Favqulodda holat joriy etilgan hududda mahalliy davlat hokimiyati organlari vakolatlariga nisbatan nima nazarda tutilishi mumkin?
  1. Saylov o‘tkazishni muddatidan oldin tezlashtirish
  2. Vakolatlarni kengaytirish va yangi vakolatlar berish
  3. Soliqni bekor qilish va yig‘imlarni to‘xtatish
  4. Vakolatlarni to‘liq yoki qisman to‘xtatib turish

To‘g‘ri javob: Vakolatlarni to‘liq yoki qisman to‘xtatib turish. 261-moddaga ko‘ra Prezident farmonida vakolatlarni to‘liq yoki qisman to‘xtatib turish nazarda tutilishi mumkin.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiXalq deputatlari kengashlarining vakolatlari