XotirAI logotipiXotirAI
⚖️ Ma’muriy javobgarlik kodeksi · 345–348-m.

Ma’muriy qamoqqa olish to‘g‘risidagi qarorni ijro etish bo‘yicha ish yuritish · qarorning mulkiy zararni undirib olish xususidagi qismini ijro etish bo‘yicha ish yuritish

Beshinchi Bo‘Lim

🧠 Bu mavzuni yodlash📝 Test yechish

345-modda. Ma’muriy qamoqqa olish to‘g‘risidagi qarorni ijro etish

Ma’muriy qamoqqa olish to‘g‘risidagi qaror chiqarilgandan keyin darhol ijro etiladi.

346-modda. Ma’muriy qamoqni o‘tash tartibi

Ma’muriy qamoqqa olingan shaxslar ichki ishlar organlari belgilab qo‘ygan joylarda qamoqda saqlanadilar. Ma’muriy qamoqqa olish to‘g‘risidagi qarorni ijro etish chog‘ida qamoqqa olinganlar shaxsiy ko‘rikdan o‘tkaziladilar.

Ma’muriy yo‘l bilan ushlab turish muddati ma’muriy qamoq muddatiga qo‘shib hisoblanadi.

Ma’muriy qamoqni o‘tash O‘zbekiston Respublikasi qonun hujjatlarida belgilangan qoidalar asosida amalga oshiriladi.

Ma’muriy qamoqqa olingan shaxslar jismoniy ishlarda foydalaniladi.

Ma’muriy qamoqqa olingan shaxslar mehnatidan foydalanishni tashkil etish tuman (shahar) hokimliklariga yuklatiladi.

Ma’muriy qamoqqa olingan shaxslarga qamoqda bo‘lgan vaqtlari uchun doimiy ish joylaridan ish haqi to‘lanmaydi.

XXX¹ bob. CHET EL FUQAROLARINI VA FUQAROLIGI BO‘LMAGAN SHAXSLARNI O‘ZBEKISTON RESPUBLIKASI HUDUDIDAN MA’MURIY TARZDA CHIQARIB YUBORISH TO‘G‘RISIDAGI QARORNI IJRO ETISH BO‘YICHA ISH YURITISH

346¹-modda. Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorning ijrosini amalga oshiruvchi organlar

Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qaror quyidagi organlar tomonidan ijro etiladi:

ushbu Kodeksning 51², 51⁸, 51⁹, 56, 57, 58-moddalarida, 61¹-moddasining birinchi qismida, 94, 165¹, 184², 184³, 189, 189¹, 201, 202¹-moddalarida, 225-moddasining birinchi — uchinchi qismlarida, 239, 240, 241-moddalarida nazarda tutilgan huquqbuzarliklar chet el fuqarolari va fuqaroligi bo‘lmagan shaxslar tomonidan sodir etilgan taqdirda — ichki ishlar organlari tomonidan;

ushbu Kodeksning 224¹-moddasining uchinchi va to‘rtinchi qismlarida nazarda tutilgan huquqbuzarlik chet el fuqarolari va fuqaroligi bo‘lmagan shaxslar tomonidan sodir etilgan taqdirda — O‘zbekiston Respublikasi Davlat xavfsizlik xizmatining Chegara qo‘shinlari tomonidan.

346²-modda. Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorni ijro etish

Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorni ijro etish mazkur shaxslar qaysi chet davlat hududiga chiqarib yuborilayotgan bo‘lsa, o‘sha chet davlatning hokimiyat vakiliga ularni rasmiy ravishda topshirish yoxud chiqarib yuborilayotgan shaxsning O‘zbekiston Respublikasi hududidan nazorat ostida mustaqil ravishda chiqib ketishi yo‘li bilan amalga oshiriladi.

Agar chiqarib yuborilayotgan shaxsni chet davlat vakiliga topshirish O‘zbekiston Respublikasining mazkur davlat bilan tuzilgan shartnomasida nazarda tutilmagan bo‘lsa, chiqarib yuborish O‘zbekiston Respublikasi Davlat xavfsizlik xizmatining Chegara qo‘shinlari tomonidan belgilanadigan joyda amalga oshiriladi.

Chet el fuqarosini yoki fuqaroligi bo‘lmagan shaxsni O‘zbekiston Respublikasining Davlat chegarasi orqali o‘tkazish punktidan chiqarib yuborish to‘g‘risida mazkur shaxs qaysi chet davlat hududiga (hududi orqali) chiqarib yuborilayotgan bo‘lsa, o‘sha chet davlatning hokimiyat vakillari, agar O‘zbekiston Respublikasining ushbu davlat bilan tuzilgan shartnomasida nazarda tutilgan bo‘lsa, xabardor qilinadi.

Chet el fuqarolarini va fuqaroligi bo‘lmagan shaxslarni ma’muriy tarzda chiqarib yuborish to‘g‘risidagi qarorni ijro etish dalolatnoma bilan rasmiylashtiriladi.

347-modda. Qarorning mulkiy zararni undirib olish xususidagi qismini ijro etish tartibi va muddatlari

Ma’muriy huquqbuzarlik to‘g‘risidagi ish yuzasidan chiqarilgan qarorning mulkiy zararni undirib olish xususidagi qismi ushbu Kodeks va O‘zbekiston Respublikasining boshqa qonunchiligi bilan belgilangan tartibda ijro etiladi.

Ma’muriy huquqbuzarlik to‘g‘risidagi ish yuzasidan chiqarilgan qarorning mulkiy zararni undirib olish xususidagi qismi ijro hujjati hisoblanadi.

Mulkiy zarar huquqbuzar tomonidan unga qaror topshirilgan kundan boshlab o‘n besh kundan kechiktirmay to‘lanishi lozim (ushbu Kodeksning 311-moddasi), bunday qaror xususida shikoyat berilgan yoki protest bildirilgan taqdirda — shikoyat yoki protest qanoatlantirilmaganligi ma’lum qilingan kundan boshlab o‘n besh kundan kechiktirmay qoplanishi lozim.

348-modda. Qarorning mulkiy zararni undirib olish xususidagi qismini bajarmaslik oqibatlari

Qarorning mulkiy zararni undirib olishga oid qismi ushbu Kodeks 347-moddasining uchinchi qismida belgilangan muddatda ijro etilmasa, u qonunchilikda belgilangan tartibda majburiy ijro uchun davlat ijrochisiga yuboriladi.

Bilimingizni sinang

Ma’muriy javobgarlik kodeksiga ko‘ra, ma’muriy qamoqqa olish to‘g‘risidagi qaror qachon ijro etiladi?
  1. Chiqarilgandan keyin darhol
  2. Chiqarilgandan keyin o‘n kun o‘tgach
  3. Faqat prokuror ruxsat bergandan keyin
  4. Qaror ustidan shikoyat berish muddati tugagach

To‘g‘ri javob: Chiqarilgandan keyin darhol. 345-moddaga ko‘ra, ma’muriy qamoqqa olish to‘g‘risidagi qaror chiqarilgandan keyin darhol ijro etiladi.

Ma’muriy qamoqqa olingan shaxslar qaerda qamoqda saqlanadilar?
  1. Sud binosidagi maxsus xonalarda, sud belgilagan joyda
  2. Hokimlik tomonidan belgilab qo‘yilgan joylarda
  3. Ichki ishlar organlari belgilab qo‘ygan joylarda
  4. Prokuratura tasarrufidagi maxsus muassasalarda

To‘g‘ri javob: Ichki ishlar organlari belgilab qo‘ygan joylarda. 346-moddaga ko‘ra, ular ichki ishlar organlari belgilab qo‘ygan joylarda saqlanadilar.

Fuqaro Ergashev yetti sutkaga ma’muriy qamoqqa olindi. Bundan oldin u ma’muriy yo‘l bilan bir sutka ushlab turilgan edi. Ma’muriy javobgarlik kodeksiga ko‘ra, qaysi xulosa to‘g‘ri?
  1. Ushlab turish muddati qamoq muddatiga qo‘shilmaydi, Ergashev yetti sutka to‘liq o‘taydi
  2. Ushlab turish muddati ikki baravar hisoblanadi
  3. Ushlab turish muddati faqat sudning xohishiga ko‘ra hisobga olinadi
  4. Ushlab turish muddati qamoq muddatiga qo‘shib hisoblanadi

To‘g‘ri javob: Ushlab turish muddati qamoq muddatiga qo‘shib hisoblanadi. 346-moddaga ko‘ra, ma’muriy yo‘l bilan ushlab turish muddati ma’muriy qamoq muddatiga qo‘shib hisoblanadi.

Zavod ishchisi Aliyev ma’muriy qamoqqa olindi. Uning doimiy ish joyi qamoqda bo‘lgan vaqti uchun Aliyevga ish haqi to‘lashi kerakmi?
  1. Ha, qamoqda bo‘lgan vaqti uchun doimiy ish joyidan ish haqi to‘liq to‘lanadi
  2. Yo‘q, qamoqda bo‘lgan vaqti uchun doimiy ish joyidan ish haqi to‘lanmaydi
  3. Ha, doimiy ish joyidan qamoqda bo‘lgan vaqti uchun ish haqining yarmi to‘lanadi
  4. Faqat Aliyevning yozma roziligi bilan doimiy ish joyidan ish haqi to‘lanishi mumkin

To‘g‘ri javob: Yo‘q, qamoqda bo‘lgan vaqti uchun doimiy ish joyidan ish haqi to‘lanmaydi. 346-moddaga ko‘ra, qamoqda bo‘lgan vaqt uchun doimiy ish joyidan ish haqi to‘lanmaydi.

Ma’muriy javobgarlik kodeksiga ko‘ra, ma’muriy qamoqqa olingan shaxslar mehnatidan foydalanishni tashkil etish kimning zimmasiga yuklatiladi?
  1. Ichki ishlar organlarining
  2. Mahalla fuqarolar yig‘inlarining
  3. Tuman (shahar) hokimliklarining
  4. Qamoqqa olingan shaxsning ish joyining

To‘g‘ri javob: Tuman (shahar) hokimliklarining. 346-moddaga ko‘ra, qamoqqa olinganlar mehnatidan foydalanishni tashkil etish tuman (shahar) hokimliklariga yuklatiladi.

Ma’muriy javobgarlik kodeksi — 346¹-modda qaysi masalani tartibga soladi?
  1. Ov qilish huquqidan mahrum etish to‘g‘risidagi qarorni ijro etish tartibi
  2. Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorning ijrosini amalga oshiruvchi organlar
  3. Ma’muriy qamoqqa olish to‘g‘risidagi qarorni ijro etish
  4. Maxsus huquqdan mahrum etish to‘g‘risidagi qarorni ijro etuvchi organlar

To‘g‘ri javob: Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorning ijrosini amalga oshiruvchi organlar. 346¹-modda: Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorning ijrosini amalga oshiruvchi organlar.

Ma’muriy javobgarlik kodeksi: «Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorning ijrosini amalga oshiruvchi organlar» qaysi moddada belgilangan?
  1. 340-modda
  2. 342-modda
  3. 345-modda
  4. 346¹-modda

To‘g‘ri javob: 346¹-modda. 346¹-modda: Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorning ijrosini amalga oshiruvchi organlar.

Ma’muriy javobgarlik kodeksining 224¹-moddasi uchinchi va to‘rtinchi qismlarida nazarda tutilgan huquqbuzarlik chet el fuqarosi tomonidan sodir etilsa, uni ma’muriy tarzda chiqarib yuborish to‘g‘risidagi qarorni qaysi organ ijro etadi?
  1. Davlat xavfsizlik xizmatining Chegara qo‘shinlari
  2. Ichki ishlar organlarining migratsiya xizmati
  3. Tuman hokimliklarining mas’ul mansabdor shaxslari
  4. Favqulodda vaziyatlar vazirligining hududiy organlari

To‘g‘ri javob: Davlat xavfsizlik xizmatining Chegara qo‘shinlari. 346¹-moddaning ikkinchi bandiga ko‘ra, bu holatda qaror Davlat xavfsizlik xizmatining Chegara qo‘shinlari tomonidan ijro etiladi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiMaxsus huquqdan mahrum etish to‘g‘risidagi qarorni ijro etish bo‘yicha ish yuritish