XotirAI logotipiXotirAI
⚖️ Oila kodeksi · 117–121-m.

Er-xotinlar va sobiq er-xotinlarning aliment majburiyatlari

V Bo‘Lim. Oila A’Zolarining Va Boshqa Shaxslarning Aliment Majburiyatlari

🧠 Bu mavzuni yodlash📝 Test yechish

117-modda. Er-xotinning bir-biriga ta’minot berish majburiyatlari

Er-xotin bir-biriga moddiy yordam berishi shart. Bunday yordam berishdan bosh tortilgan taqdirda, yordamga muhtoj, mehnatga layoqatsiz er yoki xotin, shuningdek xotin homiladorlik davrida va o‘rtada bola tug‘ilgan kundan e’tiboran uch yil davomida, o‘rtadagi nogironligi bo‘lgan bolani u o‘n sakkiz yoshga to‘lguniga qadar parvarishlashni yoki bolalikdan I guruh nogironligi bo‘lgan o‘rtadagi bolani parvarishlashni amalga oshirgan, yordamga muhtoj bo‘lgan er (xotin) yordam berishga qodir bo‘lgan xotindan (erdan) sud tartibida ta’minot (aliment) olish huquqiga ega.

118-modda. Nikohdan ajralganidan keyin sobiq er (xotin)ning ta’minot olish huquqi

Yetarli mablag‘ga ega bo‘lgan sobiq er (xotin)dan:

sobiq xotin homiladorlik davrida va o‘rtada bola tug‘ilgan kundan boshlab uch yil davomida;

o‘rtadagi nogironligi bo‘lgan bolani u o‘n sakkiz yoshga to‘lguniga qadar parvarishlashni yoki bolalikdan I guruh nogironligi bo‘lgan bolani parvarishlashni amalga oshirgan, yordamga muhtoj bo‘lgan sobiq xotin (er);

nikohdan ajralgunga qadar yoki nikohdan ajralgan paytdan boshlab bir yil davomida mehnatga layoqatsiz bo‘lib qolgan yordamga muhtoj sobiq xotin (er);

nikohdan ajralgan paytdan boshlab besh yil ichida pensiya yoshiga yetgan yordamga muhtoj xotin (er), agar er-xotin uzoq vaqt nikohda turishgan bo‘lsa, sud tartibida aliment talab qilish huquqiga egadir.

Nikohdan ajralgandan keyin sobiq er yoki xotinga to‘lanadigan aliment miqdori va uni to‘lash tartibi sobiq er-xotin o‘rtasidagi kelishuv bilan belgilanishi mumkin.

119-modda. Er-xotin (sobiq er-xotin)dan sud tartibida undiriladigan aliment miqdori

Er-xotin (sobiq er-xotin) o‘rtasida aliment to‘lash to‘g‘risida kelishuv mavjud bo‘lmagan hollarda er yoki xotinga (sobiq er yoki xotinga) sud tartibida undirib beriladigan aliment miqdori sud tomonidan er yoki xotinning (sobiq er yoki xotinning) moddiy va oilaviy ahvolini hamda taraflarning e’tiborga loyiq boshqa manfaatlarini e’tiborga olib, har oyda pul bilan to‘lanadigan qat’iy summada belgilanadi, biroq bu summa qonunchilikda belgilangan mehnatga haq to‘lash eng kam miqdorining 11,75 foizidan kam bo‘lmasligi lozim.

120-modda. Er va xotinni bir-birlariga ta’minot berish majburiyatidan ozod qilish yoki bu majburiyatni muayyan muddat bilan cheklash

Sud quyidagi hollarda:

agar er-xotin nikohda qisqa vaqt mobaynida bo‘lgan bo‘lsa;

agar o‘z ta’minoti uchun mablag‘ to‘lanishini talab qilayotgan er yoki xotinning noloyiq xulq-atvori tufayli nikohdan ajratilgan bo‘lsa;

agar yordamga muhtoj er yoki xotinning mehnatga layoqatsiz bo‘lib qolishi uning spirtli ichimliklarni, giyohvandlik vositalarini, psixotrop moddalarni suiiste’mol qilishi yoki qasddan jinoyat sodir etishi oqibatida yuz bergan bo‘lsa, er (xotin)ni yordamga muhtoj mehnatga layoqatsiz xotin (er)ga ta’minot berish majburiyatidan ozod qilishi yoxud bu majburiyatni muayyan muddat bilan cheklab qo‘yishi mumkin.

121-modda. Er (xotin)ning aliment olish huquqining tugashi

Er-xotinning bir-biridan ta’minot olish huquqi ushbu Kodeksning 117 va 118-moddalariga muvofiq ta’minot olish uchun asos bo‘lgan shartlar tugagan taqdirda, shuningdek nikohdan ajralgan yordamga muhtoj, mehnatga layoqatsiz er yoki xotin yangi nikohga kirganda tugaydi. Bunday hollarda, agar ta’minot uchun mablag‘ sudning hal qiluv qaroriga binoan undirilgan bo‘lsa, uni to‘lashi shart bo‘lgan er (xotin) bundan buyon aliment to‘lashdan ozod etish haqidagi talab bilan sudga murojaat qilishga haqlidir.

Bilimingizni sinang

Yordamga muhtoj xotin erdan aliment olish huquqiga ega bo‘lishi uchun u o‘rtada bola tug‘ilgan kundan boshlab qancha muddat davomida shunday huquqqa ega?
  1. uch yil
  2. bir yil
  3. besh yil
  4. ikki yil

To‘g‘ri javob: uch yil. Xotin homiladorlik davrida va o‘rtada bola tug‘ilgan kundan e’tiboran uch yil davomida erdan aliment olish huquqiga ega.

Nogironligi bo‘lgan o‘rtadagi bolani parvarishlagan, yordamga muhtoj er (xotin) aliment olish huquqiga ega bo‘lishi uchun bola necha yoshga to‘lguniga qadar parvarish qilingan bo‘lishi kerak?
  1. yigirma yoshga
  2. o‘n sakkiz yoshga
  3. o‘n to‘rt yoshga
  4. o‘n olti yoshga

To‘g‘ri javob: o‘n sakkiz yoshga. Nogironligi bo‘lgan bolani o‘n sakkiz yoshga to‘lguniga qadar parvarishlagan, yordamga muhtoj er (xotin) aliment talab qilishi mumkin.

Oila kodeksi — 117-modda qaysi masalani tartibga soladi?
  1. Nevaralarning bobo va buvilariga ta’minot berish majburiyati
  2. Er-xotinning bir-biriga ta’minot berish majburiyatlari
  3. Ota-onaning ta’minoti uchun qilinadigan qo‘shimcha xarajatlar
  4. Sudning bir necha hal qiluv qarorlari bo‘yicha undiriladigan aliment miqdorini belgilash

To‘g‘ri javob: Er-xotinning bir-biriga ta’minot berish majburiyatlari. 117-modda: Er-xotinning bir-biriga ta’minot berish majburiyatlari.

Oila kodeksi: «Er-xotinning bir-biriga ta’minot berish majburiyatlari» qaysi moddada belgilangan?
  1. 111-modda
  2. 117-modda
  3. 115-modda
  4. 124-modda

To‘g‘ri javob: 117-modda. 117-modda: Er-xotinning bir-biriga ta’minot berish majburiyatlari.

Oila kodeksiga ko‘ra er-xotinning bir-biriga nisbatan qanday majburiyati bor?
  1. Faqat ma’naviy yordam berish majburiyati
  2. Moddiy yordam berishi shart
  3. Moddiy yordam berish ixtiyoriy
  4. Faqat birga yashaganda yordam berish majburiyati

To‘g‘ri javob: Moddiy yordam berishi shart. 117-modda: er-xotin bir-biriga moddiy yordam berishi shart.

Nikohdagi Dilnoza homilador va yordamga muhtoj, eri Botir esa moddiy yordam berishdan bosh tortdi. Oila kodeksiga ko‘ra Dilnoza nima qilishga haqli?
  1. Faqat bola tug‘ilgandan keyin Botirdan aliment olish huquqiga ega
  2. Botirdan aliment olish huquqiga faqat prokuror orqali ega
  3. Aliment olishga haqli emas, nikohdagi xotinga ta’minot berilmaydi
  4. Botirdan sud tartibida ta’minot (aliment) olish huquqiga ega

To‘g‘ri javob: Botirdan sud tartibida ta’minot (aliment) olish huquqiga ega. 117-modda: yordamga muhtoj xotin homiladorlik davrida yordam berishga qodir erdan sud tartibida aliment olish huquqiga ega.

Nikohdagi Sevara yordamga muhtoj va 12 yoshli nogironligi bo‘lgan o‘g‘lini parvarishlamoqda; eri Murod yordam berishga qodir, ammo bosh tortmoqda. Oila kodeksiga ko‘ra qaysi xulosa to‘g‘ri?
  1. Sevara Murodan sud tartibida ta’minot olish huquqiga ega
  2. Sevara faqat ajrashgandan keyin ta’minot talab qila oladi
  3. Murodning yordam berishi ixtiyoriy
  4. Sevara ta’minotni faqat vasiylik organi orqali oladi

To‘g‘ri javob: Sevara Murodan sud tartibida ta’minot olish huquqiga ega. 117-modda: nogironligi bo‘lgan bolani 18 yoshgacha parvarishlayotgan yordamga muhtoj er (xotin) sud tartibida aliment olish huquqiga ega.

Oila kodeksi — 118-modda qaysi masalani tartibga soladi?
  1. Aliment to‘lashdan bosh tortganlik uchun javobgarlik
  2. Bobo va buvining o‘z nevaralariga ta’minot berish majburiyati
  3. Voyaga yetmagan va voyaga yetgan mehnatga layoqatsiz shaxslarga ta’minot berish majburiyati
  4. Nikohdan ajralganidan keyin sobiq er (xotin)ning ta’minot olish huquqi

To‘g‘ri javob: Nikohdan ajralganidan keyin sobiq er (xotin)ning ta’minot olish huquqi. 118-modda: Nikohdan ajralganidan keyin sobiq er (xotin)ning ta’minot olish huquqi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiOta-ona hamda bolalarning aliment huquqi va majburiyatlari (3/3)Keyingi →Qarindoshlar va boshqa shaxslarning aliment majburiyatlari