XotirAI logotipiXotirAI
⚖️ Saylov kodeksi · 1–6-m.

Umumiy qoidalar · Saylov okruglari va uchastkalari (1/2)

Moddalar

🧠 Bu mavzuni yodlash📝 Test yechish

1-modda. Ushbu Kodeks bilan tartibga solinadigan munosabatlar

Ushbu Kodeks O‘zbekiston Respublikasi Prezidenti, O‘zbekiston Respublikasi Oliy Majlisi Qonunchilik palatasi (bundan buyon matnda Qonunchilik palatasi deb yuritiladi) deputatlari, O‘zbekiston Respublikasi Oliy Majlisi Senati (bundan buyon matnda Senat deb yuritiladi) a’zolari, xalq deputatlari viloyat, tuman va shahar Kengashlari (bundan buyon matnda mahalliy Kengashlar deb yuritiladi) deputatlari saylovlariga tayyorgarlik ko‘rish va ularni o‘tkazish bilan bog‘liq munosabatlarni tartibga soladi hamda O‘zbekiston Respublikasi fuqarolarining xohish-irodasi erkin bildirilishini ta’minlovchi kafolatlarni belgilaydi.

2-modda. Saylov to‘g‘risidagi qonunchilik

Saylov to‘g‘risidagi qonunchilik O‘zbekiston Respublikasining Konstitutsiyasi, ushbu Kodeks va O‘zbekiston Respublikasining boshqa qonunchilik hujjatlaridan iboratdir.

3-modda. O‘zbekiston Respublikasida saylov o‘tkazishning asosiy prinsiplari

O‘zbekiston Respublikasida saylov umumiy, teng, to‘g‘ridan-to‘g‘ri saylov huquqi asosida yashirin ovoz berish orqali o‘tkaziladi.

Saylov ochiq va oshkora o‘tkaziladi.

4-modda. Umumiy saylov huquqi

O‘zbekiston Respublikasi Prezidenti, Qonunchilik palatasi deputatlari va mahalliy Kengashlar deputatlari saylovlari umumiydir.

Saylov kuniga qadar yoki saylov kuni o‘n sakkiz yoshga to‘lgan O‘zbekiston Respublikasi fuqarolari (bundan buyon matnda fuqarolar deb yuritiladi) saylash huquqiga egadir.

Fuqarolar jinsi, irqiy va milliy mansubligi, tili, dinga munosabati, ijtimoiy kelib chiqishi, e’tiqodi, ijtimoiy mavqeyi, ma’lumoti, mashg‘ulotining turi va xususiyatidan qat’i nazar, teng saylov huquqiga egadir.

5-modda. Teng saylov huquqi

Saylovda ishtirok etuvchi har bir fuqaro bir ovozga ega bo‘ladi.

Sud tomonidan muomalaga layoqatsiz deb topilgan fuqarolar, shuningdek sud hukmi bilan ozodlikdan mahrum etish joylarida saqlanayotgan shaxslar saylanishi mumkin emas.

Sud tomonidan muomalaga layoqatsiz deb topilgan fuqarolar, shuningdek og‘ir va o‘ta og‘ir jinoyatlar sodir etganlik uchun sudning hukmiga ko‘ra ozodlikdan mahrum etish joylarida saqlanayotgan shaxslar saylovda ishtirok etish huquqidan faqat qonunga muvofiq hamda sudning qarori asosida mahrum etilishi mumkin. Boshqa har qanday hollarda fuqarolarning saylov huquqlarini to‘g‘ridan-to‘g‘ri yoki bilvosita cheklashga yo‘l qo‘yilmaydi.

6-modda. To‘g‘ridan-to‘g‘ri saylov huquqi

O‘zbekiston Respublikasi Prezidenti, Qonunchilik palatasi deputatlari, mahalliy Kengashlar deputatlari fuqarolar tomonidan bevosita saylanadi.

Bilimingizni sinang

Saylov kodeksi — 1-modda qaysi masalani tartibga soladi?
  1. Saylov o‘tkazilishini cheklash
  2. Saylov komissiyalari tizimi
  3. Teng saylov huquqi
  4. Ushbu Kodeks bilan tartibga solinadigan munosabatlar

To‘g‘ri javob: Ushbu Kodeks bilan tartibga solinadigan munosabatlar. 1-modda: Ushbu Kodeks bilan tartibga solinadigan munosabatlar.

Saylov kodeksi: «Ushbu Kodeks bilan tartibga solinadigan munosabatlar» qaysi moddada belgilangan?
  1. 1-modda
  2. 5-modda
  3. 8¹-modda
  4. 11-modda

To‘g‘ri javob: 1-modda. 1-modda: Ushbu Kodeks bilan tartibga solinadigan munosabatlar.

Saylov kodeksi qaysi saylovlarga tayyorgarlik ko‘rish va ularni o‘tkazish bilan bog‘liq munosabatlarni tartibga soladi?
  1. Prezident, Qonunchilik palatasi deputatlari, Senat a’zolari va mahalliy Kengashlar deputatlari saylovlarini
  2. Faqat Prezident va Qonunchilik palatasi deputatlari saylovlarini, Senat va mahalliy Kengashlar saylovlarini esa emas
  3. Prezident, Senat a’zolari va mahalliy Kengashlar saylovlarini hamda referendum munosabatlarini
  4. Prezident, Senat a’zolari va mahalliy Kengashlar deputatlari saylovlarini hamda referendum o‘tkazish munosabatlarini

To‘g‘ri javob: Prezident, Qonunchilik palatasi deputatlari, Senat a’zolari va mahalliy Kengashlar deputatlari saylovlarini. Saylov kodeksining 1-moddasiga ko‘ra Kodeks Prezident, Qonunchilik palatasi deputatlari, Senat a’zolari va mahalliy Kengashlar deputatlari saylovlarini tartibga soladi.

Saylov kodeksiga ko‘ra, saylov to‘g‘risidagi qonunchilik nimalardan iborat?
  1. Faqat Saylov kodeksidan
  2. Konstitutsiya va Markaziy saylov komissiyasining qarorlaridan
  3. Konstitutsiya, Saylov kodeksi va boshqa qonunchilik hujjatlaridan
  4. Faqat Konstitutsiya va Prezident farmonlaridan

To‘g‘ri javob: Konstitutsiya, Saylov kodeksi va boshqa qonunchilik hujjatlaridan. 2-moddaga ko‘ra saylov to‘g‘risidagi qonunchilik Konstitutsiya, Kodeks va boshqa qonunchilik hujjatlaridan iborat.

Saylov kodeksining 3-moddasiga ko‘ra, O‘zbekiston Respublikasida saylov qanday asosda o‘tkaziladi?
  1. Umumiy, teng, bilvosita saylov huquqi asosida ochiq ovoz berish orqali
  2. Cheklangan, teng, to‘g‘ridan-to‘g‘ri saylov huquqi asosida ochiq ovoz berish orqali
  3. Umumiy, teng, bilvosita saylov huquqi asosida yashirin ovoz berish orqali
  4. Umumiy, teng, to‘g‘ridan-to‘g‘ri saylov huquqi asosida yashirin ovoz berish orqali

To‘g‘ri javob: Umumiy, teng, to‘g‘ridan-to‘g‘ri saylov huquqi asosida yashirin ovoz berish orqali. 3-moddaga ko‘ra saylov umumiy, teng, to‘g‘ridan-to‘g‘ri saylov huquqi asosida yashirin ovoz berish orqali o‘tkaziladi.

O‘zbekiston Respublikasida saylov kuniga qadar yoki saylov kuni qaysi yoshga to‘lgan fuqarolar saylash huquqiga ega?
  1. yigirma bir yoshga
  2. o‘n to‘qqiz yoshga
  3. o‘n yetti yoshga
  4. o‘n sakkiz yoshga

To‘g‘ri javob: o‘n sakkiz yoshga. Saylov kuniga qadar yoki saylov kuni o‘n sakkiz yoshga to‘lgan fuqarolar saylash huquqiga ega.

Saylov kodeksi — 4-modda qaysi masalani tartibga soladi?
  1. Umumiy saylov huquqi
  2. Saylov o‘tkazilishini cheklash
  3. Markaziy saylov komissiyasiga a’zolik
  4. Markaziy saylov komissiyasini tuzish

To‘g‘ri javob: Umumiy saylov huquqi. 4-modda: Umumiy saylov huquqi.

Saylov kodeksi: «Umumiy saylov huquqi» qaysi moddada belgilangan?
  1. 13-modda
  2. 8¹-modda
  3. 4-modda
  4. 12-modda

To‘g‘ri javob: 4-modda. 4-modda: Umumiy saylov huquqi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
Keyingi →Umumiy qoidalar · Saylov okruglari va uchastkalari (2/2)