XotirAISudyalarni saylash va tayinlash
Moddalar
67-modda. Sudyalik lavozimiga nomzodga qo‘yiladigan talablar
O‘ttiz besh yoshga to‘lgan, oliy yuridik ma’lumotga ega bo‘lgan O‘zbekiston Respublikasi fuqarosi sudyalik lavozimiga nomzod bo‘lishi mumkin.
Quyidagilar sudyalik lavozimiga nomzod bo‘lishi mumkin emas:
jinoyat sodir etganlikda ayblanayotgan shaxs;
ilgari sudlangan yoki o‘ziga nisbatan jinoyat ishi reabilitatsiya qilmaydigan asoslar bo‘yicha tugatilgan shaxs;
chet davlat fuqaroligiga ega bo‘lgan yoki chet davlat hududida doimiy yashash huquqini tasdiqlovchi yashash guvohnomasiga yoxud boshqa hujjatga ega bo‘lgan shaxs;
sud tomonidan muomalaga layoqatsiz yoki muomala layoqati cheklangan deb e’tirof etilgan shaxs;
psixiatriya yoki narkologiya muassasalarida hisobda turgan shaxs;
sudyaning vakolatlarini amalga oshirishga to‘sqinlik qiladigan boshqa kasallikka chalingan shaxs.
68-modda. Sudyalik lavozimiga saylanadigan, tayinlanadigan shaxslarga qo‘yiladigan talablar
Ushbu Qonunning 67-moddasi talablariga javob beradigan, yuridik ixtisoslik bo‘yicha kamida o‘n besh yillik ish stajiga, shu jumladan, qoida tariqasida, sudya sifatida kamida yetti yillik ish stajiga ega bo‘lgan shaxs O‘zbekiston Respublikasi Oliy sudi sudyasi bo‘lishi mumkin.
Ushbu Qonunning 67-moddasi talablariga javob beradigan, yuridik ixtisoslik bo‘yicha kamida o‘n yillik ish stajiga, shu jumladan, qoida tariqasida, sudya sifatida kamida ikki yillik ish stajiga ega bo‘lgan shaxs O‘zbekiston Respublikasi Harbiy sudining, Qoraqalpog‘iston Respublikasi sudining, Qoraqalpog‘iston Respublikasi ma’muriy sudining, viloyat, Toshkent shahar sudining, viloyat, Toshkent shahar ma’muriy sudining sudyasi bo‘lishi mumkin.
Ushbu Qonunning 67-moddasi talablariga javob beradigan, o‘ttiz besh yoshga to‘lgan va yuridik ixtisoslik bo‘yicha kamida yetti yillik ish stajiga ega bo‘lgan shaxs tumanlararo, tuman, shahar sudining, hududiy harbiy sudning sudyasi bo‘lishi mumkin.
Ilk bor sudyalik lavozimiga tayinlanadigan nomzodlar O‘zbekiston Respublikasi Sudyalar oliy kengashi huzuridagi Sudyalar oliy maktabida majburiy tartibda o‘qishi shart. O‘qish davrida ular asosiy ish joyi bo‘yicha o‘rtacha oylik ish haqi saqlanmagan holda mehnat majburiyatlarini bajarishdan ozod etiladi, biroq o‘qishning butun davrida ish joyi (lavozimi) saqlanadi.
69-modda. Sudyalarni saylash va tayinlash tartibi
O‘zbekiston Respublikasi Oliy sudi sudyasi O‘zbekiston Respublikasi Sudyalar oliy kengashining tavsiyasi asosida O‘zbekiston Respublikasi Prezidentining taqdimnomasiga binoan O‘zbekiston Respublikasi Oliy Majlisining Senati tomonidan saylanadi.
Viloyat, Toshkent shahar sudi, O‘zbekiston Respublikasi Harbiy sudi, viloyat, Toshkent shahar ma’muriy sudi, tumanlararo, tuman, shahar sudi, hududiy harbiy sud sudyasi O‘zbekiston Respublikasi Sudyalar oliy kengashi tomonidan lavozimga tayinlanadi.
Qoraqalpog‘iston Respublikasi sudi, Qoraqalpog‘iston Respublikasi ma’muriy sudi, Qoraqalpog‘iston Respublikasi tumanlararo, tuman, shahar sudi sudyasi O‘zbekiston Respublikasi Sudyalar oliy kengashining taqdimnomasiga binoan Qoraqalpog‘iston Respublikasi Jo‘qorg‘i Kengesi tomonidan lavozimga tayinlanadi.
O‘zbekiston Respublikasi Prezidenti tomonidan tayinlanadigan yoki kelishib olinadigan lavozimlarda faoliyat yuritayotgan va benuqson obro‘-e’tiborga ega bo‘lgan shaxslar, istisno tariqasida, O‘zbekiston Respublikasi Sudyalar oliy kengashi huzuridagi Sudyalar oliy maktabida majburiy tartibda o‘qitilmagan holda ilk bor sudyalik lavozimlariga tayinlanishi mumkin.
Sudyani lavozimga tayinlash tegishli sudyalar malaka hay’atining xulosasi inobatga olingan holda amalga oshiriladi.
70-modda. Sud raisini, rais o‘rinbosarini lavozimga saylash va tayinlash tartibi
O‘zbekiston Respublikasi Oliy sudi raisi, O‘zbekiston Respublikasi Oliy sudi raisining birinchi o‘rinbosari, rais o‘rinbosari — O‘zbekiston Respublikasi Oliy sudi sudlov hay’atining raisi O‘zbekiston Respublikasi Prezidentining taqdimnomasiga binoan O‘zbekiston Respublikasi Oliy Majlisining Senati tomonidan saylanadi.
Viloyat, Toshkent shahar sudi, O‘zbekiston Respublikasi Harbiy sudi, viloyat, Toshkent shahar ma’muriy sudi raisi, rais o‘rinbosari, O‘zbekiston Respublikasi Sudyalar oliy kengashining taqdimnomasiga binoan O‘zbekiston Respublikasining Prezidenti tomonidan lavozimga tayinlanadi.
Qoraqalpog‘iston Respublikasi sudi, Qoraqalpog‘iston Respublikasi ma’muriy sudi raisi, rais o‘rinbosari O‘zbekiston Respublikasi Sudyalar oliy kengashining O‘zbekiston Respublikasining Prezidenti bilan kelishib olingan xulosasi asosida Qoraqalpog‘iston Respublikasi Jo‘qorg‘i Kengesi Raisining taqdimnomasiga binoan Qoraqalpog‘iston Respublikasi Jo‘qorg‘i Kengesi tomonidan saylanadi.
Qoraqalpog‘iston Respublikasi tumanlararo, tuman, shahar sudi raisi, rais o‘rinbosari O‘zbekiston Respublikasi Sudyalar oliy kengashining taqdimnomasiga binoan Qoraqalpog‘iston Respublikasi Jo‘qorg‘i Kengesi tomonidan tayinlanadi.
Tumanlararo, tuman, shahar sudi, hududiy harbiy sud raisi, rais o‘rinbosari O‘zbekiston Respublikasi Sudyalar oliy kengashi tomonidan lavozimga tayinlanadi.
71-modda. Sudyaning vakolatlari muddati va uni hisoblash tartibi
Sudya birinchi marta besh yillik muddatga, navbatdagi o‘n yillik muddatga va lavozimda bo‘lishning muddatsiz davriga belgilangan tartibda saylanadi yoki tayinlanadi.
Sudyaning vakolatlari muddati uning sudyalik lavozimida bo‘lgan umumiy stajidan kelib chiqqan holda hisoblanadi.
O‘zbekiston Respublikasi Oliy sudi sudyasi lavozimida bo‘lishning eng yuqori yoshi yetmish yoshni, boshqa sudlar sudyalari uchun — oltmish besh yoshni tashkil etadi.
O‘zbekiston Respublikasi Oliy sudi sudyasi lavozimida bo‘lishning eng yuqori yoshi o‘zining roziligi bilan O‘zbekiston Respublikasi Prezidenti tomonidan besh yilgacha, boshqa sudlar sudyasining yoshi esa O‘zbekiston Respublikasi Sudyalar oliy kengashi tomonidan xuddi shunday besh yilgacha uzaytirilishi mumkin.
Sudya qonunchilikka muvofiq pensiyaga chiqish huquqini saqlab qoladi.
72-modda. Sud raisi, rais o‘rinbosarining vakolatlari muddati
Sud raisi, rais o‘rinbosarining vakolatlari muddati besh yil.
Shaxs ayni bir sudda ketma-ket ikki muddatdan ortiq rais, rais o‘rinbosari lavozimini egallab turishi mumkin emas.
Sud raisi, rais o‘rinbosari vakolatlari u saylangan yoki tayinlangan muddat o‘tgach tugaydi.
Sud raisi, rais o‘rinbosarining vakolatlari muddati o‘tganligi yoki u tomonidan egallab turgan lavozimidan ozod etish haqida ariza berganligi munosabati bilan tugagan taqdirda, uning sudyalik vakolatlari saqlanib qoladi va u shu kundan boshlab sudyalik lavozimida ishni davom ettiradi, mazkur sudda bo‘sh turgan sudyalik lavozimi bo‘lmagan taqdirda, o‘zining roziligi bilan sudyalik vakolatlarining qolgan muddatiga boshqa sudga sudyalik lavozimiga o‘tkaziladi.
73-modda. Sudyani boshqa sudyalik lavozimiga o‘tkazish tartibi
Sudya vakolatlari muddati davrida o‘zining roziligi bilan O‘zbekiston Respublikasi Sudyalar oliy kengashi tomonidan boshqa sudyalik lavozimiga o‘tkazilishi mumkin.
Qoraqalpog‘iston Respublikasi sudi, Qoraqalpog‘iston Respublikasi ma’muriy sudi sudyasi, Qoraqalpog‘iston Respublikasi tumanlararo, tuman (shahar) sudi raisi, rais o‘rinbosari, sudyasi vakolat muddati davrida o‘zining roziligi bilan O‘zbekiston Respublikasi Sudyalar oliy kengashi taqdimnomasiga binoan Qoraqalpog‘iston Respublikasi Jo‘qorg‘i Kengesi tomonidan boshqa sudyalik lavozimiga o‘tkazilishi mumkin.
Bir sudning o‘zida sudyalik lavozimida bo‘lish muddati, qoida tariqasida, ikki yildan kam bo‘lmasligi kerak.
Sudyani boshqa sudyalik lavozimiga o‘tkazish to‘g‘risidagi masala Sudyalar oliy malaka hay’ati xulosasiga binoan O‘zbekiston Respublikasi Sudyalar oliy kengashiga ko‘rib chiqish uchun kiritiladi.
Bilimingizni sinang
Sudyalik lavozimiga nomzod bo‘lish uchun O‘zbekiston Respublikasi fuqarosi kamida necha yoshga to‘lgan bo‘lishi va oliy yuridik ma’lumotga ega bo‘lishi kerak?
- yigirma besh yoshga
- o‘ttiz besh yoshga
- qirq yoshga
- o‘ttiz yoshga
To‘g‘ri javob: o‘ttiz besh yoshga. O‘ttiz besh yoshga to‘lgan, oliy yuridik ma’lumotli fuqaro sudyalik lavozimiga nomzod bo‘lishi mumkin.
«Sudlar to‘g‘risida» qonun — 67-modda qaysi masalani tartibga soladi?
- Sudyani boshqa sudyalik lavozimiga o‘tkazish tartibi
- Sudyalar intizomiy javobgarligining asoslari
- Sudyalik lavozimiga nomzodga qo‘yiladigan talablar
- Sud raisi, rais o‘rinbosarining vakolatlari muddati
To‘g‘ri javob: Sudyalik lavozimiga nomzodga qo‘yiladigan talablar. 67-modda: Sudyalik lavozimiga nomzodga qo‘yiladigan talablar.
«Sudlar to‘g‘risida» qonun: «Sudyalik lavozimiga nomzodga qo‘yiladigan talablar» qaysi moddada belgilangan?
- 67-modda
- 73-modda
- 72-modda
- 74-modda
To‘g‘ri javob: 67-modda. 67-modda: Sudyalik lavozimiga nomzodga qo‘yiladigan talablar.
«Sudlar to‘g‘risida»gi Qonunga ko‘ra, sudyalik lavozimiga nomzod bo‘lish uchun fuqaro kamida necha yoshga to‘lgan va qanday ma’lumotga ega bo‘lishi kerak?
- O‘ttiz yoshga to‘lgan va oliy yuridik ma’lumotga ega
- O‘ttiz besh yoshga to‘lgan va har qanday oliy ma’lumotga ega
- Yigirma besh yoshga to‘lgan va oliy yuridik ma’lumotga ega
- O‘ttiz besh yoshga to‘lgan va oliy yuridik ma’lumotga ega
To‘g‘ri javob: O‘ttiz besh yoshga to‘lgan va oliy yuridik ma’lumotga ega. 67-moddaga ko‘ra nomzod o‘ttiz besh yoshga to‘lgan, oliy yuridik ma’lumotga ega bo‘lishi kerak.
Quyidagilardan qaysi biri sudyalik lavozimiga nomzod bo‘lishi mumkin emas?
- Chet davlat hududida doimiy yashash huquqini tasdiqlovchi yashash guvohnomasiga ega shaxs
- Oliy yuridik ma’lumotli, benuqson obro‘ga ega va yuridik ixtisoslik bo‘yicha ish stajiga ega shaxs
- Sudyalar oliy maktabini tamomlagan, benuqson obro‘ga ega O‘zbekiston Respublikasi fuqarosi
- Malaka imtihonidan muvaffaqiyatli o‘tgan va Sudyalar oliy maktabini tamomlagan fuqaro
To‘g‘ri javob: Chet davlat hududida doimiy yashash huquqini tasdiqlovchi yashash guvohnomasiga ega shaxs. 67-moddaga ko‘ra chet davlat hududida doimiy yashash huquqini tasdiqlovchi hujjatga ega shaxs nomzod bo‘lishi mumkin emas.
Qirq yoshli fuqaro Hasanov oliy yuridik ma’lumotga ega, lekin ilgari sudlangan. U sudyalik lavozimiga nomzod bo‘lmoqchi. Qaysi xulosa to‘g‘ri?
- Hasanov nomzod bo‘la oladi, chunki oliy yuridik ma’lumot va qirq yosh sudyalikka nomzod bo‘lish uchun yetarli
- Hasanov nomzod bo‘lishi mumkin emas, chunki ilgari sudlangan shaxs sudyalik lavozimiga nomzod bo‘la olmaydi
- Hasanov nomzod bo‘la oladi, chunki sudlanganlik faqat og‘ir jinoyat uchun to‘siq bo‘ladi, boshqalarida emas
- Hasanov nomzod bo‘la oladi, agar Sudyalar oliy kengashi unga alohida yozma ruxsat bersa, sudlanganligiga qaramay
To‘g‘ri javob: Hasanov nomzod bo‘lishi mumkin emas, chunki ilgari sudlangan shaxs sudyalik lavozimiga nomzod bo‘la olmaydi. 67-moddaga ko‘ra ilgari sudlangan shaxs sudyalik lavozimiga nomzod bo‘lishi mumkin emas.
O‘zbekiston Respublikasi Oliy sudi sudyasi bo‘lish uchun yuridik ixtisoslik bo‘yicha kamida qancha ish staji talab etiladi?
- yigirma yillik
- o‘n besh yillik
- yetti yillik
- o‘n yillik
To‘g‘ri javob: o‘n besh yillik. Oliy sud sudyasi bo‘lish uchun yuridik ixtisoslik bo‘yicha kamida o‘n besh yillik ish staji talab etiladi.
O‘zbekiston Respublikasi Oliy sudi sudyasi bo‘lish uchun, qoida tariqasida, sudya sifatida kamida qancha ish staji bo‘lishi kerak?
- besh yillik
- yetti yillik
- ikki yillik
- o‘n yillik
To‘g‘ri javob: yetti yillik. Oliy sud sudyasi uchun qoida tariqasida sudya sifatida kamida yetti yillik ish staji talab qilinadi.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash