XotirAI logotipiXotirAI
⚖️ Fuqarolik kodeksi (II qism) · 530–534-m.

Umrbod ta’minlash sharti bilan uy-joy (kvartira)ni boshqa shaxsga berish

Ikkinchi Qism

🧠 Bu mavzuni yodlash📝 Test yechish

530-modda. Umrbod ta’minlash sharti bilan uy-joy (kvartira)ni boshqa shaxsga berish shartnomasi

Umrbod ta’minlash sharti bilan uy-joy (uyning bir qismi)ni, kvartirani boshqa shaxsga berish shartnomasiga muvofiq, bir taraf (oluvchi) yoshi yoki sog‘lig‘i tufayli mehnatga layoqatsiz bo‘lgan boshqa taraf (boshqa shaxsga beruvchi)ni natura holida (uy-joy berish, ovqatlantirish, parvarishlash va zarur yordam ko‘rsatish tarzida) umrbod moddiy ta’minlash majburiyatini oladi, boshqa shaxsga beruvchi esa oluvchiga uy-joy (uyning bir qismi)ni, kvartirani mulk qilib berish majburiyatini oladi.

531-modda. Umrbod ta’minlash sharti bilan uy-joy (kvartira)ni boshqa shaxsga berish shartnomasining shakli va shartlari

Umrbod ta’minlash sharti bilan uy-joy (kvartira)ni boshqa shaxsga berish shartnomasida boshqa shaxsga beruvchiga qanday moddiy ta’minot turlari berilishi, ularning pul bilan ifodalangan bir oylik bahosi va uy-joy (uyning bir qismi), kvartiraning qiymati ko‘rsatilishi lozim.

Beriladigan uy-joy (uyning bir qismi), kvartira va moddiy ta’minot qiymati taraflar kelishuvi bilan belgilanadi.

Umrbod ta’minlash sharti bilan uy-joy (uyning bir qismi), kvartirani boshqa shaxsga berish shartnomasi ushbu Kodeks 110-moddasining qoidalariga rioya etgan holda yozma shaklda tuzilishi va notarial tasdiqlanishi lozim.

532-modda. Taraflarning huquq va majburiyatlari

Umrbod ta’minlash sharti bilan uy-joy (uyning bir qismi), kvartirani boshqa shaxsga berish shartnomasiga muvofiq, oluvchi shartnoma amal qilib turgan davrda bu uyni (uyning bir qismini), kvartirani sotish, hadya qilish, garovga qo‘yishga va uy (uyning bir qismi), kvartiraga mulk huquqini og‘irlashtiradigan boshqa harakatlarni amalga oshirishga haqli emas. Bu uy (uyning bir qismi), kvartiraga oluvchining qarzlari bo‘yicha undirish qaratilmaydi.

Umrbod ta’minlash sharti bilan uy-joy (kvartira)ni boshqa shaxsga berish shartnomasi bo‘yicha boshqa shaxsga beruvchidan olingan uy-joy (uyning bir qismi), kvartiraning tasodifan nobud bo‘lishi oluvchini shartnoma bo‘yicha o‘z zimmasiga olgan majburiyatlardan ozod qilmaydi.

533-modda. Umrbod ta’minlash sharti bilan uy-joy (kvartira)ni boshqa shaxsga berish shartnomasini o‘zgartirish yoki bekor qilish

Agar uy-joy (uyning bir qismi), kvartirani oluvchi umrbod ta’minlash sharti bilan uy-joy (kvartira)ni boshqa shaxsga berish shartnomasi bo‘yicha o‘z majburiyatlarini bajarmasa yoki tegishli darajada bajarmasa, boshqa shaxsga beruvchi ta’minotni vaqti-vaqti bilan haq tarzida to‘lab turishga almashtirishni yoki shartnomani bekor qilishni talab qilishi mumkin.

Agar oluvchining moddiy ahvoli o‘ziga bog‘liq bo‘lmagan sabablarga ko‘ra boshqa shaxsga beruvchiga shartlashilgan ta’minotni bera olmaydigan darajada o‘zgarsa yoki boshqa shaxsga beruvchi mehnat qobiliyatini tiklasa, umrbod ta’minlash sharti bilan uy-joy (kvartira)ni boshqa shaxsga berish shartnomasi oluvchining talabiga ko‘ra bekor qilinishi mumkin.

Umrbod ta’minlash sharti bilan uy-joy (kvartira)ni boshqa shaxsga berish shartnomasi ushbu moddaning birinchi va ikkinchi qismlarida nazarda tutilgan asoslar bo‘yicha bekor qilingan taqdirda uy (uyning bir qismi), kvartira boshqa shaxsga beruvchiga qaytarilishi lozim.

Umrbod ta’minlash sharti bilan uy-joy (kvartira)ni boshqa shaxsga berish shartnomasi boshqa shaxsga beruvchining talabiga ko‘ra bekor qilingan taqdirda oluvchi shartnoma amalda bo‘lgan vaqtda boshqa shaxsga beruvchini ta’minlash va uyni (uyning bir qismini), kvartirani saqlab turishga qilgan xarajatlarini qoplashni talab qilishga haqli.

534-modda. Umrbod ta’minlash sharti bilan uy-joy (kvartira)ni boshqa shaxsga berish shartnomasi bo‘yicha majburiyatlarning vorislarga o‘tishi

Oluvchi vafot etgan taqdirda umrbod ta’minlash sharti bilan uy-joy (uyning bir qismi), kvartirani boshqa shaxsga berish shartnomasi bo‘yicha majburiyatlar uning vorislariga o‘tadi. Oluvchining vorislari bo‘lmaganida yoki ular umrbod ta’minlash sharti bilan uy-joy (uyning bir qismi), kvartirani boshqa shaxsga berish shartnomasini bajarishdan voz kechganlarida oluvchiga berilgan uy-joy (uyning bir qismi), kvartira uni boshqa shaxsga beruvchiga qaytariladi.

Bilimingizni sinang

Fuqarolik kodeksi (II qism) — 531-modda qaysi masalani tartibga soladi?
  1. Mulk ijarasi shartnomasi
  2. Umrbod ta’minlash sharti bilan uy-joy (kvartira)ni boshqa shaxsga berish shartnomasini o‘zgartirish yoki bekor qilish
  3. Umrbod ta’minlash sharti bilan uy-joy (kvartira)ni boshqa shaxsga berish shartnomasi bo‘yicha majburiyatlarning vorislarga o‘tishi
  4. Umrbod ta’minlash sharti bilan uy-joy (kvartira)ni boshqa shaxsga berish shartnomasining shakli va shartlari

To‘g‘ri javob: Umrbod ta’minlash sharti bilan uy-joy (kvartira)ni boshqa shaxsga berish shartnomasining shakli va shartlari. 531-modda: Umrbod ta’minlash sharti bilan uy-joy (kvartira)ni boshqa shaxsga berish shartnomasining shakli va shartlari.

Fuqarolik kodeksi (II qism): «Umrbod ta’minlash sharti bilan uy-joy (kvartira)ni boshqa shaxsga berish shartnomasining shakli va shartlari» qaysi moddada belgilangan?
  1. 531-modda
  2. 534-modda
  3. 535-modda
  4. 533-modda

To‘g‘ri javob: 531-modda. 531-modda: Umrbod ta’minlash sharti bilan uy-joy (kvartira)ni boshqa shaxsga berish shartnomasining shakli va shartlari.

Fuqarolik kodeksiga ko‘ra, umrbod ta’minlash sharti bilan uy-joy (kvartira)ni boshqa shaxsga berish shartnomasi qanday shaklda tuzilishi lozim?
  1. Yozma shaklda tuzilib, faqat ro‘yxatdan o‘tkazilishi lozim
  2. Og‘zaki kelishuv bilan tuzilib, guvohlar tasdig‘i lozim
  3. Oddiy yozma shaklda tuzilishi yetarli, tasdiq shart emas
  4. Yozma shaklda tuzilishi va notarial tasdiqlanishi lozim

To‘g‘ri javob: Yozma shaklda tuzilishi va notarial tasdiqlanishi lozim. 531-modda uchinchi qismi: yozma shaklda tuzilishi va notarial tasdiqlanishi lozim.

Fuqarolik kodeksiga ko‘ra, umrbod ta’minlash sharti bilan uy-joyni berish shartnomasida nima ko‘rsatilishi lozim?
  1. Faqat uy-joyning manzili, umumiy maydoni va oluvchining ish joyi hamda daromadi
  2. Moddiy ta’minot turlari, ularning pul bilan ifodalangan yillik bahosi va shartnoma muddati
  3. Moddiy ta’minot turlari, ularning pul bilan ifodalangan bir oylik bahosi va uy-joy qiymati
  4. Shartnomaning amal qilish muddati, kechikish uchun jarima miqdori va beruvchining oylik daromadi

To‘g‘ri javob: Moddiy ta’minot turlari, ularning pul bilan ifodalangan bir oylik bahosi va uy-joy qiymati. 531-modda birinchi qismi: ta’minot turlari, bir oylik bahosi va uy-joy qiymati ko‘rsatilishi lozim.

Fuqarolik kodeksi (II qism) — 532-modda qaysi masalani tartibga soladi?
  1. Mulk ijarasining obyektlari
  2. Renta to‘lash sharti bilan topshirilgan mol-mulkning tasodifan nobud bo‘lish yoki tasodifan buzilish xavfi
  3. Taraflarning huquq va majburiyatlari
  4. Umrbod renta shartnomasini renta oluvchining talabi bilan bekor qilish

To‘g‘ri javob: Taraflarning huquq va majburiyatlari. 532-modda: Taraflarning huquq va majburiyatlari.

Fuqarolik kodeksi (II qism): «Taraflarning huquq va majburiyatlari» qaysi moddada belgilangan?
  1. 537-modda
  2. 528-modda
  3. 532-modda
  4. 529-modda

To‘g‘ri javob: 532-modda. 532-modda: Taraflarning huquq va majburiyatlari.

Fuqarolik kodeksiga ko‘ra, umrbod ta’minlash sharti bilan kvartirani olgan oluvchi shartnoma amal qilib turgan davrda nimaga haqli emas?
  1. Kvartirani sotish, hadya qilish, garovga qo‘yishga va mulk huquqini og‘irlashtiradigan boshqa harakatlarni amalga oshirishga
  2. Kvartirada yashashga, uni joriy ta’mirlashga va unga tegishli kommunal xizmat haqlarini o‘z hisobidan to‘lashga
  3. Boshqa shaxsga beruvchini parvarishlashga, unga moddiy ta’minot berib borishga va zarur tibbiy yordam ko‘rsatishga
  4. Kvartirani vaqtincha tekshirishga, hisoblagichlarni almashtirishga va undan yashash uchun foydalanishga

To‘g‘ri javob: Kvartirani sotish, hadya qilish, garovga qo‘yishga va mulk huquqini og‘irlashtiradigan boshqa harakatlarni amalga oshirishga. 532-modda birinchi qismi: oluvchi sotish, hadya qilish, garovga qo‘yish va og‘irlashtirishga haqli emas.

Oluvchi Akmal umrbod ta’minlash sharti bilan olgan kvartirasi bo‘yicha o‘z shaxsiy qarzlari uchun kreditorlar undirish qaratmoqchi bo‘ldi. Fuqarolik kodeksiga ko‘ra qanday xulosa to‘g‘ri?
  1. Bu kvartiraga oluvchining qarzlari bo‘yicha undirish qaratilmaydi
  2. Kvartiraga undirish qaratiladi, chunki oluvchi mulkdor hisoblanadi
  3. Kvartiraga undirish faqat sudning qarori bilan qaratilishi mumkin
  4. Kvartira kreditorlar talabiga ko‘ra avtomatik ravishda ularga o‘tadi

To‘g‘ri javob: Bu kvartiraga oluvchining qarzlari bo‘yicha undirish qaratilmaydi. 532-modda birinchi qismi: oluvchining qarzlari bo‘yicha bu uy-joyga undirish qaratilmaydi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiRenta (2/2)Keyingi →Mulk ijarasi (1/7)