XotirAI logotipiXotirAI
⚖️ Ma’muriy javobgarlik kodeksi · 51³–51¹¹-m.

Fuqarolarning huquq va erkinliklariga tajovuz qiladigan huquqbuzarliklar uchun ma’muriy javobgarlik (4/4)

Maxsus Qism

🧠 Bu mavzuni yodlash📝 Test yechish

51³-modda. O‘zbekiston Respublikasi Markaziy saylov komissiyasining, saylov komissiyalarining, referendum o‘tkazuvchi komissiyalarning qarorlarini ijro etmaslik

O‘zbekiston Respublikasi Markaziy saylov komissiyasining, saylov komissiyalarining, referendum o‘tkazuvchi komissiyalarning qarorlarini ijro etmaslik, xuddi shuningdek ularning murojaatlarini ko‘rib chiqishni g‘ayrihuquqiy ravishda rad etish, ularni ko‘rib chiqish muddatlarini uzrli sabablarsiz buzish, —

mansabdor shaxslarga bazaviy hisoblash miqdorining uch baravaridan yetti baravarigacha miqdorda jarima solishga sabab bo‘ladi.

51⁴-modda. Nomzodning, ishonchli vakilning, kuzatuvchining yoki siyosiy partiya vakolatli vakilining huquqlarini buzish

Nomzodning, ishonchli vakilning, kuzatuvchining yoki siyosiy partiya vakolatli vakilining huquqlarini buzish, —

mansabdor shaxslarga bazaviy hisoblash miqdorining besh baravaridan o‘n baravarigacha miqdorda jarima solishga sabab bo‘ladi.

51⁵-modda. Saylovoldi tashviqotini, referendumga qo‘yilgan masalalar yuzasidan tashviqot olib borish shartlari va tartibini buzish

Saylovoldi tashviqotini, referendumga qo‘yilgan masalalar yuzasidan tashviqot olib borish shartlari va tartibini nomzod, ishonchli vakil, siyosiy partiya vakili, mansabdor shaxs tomonidan buzish, —

bazaviy hisoblash miqdorining yetti baravaridan o‘n baravarigacha miqdorda jarima solishga sabab bo‘ladi.

51⁶-modda. Nomzodlar, siyosiy partiyalar to‘g‘risida yolg‘on ma’lumotlarni tarqatish

Saylov natijalariga ta’sir ko‘rsatish maqsadida nomzod, siyosiy partiya to‘g‘risida ataylab yolg‘on ma’lumotlarni e’lon qilish yoki boshqa usullar orqali tarqatish, —

fuqarolarga bazaviy hisoblash miqdorining uch baravaridan besh baravarigacha, mansabdor shaxslarga esa besh baravaridan o‘n baravarigacha miqdorda jarima solishga sabab bo‘ladi.

51⁷-modda. Saylovga yoki referendumga tayyorgarlik ko‘rish va saylov yoki referendum o‘tkazish jarayonida axborot hamda tashviqot materiallarini qasddan yo‘q qilib yuborish yoki ularga qasddan shikast yetkazish

Binolarga, inshootlarga yoki boshqa joylarga joylashtirilgan axborot, tashviqot materiallarini saylovga yoki referendumga tayyorgarlik ko‘rish va saylov yoki referendum o‘tkazish jarayonida qasddan yo‘q qilib yuborish yoki ularga qasddan shikast yetkazish, —

bazaviy hisoblash miqdorining uch baravaridan yetti baravarigacha miqdorda jarima solishga sabab bo‘ladi.

51⁸-modda. Saylovni yoki referendumni moliyalashtirish tartibini buzish

Saylovni yoki referendumni moliyalashtirish tartibini buzish, —

fuqarolarga bazaviy hisoblash miqdorining besh baravaridan o‘n baravarigacha, mansabdor shaxslarga esa o‘n baravaridan yigirma baravarigacha miqdorda jarima solishga sabab bo‘ladi.

51⁹-modda. Jamoatchilik fikri so‘rovlari natijalarini, saylov yoki referendum natijalari taxminlarini chop etish (e’lon qilish) tartibini buzish

Jamoatchilik fikri so‘rovlari natijalarini, saylov yoki referendum natijalari taxminlarini, shuningdek saylov yoki referendum bilan bog‘liq boshqa tadqiqotlarni chop etish (e’lon qilish) tartibini buzish, —

mansabdor shaxslarga bazaviy hisoblash miqdorining o‘n besh baravaridan yigirma baravarigacha miqdorda jarima solishga sabab bo‘ladi.

51¹⁰-modda. Saylov (ovoz berish) byulletenlarini berish tartibini buzish

Saylov komissiyasi yoki referendum o‘tkazuvchi komissiya a’zosi tomonidan fuqarolarga bir necha marta yoki boshqa shaxslar nomidan ovoz berish uchun saylov (ovoz berish) byulletenlarini berish, —

bazaviy hisoblash miqdorining bir baravarigacha miqdorda jarima solishga sabab bo‘ladi.

51¹¹-modda. Saylovda ishtirok etish uchun ajratilgan davlat mablag‘lari to‘g‘risidagi moliyaviy hisobotlarni taqdim etish tartibini buzish

Saylovda ishtirok etish uchun ajratilgan davlat mablag‘lari to‘g‘risidagi oraliq yoki yakuniy hisobotni siyosiy partiya tomonidan O‘zbekiston Respublikasi Markaziy saylov komissiyasiga taqdim etmaslik yoki o‘z vaqtida taqdim etmaslik yoxud hisobotda bila turib noto‘g‘ri ma’lumotlarni taqdim etish, —

mansabdor shaxslarga bazaviy hisoblash miqdorining besh baravaridan o‘n baravarigacha miqdorda jarima solishga sabab bo‘ladi.

Bilimingizni sinang

Markaziy saylov komissiyasi yoki saylov komissiyalarining qarorlarini ijro etmagan mansabdor shaxslarga jarima bazaviy hisoblash miqdorining qanchasidan boshlanadi?
  1. yetti baravaridan
  2. bir baravaridan
  3. uch baravaridan
  4. besh baravaridan

To‘g‘ri javob: uch baravaridan. Mansabdor shaxslarga bazaviy hisoblash miqdorining uch baravaridan yetti baravarigacha jarima solinadi.

Saylov komissiyalarining murojaatlarini ko‘rib chiqishni g‘ayrihuquqiy rad etgan mansabdor shaxslarga jarimaning yuqori chegarasi bazaviy hisoblash miqdorining qanchasi?
  1. uch baravarigacha
  2. besh baravarigacha
  3. yetti baravarigacha
  4. o‘n baravarigacha

To‘g‘ri javob: yetti baravarigacha. Jarima mansabdor shaxslarga bazaviy hisoblash miqdorining uch baravaridan yetti baravarigacha belgilangan.

Markaziy saylov komissiyasi va saylov komissiyalarining qarorlarini ijro etmagan mansabdor shaxsga (51³-modda) qanday jarima solinadi?
  1. BHMning 1–3 baravari
  2. BHMning 5–10 baravari
  3. BHMning 3–7 baravari
  4. BHMning 10–15 baravari

To‘g‘ri javob: BHMning 3–7 baravari. 51³-moddaga ko‘ra, mansabdor shaxslarga BHMning uch baravaridan yetti baravarigacha.

Nomzod, ishonchli vakil, kuzatuvchi yoki siyosiy partiya vakolatli vakilining huquqlarini buzgan mansabdor shaxslarga jarimaning yuqori chegarasi qancha?
  1. besh baravarigacha
  2. o‘n besh baravarigacha
  3. o‘n baravarigacha
  4. yetti baravarigacha

To‘g‘ri javob: o‘n baravarigacha. Jarima mansabdor shaxslarga bazaviy hisoblash miqdorining besh baravaridan o‘n baravarigacha belgilangan.

Nomzodning, ishonchli vakilning, kuzatuvchining yoki siyosiy partiya vakolatli vakilining huquqlarini buzgan mansabdor shaxsga qanday jarima solinadi?
  1. BHMning 3–7 baravari
  2. BHMning 7–10 baravari
  3. BHMning 5–10 baravari
  4. BHMning 10–15 baravari

To‘g‘ri javob: BHMning 5–10 baravari. 51⁴-moddaga ko‘ra, BHMning besh baravaridan o‘n baravarigacha.

Saylovoldi tashviqoti shartlari va tartibini buzganlik uchun jarima bazaviy hisoblash miqdorining qanchasidan boshlanadi?
  1. besh baravaridan
  2. uch baravaridan
  3. o‘n baravaridan
  4. yetti baravaridan

To‘g‘ri javob: yetti baravaridan. Saylovoldi tashviqoti tartibini buzganlik uchun bazaviy hisoblash miqdorining yetti baravaridan o‘n baravarigacha jarima solinadi.

Saylov natijalariga ta’sir ko‘rsatish maqsadida nomzod haqida ataylab yolg‘on ma’lumot tarqatgan fuqarolarga jarima bazaviy hisoblash miqdorining qanchasidan boshlanadi?
  1. bir baravaridan
  2. uch baravaridan
  3. besh baravaridan
  4. yetti baravaridan

To‘g‘ri javob: uch baravaridan. Fuqarolarga bazaviy hisoblash miqdorining uch baravaridan besh baravarigacha jarima solinadi.

Ma’muriy javobgarlik kodeksi — 51⁶-modda qaysi masalani tartibga soladi?
  1. Nomzodlar, siyosiy partiyalar to‘g‘risida yolg‘on ma’lumotlarni tarqatish
  2. Mehnatga ma’muriy tarzda majburlash
  3. O‘zbekiston Respublikasi Markaziy saylov komissiyasining, saylov komissiyalarining, referendum o‘tkazuvchi komissiyalarning faoliyatiga aralashish
  4. Aholini ish bilan ta’minlash to‘g‘risidagi qonunchilikni buzish

To‘g‘ri javob: Nomzodlar, siyosiy partiyalar to‘g‘risida yolg‘on ma’lumotlarni tarqatish. 51⁶-modda: Nomzodlar, siyosiy partiyalar to‘g‘risida yolg‘on ma’lumotlarni tarqatish.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiFuqarolarning huquq va erkinliklariga tajovuz qiladigan huquqbuzarliklar uchun ma’muriy javobgarlik (3/4)Keyingi →Aholi sog‘lig‘ini saqlash sohasidagi huquqbuzarliklar uchun ma’muriy javobgarlik (1/2)