XotirAIAsosiy qoidalar
Beshinchi Bo‘Lim
325-modda. Ma’muriy jazo qo‘llanish to‘g‘risidagi qaror ijrosining majburiyligi
Ma’muriy jazo qo‘llanish to‘g‘risidagi qarorni korxonalar, muassasalar, tashkilotlar, mansabdor shaxslar va fuqarolar ijro etishi majburiydir.
326-modda. Ma’muriy jazo qo‘llanish to‘g‘risidagi qarorni ijro etishga qaratish
Ma’muriy jazo qo‘llanish to‘g‘risidagi qaror, basharti ushbu Kodeksda va O‘zbekiston Respublikasining boshqa qonunchiligida o‘zgacha qoida belgilanmagan bo‘lsa, chiqarilgan paytdan boshlab ijro etilishi lozim.
Ma’muriy jazo qo‘llanish to‘g‘risidagi qaror ustidan apellyatsiya tartibida shikoyat berilgan yoki protest bildirilgan taqdirda bu qaror berilgan shikoyat yoki bildirilgan protest qanoatlantirishsiz qoldirilgandan keyin ijro etilishi kerak. Ma’muriy huquqbuzarlik sodir etilgan joyning o‘zida undirib olinadigan jarima solish to‘g‘risidagi qaror bundan mustasnodir.
Jarima solish to‘g‘risidagi qaror uni ixtiyoriy ravishda bajarishning ushbu Kodeksning 332-moddasida belgilangan muddati o‘tib ketganidan keyin majburiy ravishda ijro etiladi.
Ma’muriy jazo qo‘llanish to‘g‘risidagi qaror uni chiqargan organ (mansabdor shaxs) tomonidan ijro etishga qaratiladi.
327-modda. Ma’muriy jazo qo‘llanish to‘g‘risidagi qarorni ijro etish
Ma’muriy jazo qo‘llanish to‘g‘risidagi qaror ushbu Kodeksda va O‘zbekiston Respublikasining boshqa qonunchiligida belgilangan tartibda vakolatli organlar (mansabdor shaxslar) tomonidan ijro etiladi.
Bir shaxsga nisbatan ma’muriy jazo qo‘llanish to‘g‘risida bir necha qaror chiqarilgan hollarda ularning har biri mustaqil ravishda ijro etiladi.
328-modda. Ma’muriy jazo qo‘llanish to‘g‘risidagi qarorning ijrosini kechiktirish
Ma’muriy qamoqqa olish yoki jarima solish (joyning o‘zida undirib olinadigan jarima solish bundan mustasno) tarzida ma’muriy jazo qo‘llanish to‘g‘risidagi qarorni darhol ijro etishga imkon bermaydigan holatlar mavjud bo‘lgan taqdirda, shu qarorni chiqargan organ (mansabdor shaxs) uning ijrosini bir oygacha muddatga kechiktirishi mumkin.
329-modda. Ma’muriy jazo qo‘llanish to‘g‘risidagi qarorning ijrosini tugatish
Ma’muriy jazo qo‘llanish to‘g‘risida qaror chiqargan organ (mansabdor shaxs) quyidagi hollarda uning ijrosini tugatadi:
- 1) amnistiya akti e’lon qilinib, u ma’muriy jazo chorasini qo‘llanishni yo‘q qilsa;
- 2) ma’muriy javobgarlikni belgilovchi normativ hujjat bekor qilingan bo‘lsa;
- 3) ustidan qaror chiqarilgan shaxs vafot etgan bo‘lsa.
330-modda. Ma’muriy jazo qo‘llanish to‘g‘risidagi qaror ijrosining muhlati
Basharti ma’muriy jazo qo‘llanish to‘g‘risidagi qaror chiqarilgan kundan boshlab uch oy davomida ijro etishga qaratilmagan bo‘lsa, u holda bunday qaror ijro etilmaydi. Ushbu Kodeksning 318-moddasiga muvofiq qarorning ijrosi to‘xtatib turilgan taqdirda, kuchini yo‘qotish muddatining kechishi shikoyat yoki protest ko‘rib chiqilgunga qadar to‘xtatib qo‘yiladi. Ushbu Kodeksning 328-moddasiga muvofiq qarorning ijrosi kechiktirilgan taqdirda, kuchini yo‘qotish muddatining kechishi muddatini kechiktirish davri o‘tgunga qadar to‘xtatib qo‘yiladi.
331-modda. Ma’muriy jazo qo‘llanish to‘g‘risidagi qarorning ijrosi bilan bog‘liq bo‘lgan masalalarni hal etish
Ma’muriy jazo qo‘llanish to‘g‘risidagi qarorning ijrosi bilan bog‘liq bo‘lgan masalalarni shu qarorni chiqargan organ (mansabdor shaxs) hal etadi.
Ma’muriy jazo qo‘llanish to‘g‘risidagi qarorning to‘g‘ri va o‘z vaqtida ijro etilishini nazorat qilish shu qarorni chiqargan organ (mansabdor shaxs) zimmasiga yuklatiladi.
Organlarning (mansabdor shaxslarning) ma’muriy jazo qo‘llanish to‘g‘risidagi qarorning ijrosiga oid harakati xususida berilgan shikoyatlar ushbu Kodeksning 315-moddasida aytib o‘tilgan organlar tomonidan 319 va 320-moddalarida belgilangan talablarga rioya etilgan holda hal etiladi.
Bilimingizni sinang
Ma’muriy javobgarlik kodeksiga ko‘ra, ma’muriy jazo qo‘llanish to‘g‘risidagi qarorni ijro etish kimlar uchun majburiy?
- Faqat jarima to‘lashi lozim bo‘lgan fuqarolar va ularning ish joyi rahbarlari uchun
- Korxonalar, muassasalar, tashkilotlar, mansabdor shaxslar va fuqarolar uchun
- Faqat qarorni chiqargan organ va uning mansabdor shaxslari uchun majburiy hisoblanadi
- Faqat mansabdor shaxslar va tashkilotlar uchun, fuqarolar uchun majburiy emas
To‘g‘ri javob: Korxonalar, muassasalar, tashkilotlar, mansabdor shaxslar va fuqarolar uchun. 325-moddaga ko‘ra, qarorni korxonalar, muassasalar, tashkilotlar, mansabdor shaxslar va fuqarolar ijro etishi majburiydir.
Ma’muriy javobgarlik kodeksi — 326-modda qaysi masalani tartibga soladi?
- Apellyatsiya instansiyasi sudining qarori
- Ma’muriy jazo qo‘llanish to‘g‘risidagi qaror ijrosining majburiyligi
- Ma’muriy jazo qo‘llanish to‘g‘risidagi qarorni ijro etishga qaratish
- Ma’muriy huquqbuzarlik to‘g‘risidagi ishni ko‘rishni tugatish bilan qarorni bekor qilish oqibatlari
To‘g‘ri javob: Ma’muriy jazo qo‘llanish to‘g‘risidagi qarorni ijro etishga qaratish. 326-modda: Ma’muriy jazo qo‘llanish to‘g‘risidagi qarorni ijro etishga qaratish.
Ma’muriy javobgarlik kodeksi: «Ma’muriy jazo qo‘llanish to‘g‘risidagi qarorni ijro etishga qaratish» qaysi moddada belgilangan?
- 326-modda
- 324-modda
- 325-modda
- 324¹⁰-modda
To‘g‘ri javob: 326-modda. 326-modda: Ma’muriy jazo qo‘llanish to‘g‘risidagi qarorni ijro etishga qaratish.
Haydovchi Aliyevga jarima solish to‘g‘risida qaror chiqarildi. U qaror ustidan apellyatsiya tartibida shikoyat berdi. Ma’muriy javobgarlik kodeksiga ko‘ra, bu qaror qachon ijro etilishi kerak (huquqbuzarlik joyida undiriladigan jarima holati bundan mustasno)?
- Shikoyat qanoatlantirishsiz qoldirilgandan keyin
- Shikoyat berilgan kundan boshlab to‘rt oy o‘tgach
- Faqat Aliyevning o‘zi yozma rozilik bergandan keyin
- Shikoyatdan qat’i nazar, chiqarilgan paytdan boshlab darhol
To‘g‘ri javob: Shikoyat qanoatlantirishsiz qoldirilgandan keyin. 326-moddaning ikkinchi qismiga ko‘ra, apellyatsiya shikoyati berilgan qaror shikoyat qanoatlantirishsiz qoldirilgandan keyin ijro etiladi.
Ma’muriy javobgarlik kodeksiga ko‘ra, jarima solish to‘g‘risidagi qaror qachon majburiy ravishda ijro etiladi?
- Faqat huquqbuzarning yozma iltimosi bilan, ixtiyoriy bajarish muddati o‘tganidan keyin
- Qaror chiqarilgan zahoti, ixtiyoriy bajarish muddatini kutmasdan majburiy ravishda
- Uni ixtiyoriy bajarish uchun 332-moddada belgilangan muddat o‘tib ketganidan keyin
- Faqat sud qarori asosida, qaror chiqarilganidan bir yil o‘tganidan keyin
To‘g‘ri javob: Uni ixtiyoriy bajarish uchun 332-moddada belgilangan muddat o‘tib ketganidan keyin. 326-moddaning uchinchi qismiga ko‘ra, jarima qarori ixtiyoriy bajarish muddati o‘tgach majburiy ijro etiladi.
Fuqaro Karimovga nisbatan ma’muriy jazo qo‘llash haqida ikkita alohida qaror chiqarilgan: biri jarima, ikkinchisi boshqa huquqbuzarlik uchun jarima. Ma’muriy javobgarlik kodeksiga ko‘ra, bu qarorlar qanday ijro etiladi?
- Ikkalasi bitta qarorga birlashtirilib ijro etiladi
- Faqat og‘irrog‘i ijro etiladi, ikkinchisi bekor bo‘ladi
- Har biri mustaqil ravishda ijro etiladi
- Faqat birinchi chiqarilgani ijro etiladi
To‘g‘ri javob: Har biri mustaqil ravishda ijro etiladi. 327-moddaning ikkinchi qismiga ko‘ra, bir shaxsga nisbatan bir necha qaror chiqarilsa, ularning har biri mustaqil ijro etiladi.
Ma’muriy qamoqqa olish yoki jarima solish haqidagi qarorni darhol ijro etish imkoni bo‘lmasa, qarorni chiqargan organ uning ijrosini qancha muddatgacha kechiktirishi mumkin?
- o‘n besh kungacha
- bir oygacha
- o‘n kungacha
- uch oygacha
To‘g‘ri javob: bir oygacha. Qarorni chiqargan organ (mansabdor shaxs) ijroni bir oygacha muddatga kechiktirishi mumkin.
Ma’muriy qamoqqa olish yoki jarima solish tarzidagi qarorni darhol ijro etishga imkon bermaydigan holatlar bo‘lsa, uni chiqargan organ ijroni qancha muddatga kechiktirishi mumkin?
- Bir oygacha muddatga
- Uch oygacha muddatga
- Olti oygacha muddatga
- O‘n kungacha muddatga
To‘g‘ri javob: Bir oygacha muddatga. 328-moddaga ko‘ra, ijro bir oygacha muddatga kechiktirilishi mumkin.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash