XotirAI logotipiXotirAI
⚖️ «Ombudsman to‘g‘risida» qonun · 28–35-m.

Ombudsmanning ta’sir choralari (1/2)

Moddalar

🧠 Bu mavzuni yodlash📝 Test yechish

28-modda. Ombudsman ta’sir choralarining turlari

Ogohlantirish, taqdimnoma, iltimosnoma va talabnoma Ombudsmanning ta’sir choralaridir.

29-modda. Ogohlantirish

Inson huquqlari va erkinliklari to‘g‘risidagi qonunchilikning buzilishiga yo‘l qo‘ymaslik haqidagi ogohlantirish Ombudsman tomonidan tashkilotlarga va mansabdor shaxslarga yozma ravishda e’lon qilinadi.

Ombudsman mansabdor shaxsga ogohlantirish e’lon qilinganligi to‘g‘risida uning yuqori turuvchi organiga (mansabdor shaxsiga) xabar qilishga haqli.

30-modda. Taqdimnoma

Inson huquqlari va erkinliklari to‘g‘risidagi qonunchilikning aniqlangan buzilishlarini, ularga imkon beruvchi sabablar va shart-sharoitlarni bartaraf etish haqidagi ko‘rib chiqilishi majburiy bo‘lgan taqdimnoma Ombudsman tomonidan tashkilotlarning qonunchilik buzilishlarini bartaraf etish yuzasidan vakolat berilgan rahbarlariga kiritiladi.

Taqdimnoma kechiktirmay ko‘rib chiqilishi lozim va ko‘rilgan choralar to‘g‘risida Ombudsmanga, agar boshqa muddat belgilanmagan bo‘lsa, o‘n besh kundan kechiktirmay yozma shaklda xabar qilinishi kerak.

31-modda. Iltimosnoma

Harakatlarida (harakatsizligida) inson huquqlari va erkinliklari buzilganligi aniqlangan shaxslarni javobgarlikka tortish to‘g‘risida tashkilotlarga Ombudsman tomonidan iltimosnoma kiritiladi.

32-modda. Talabnoma

Harakatlanish erkinligi cheklangan shaxslar saqlanadigan joylarga amalga oshirilgan monitoring tashriflari davomida aniqlangan qiynoqqa solish hollarini bartaraf etish hamda ushbu hollarning oldini olish maqsadida Ombudsman tomonidan tegishli tashkilotlarga ko‘rib chiqilishi majburiy bo‘lgan talabnoma kiritiladi.

Talabnoma tezkorlik bilan ko‘rib chiqilishi lozim va ko‘rilgan choralar to‘g‘risida Ombudsmanga, agar boshqa muddat belgilanmagan bo‘lsa, o‘n kundan kechiktirmay yozma shaklda xabar qilinishi kerak.

5-bob. Ombudsmanning qonunchilikni takomillashtirishga doir faoliyati, uning davlat organlari, fuqarolik jamiyati institutlari bilan hamkorligi hamda inson huquqlari va erkinliklari sohasida xalqaro hamkorligi

33-modda. Ombudsmanning qonunchilikni takomillashtirishga doir faoliyati

Ombudsman O‘zbekiston Respublikasining Konstitutsiyasiga muvofiq qonunchilik takliflarini qonunchilik tashabbusi tartibida O‘zbekiston Respublikasi Oliy Majlisining Qonunchilik palatasiga kiritishga haqli.

Ombudsman inson huquqlari va erkinliklari to‘g‘risidagi qonunlar va boshqa normativ-huquqiy hujjatlar loyihalarini tayyorlash bo‘yicha ishchi guruhlar faoliyatida ishtirok etishi, loyihalarning huquqiy ekspertizasini o‘tkazishi, shuningdek O‘zbekiston Respublikasi Oliy Majlisi palatalarining majlislarida ishtirok etishi hamda muhokama etilayotgan qonun loyihalari yuzasidan takliflar va mulohazalar kiritishi mumkin.

34-modda. Ombudsmanning inson huquqlari sohasida aholining huquqiy madaniyatini oshirishga doir faoliyati

Ombudsman aholining inson huquqlari va erkinliklari sohasida O‘zbekiston Respublikasi qonunlari, boshqa normativ-huquqiy hujjatlari va xalqaro shartnomalari, xalqaro huquqning umume’tirof etilgan prinsiplari hamda normalari to‘g‘risidagi bilimi va xabardorligini oshirish chora-tadbirlarini amalga oshiradi.

Ombudsman inson huquqlari, erkinliklari va qonuniy manfaatlarini himoya qilish vositalarini, usullarini va mexanizmlarini o‘rgatishga qaratilgan ma’rifiy hamda ta’lim dasturlarini, ilmiy-amaliy tadbirlar va seminarlarni ishlab chiqish hamda amalga oshirishda ishtirok etadi.

35-modda. Ombudsmanning parlament nazoratining boshqa subyektlari bilan hamkorligi

Ombudsman jismoniy va yuridik shaxslarning murojaatlarini ko‘rib chiqish, inson huquqlari va erkinliklari buzilganligi hollarini o‘z tashabbusiga ko‘ra tekshirish bilan bog‘liq materiallarni har chorakda umumlashtirib boradi.

Ombudsman jismoniy va yuridik shaxslarning murojaatlarini ko‘rib chiqish bilan bog‘liq materiallarni umumlashtirish hamda inson huquqlari va erkinliklari, shuningdek jamiyat va davlat manfaatlari buzilishiga olib keluvchi sabablar hamda shart-sharoitlarni aniqlash natijalariga ko‘ra davlat organlari rahbarlarining axborotini eshitish masalasini ko‘rib chiqish to‘g‘risidagi taklif bilan O‘zbekiston Respublikasi Oliy Majlisi palatalarining qo‘mitalariga murojaat qilishi mumkin.

Ombudsman O‘zbekiston Respublikasi Oliy Majlisi palatalarining parlament nazoratini amalga oshirishga doir tadbirlarida ishtirok etishga, ularga ko‘rib chiqilayotgan masalalar yuzasidan materiallar taqdim etishga haqlidir.

Bilimingizni sinang

«Ombudsman to‘g‘risida» qonun — 28-modda qaysi masalani tartibga soladi?
  1. Ombudsman ta’sir choralarining turlari
  2. Harakatlanish erkinligi cheklangan shaxslar saqlanadigan joylarda saqlanayotgan shaxslarning Ombudsmanga murojaat etishi
  3. Ombudsman tomonidan shikoyatlarni ko‘rib chiqish shartlari
  4. Taqdimnoma

To‘g‘ri javob: Ombudsman ta’sir choralarining turlari. 28-modda: Ombudsman ta’sir choralarining turlari.

«Ombudsman to‘g‘risida» qonun: «Ombudsman ta’sir choralarining turlari» qaysi moddada belgilangan?
  1. 20-modda
  2. 30-modda
  3. 28-modda
  4. 23-modda

To‘g‘ri javob: 28-modda. 28-modda: Ombudsman ta’sir choralarining turlari.

«Ombudsman to‘g‘risida»gi Qonunga ko‘ra, Ombudsmanning ta’sir choralari qaysilar?
  1. Ogohlantirish, jarima, taqdimnoma va protest
  2. Taqdimnoma, protest, ayblov va talabnoma, ogohlantirishsiz
  3. Ogohlantirish, taqdimnoma, iltimosnoma va talabnoma
  4. Ogohlantirish, iltimosnoma, jarima va hibsga olish

To‘g‘ri javob: Ogohlantirish, taqdimnoma, iltimosnoma va talabnoma. 28-moddaga ko‘ra, ogohlantirish, taqdimnoma, iltimosnoma va talabnoma Ombudsmanning ta’sir choralaridir.

«Ombudsman to‘g‘risida» qonun — 29-modda qaysi masalani tartibga soladi?
  1. Ogohlantirish
  2. Iltimosnoma
  3. Ombudsmanning inson huquqlari sohasida aholining huquqiy madaniyatini oshirishga doir faoliyati
  4. Ombudsmanning jismoniy va yuridik shaxslarning murojaatlarini ko‘rib chiqish chog‘idagi huquqlari

To‘g‘ri javob: Ogohlantirish. 29-modda: Ogohlantirish.

«Ombudsman to‘g‘risida» qonun: «Ogohlantirish» qaysi moddada belgilangan?
  1. 34-modda
  2. 22-modda
  3. 31-modda
  4. 29-modda

To‘g‘ri javob: 29-modda. 29-modda: Ogohlantirish.

Ombudsmanning ogohlantirishi nimaga qaratilgan va qanday shaklda e’lon qilinadi?
  1. Qonunchilik buzilishini tugatishga qaratilgan, tashkilotlarga og‘zaki tarzda e’lon qilinadi, jarima belgilanadi
  2. Qonunbuzarlik uchun javobgarlikka tortishga qaratilgan, faqat mansabdor shaxslarga sud orqali e’lon qilinadi
  3. Qonunchilik buzilishiga yo‘l qo‘ymaslik haqida yozma ravishda tashkilotlarga va mansabdor shaxslarga e’lon qilinadi
  4. Qonunchilik buzilishini bartaraf etishga qaratilgan, prokuratura orqali yozma ravishda sudga e’lon qilinadi

To‘g‘ri javob: Qonunchilik buzilishiga yo‘l qo‘ymaslik haqida yozma ravishda tashkilotlarga va mansabdor shaxslarga e’lon qilinadi. 29-moddaga ko‘ra, ogohlantirish qonun buzilishiga yo‘l qo‘ymaslik haqida yozma ravishda e’lon qilinadi.

Ombudsman tuman hokimi o‘rinbosariga ogohlantirish e’lon qildi. U bu haqda mansabdor shaxsning yuqori turuvchi organiga xabar bera oladimi?
  1. Yo‘q, Ombudsman yuqori turuvchi organga faqat sud orqali xabar qilishi mumkin
  2. Ha, ammo faqat Prezident ruxsati bilan yuqori turuvchi organga xabar qilishi mumkin
  3. Ha, Ombudsman yuqori turuvchi organga (mansabdor shaxsga) xabar qilishga haqli
  4. Yo‘q, mansabdor shaxsning yuqori organiga xabar qilish Ombudsman vakolatiga kirmaydi

To‘g‘ri javob: Ha, Ombudsman yuqori turuvchi organga (mansabdor shaxsga) xabar qilishga haqli. 29-moddaga ko‘ra, Ombudsman ogohlantirish e’lon qilinganligi haqida yuqori turuvchi organga xabar qilishga haqli.

Ombudsman taqdimnomasi bo‘yicha ko‘rilgan choralar haqida, boshqa muddat belgilanmagan bo‘lsa, Ombudsmanga qancha muddatdan kechiktirmay yozma xabar qilinishi kerak?
  1. o‘n kundan
  2. besh kundan
  3. o‘n besh kundan
  4. bir oydan

To‘g‘ri javob: o‘n besh kundan. Taqdimnoma bo‘yicha choralar to‘g‘risida o‘n besh kundan kechiktirmay yozma xabar qilinadi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiOmbudsman tomonidan murojaatlarni ko‘rib chiqish tartibiKeyingi →Ombudsmanning ta’sir choralari (2/2)