XotirAI logotipiXotirAI
⚖️ Saylov kodeksi · 59–60-m.

Takroriy ovoz berish, takroriy saylov

Moddalar

🧠 Bu mavzuni yodlash📝 Test yechish

59-modda. Takroriy ovoz berishni o‘tkazish asoslari va tartibi

O‘zbekiston Respublikasi Prezidenti saylovida ikki nafardan ortiq nomzod ishtirok etayotgan bo‘lsa va agar ulardan hech biri ovoz berishda ishtirok etgan saylovchilardan yarmidan ko‘pining ovozini olmagan bo‘lsa, takroriy ovoz berish o‘tkaziladi, unda eng ko‘p ovoz to‘plagan ikki nomzod ishtirok etadi.

Markaziy saylov komissiyasi takroriy ovoz berish kunini O‘zbekiston Respublikasi Prezidenti saylovi o‘tkazilgan kundan e’tiboran bir oy ichida, lekin saylov o‘tkazilgan kundan kamida o‘n besh kun keyin o‘tkaziladigan qilib tayinlaydi. Takroriy ovoz berish o‘tkazilishi haqidagi xabar matbuotda e’lon qilinadi.

Takroriy ovoz berishda ishtirok etgan saylovchilarning ovozini boshqa nomzodga nisbatan ko‘proq olgan nomzod saylangan deb hisoblanadi.

Takroriy ovoz berishda saylovchilarning ishtirok etishi foizi hisobga olinmaydi.

60-modda. Takroriy saylovni o‘tkazish asoslari va tartibi

O‘zbekiston Respublikasi Prezidenti saylovi o‘tmagan yoki haqiqiy emas deb topilgan taqdirda, shuningdek, agar O‘zbekiston Respublikasi Prezidenti saylovida bitta nomzod ishtirok etgan bo‘lsa va u zarur miqdorda ovoz to‘play olmagan bo‘lsa, Markaziy saylov komissiyasi takroriy saylov tayinlaydi. Bunda saylovga tayyorgarlik ko‘rish hamda uni o‘tkazishga doir tadbirlarni amalga oshirish muddatlari Markaziy saylov komissiyasi tomonidan belgilanadi.

O‘zbekiston Respublikasi Prezidentining takroriy saylovi ham ushbu Kodeksda asosiy saylovni o‘tkazish uchun belgilangan ayni tartibda va ayni shartlarga rioya etgan holda o‘tkaziladi. Bunda quyi saylov komissiyalari faoliyatida saylov to‘g‘risidagi qonunchilik buzilishi aniqlangan taqdirda, Markaziy saylov komissiyasi saylov yangi tarkibdagi tegishli saylov komissiyalari tomonidan o‘tkazilishi zarurligi to‘g‘risida qaror qabul qilishi mumkin. Ovoz berish asosiy saylovni o‘tkazish uchun tuzilgan o‘sha saylov uchastkalarida va saylovchilarning o‘sha ro‘yxatlari bo‘yicha o‘tkaziladi.

O‘zbekiston Respublikasi Prezidentining takroriy saylovi asosiy saylov o‘tkazilganidan keyin yetmish kun ichida o‘tkaziladi.

Qonunchilik palatasi deputatlarining va mahalliy Kengashlar deputatlarining takroriy saylovi quyidagi hollarda o‘tkaziladi:

agar saylov o‘tmagan yoxud saylov okrugi bo‘yicha haqiqiy emas deb topilgan bo‘lsa;

deputatlar saylovlarida nomzodlarga eng ko‘p yoqlab berilgan ovozlar soni teng bo‘lgan taqdirda.

60-modda. Takroriy saylovni o‘tkazish asoslari va tartibi (davomi)

Qonunchilik palatasi deputatlarining va mahalliy Kengashlar deputatlarining takroriy saylovi tegishli saylov komissiyasining topshirig‘iga binoan hududiy, tuman, shahar va okrug saylov komissiyasi tomonidan o‘tkaziladi. Bunda quyi saylov komissiyalari faoliyatida saylov to‘g‘risidagi qonunchilik buzilishi aniqlangan taqdirda, tegishli saylov komissiyasi takroriy saylov yangi tarkibdagi tegishli saylov komissiyalari tomonidan o‘tkazilishi zarurligi to‘g‘risida qaror qabul qilishi mumkin. Ovoz berish asosiy saylovni o‘tkazish uchun tuzilgan o‘sha saylov uchastkalarida va saylovchilarning o‘sha ro‘yxatlari bo‘yicha o‘tkaziladi.

Qonunchilik palatasi deputatlarining va mahalliy Kengashlar deputatlarining takroriy saylovi asosiy saylovdan keyin kechi bilan bir oylik muddat ichida o‘tkaziladi. Saylov komissiyalarini tuzish, nomzodlarni ro‘yxatga olish va boshqa tadbirlar ushbu Kodeksda belgilangan tartibda amalga oshiriladi. Bunda saylovga tayyorgarlik ko‘rish hamda uni o‘tkazishga doir tadbirlarni amalga oshirish muddatlari Markaziy saylov komissiyasi tomonidan belgilanadi.

Bilimingizni sinang

Saylov kodeksi — 59-modda qaysi masalani tartibga soladi?
  1. O‘zbekiston Respublikasi Prezidenti lavozimiga kirishish
  2. Saylovchining shaxsini aniqlash
  3. O‘zbekiston Respublikasi Prezidentligiga nomzodlar ko‘rsatish tartibi
  4. Takroriy ovoz berishni o‘tkazish asoslari va tartibi

To‘g‘ri javob: Takroriy ovoz berishni o‘tkazish asoslari va tartibi. 59-modda: Takroriy ovoz berishni o‘tkazish asoslari va tartibi.

Saylov kodeksi: «Takroriy ovoz berishni o‘tkazish asoslari va tartibi» qaysi moddada belgilangan?
  1. 59-modda
  2. 52-modda
  3. 65-modda
  4. 64-modda

To‘g‘ri javob: 59-modda. 59-modda: Takroriy ovoz berishni o‘tkazish asoslari va tartibi.

Prezident saylovining takroriy ovoz berishida kim saylangan deb hisoblanadi?
  1. Ishtirok etgan saylovchilarning ovozini boshqa nomzodga nisbatan ko‘proq olgan nomzod
  2. Partiyasi saylovda eng ko‘p ovoz olgan va ro‘yxatga birinchi bo‘lib kiritilgan nomzod
  3. Birinchi turda ko‘proq ovoz olgan va takroriy ovoz berishda ham ishtirok etgan nomzod
  4. Takroriy ovoz berishda yarmidan ko‘p ovoz olgan nomzod, aks holda uchinchi tur o‘tkaziladi

To‘g‘ri javob: Ishtirok etgan saylovchilarning ovozini boshqa nomzodga nisbatan ko‘proq olgan nomzod. 59-moddaga ko‘ra, takroriy ovoz berishda ko‘proq ovoz olgan nomzod saylangan deb hisoblanadi.

Takroriy ovoz berish kunini Markaziy saylov komissiyasi qaysi muddatda tayinlaydi?
  1. Saylov o‘tkazilgan kundan e’tiboran bir oy ichida, lekin kamida o‘n besh kun keyin
  2. Saylov o‘tkazilgan kundan e’tiboran uch oy ichida, lekin kamida bir oy keyin
  3. Saylov o‘tkazilgan kundan e’tiboran yetti kun ichida, lekin kamida uch kun keyin
  4. Saylov o‘tkazilgan kundan e’tiboran ikki oy ichida, lekin kamida o‘ttiz kun keyin

To‘g‘ri javob: Saylov o‘tkazilgan kundan e’tiboran bir oy ichida, lekin kamida o‘n besh kun keyin. 59-moddaga ko‘ra, takroriy ovoz berish bir oy ichida, lekin saylovdan kamida o‘n besh kun keyin o‘tkaziladi.

Prezident saylovining takroriy ovoz berishida saylovchilarning ishtirok etish foizi haqida qaysi hukm to‘g‘ri?
  1. Ishtirok kamida ellik foiz bo‘lishi shart
  2. Ishtirok kamida yigirma foiz bo‘lishi shart
  3. Ishtirok etish foizi hisobga olinmaydi
  4. Ishtirok kamida o‘ttiz foiz bo‘lishi shart

To‘g‘ri javob: Ishtirok etish foizi hisobga olinmaydi. 59-moddaga ko‘ra, takroriy ovoz berishda saylovchilarning ishtirok etish foizi hisobga olinmaydi.

Prezident saylovida to‘rt nomzod qatnashdi: A 38 foiz, B 31 foiz, C 18 foiz, D 13 foiz ovoz oldi. Qaysi xulosa to‘g‘ri?
  1. A saylangan, chunki eng ko‘p ovoz olgan
  2. Takroriy ovoz berish o‘tkaziladi, unda to‘rttala nomzod ishtirok etadi
  3. Takroriy ovoz berish o‘tkaziladi, unda A va B ishtirok etadi
  4. Saylov haqiqiy emas, takroriy saylov o‘tkaziladi

To‘g‘ri javob: Takroriy ovoz berish o‘tkaziladi, unda A va B ishtirok etadi. 59-moddaga ko‘ra, hech biri yarmidan ko‘pini olmagani uchun takroriy ovoz berish o‘tkaziladi, unda eng ko‘p ovoz olgan ikki nomzod ishtirok etadi.

Prezident saylovining takroriy ovoz berishida ro‘yxatdagi saylovchilarning atigi 30 foizi qatnashdi. Qaysi xulosa to‘g‘ri?
  1. Takroriy ovoz berish haqiqiy emas, chunki 50 foizdan kam ishtirok etgan
  2. Natija faqat Senat tasdiqlagandan so‘ng haqiqiy bo‘ladi
  3. Takroriy ovoz berish haqiqiy emas, chunki 33 foizdan kam ishtirok etgan
  4. Takroriy ovoz berish haqiqiy, chunki ishtirok etish foizi hisobga olinmaydi

To‘g‘ri javob: Takroriy ovoz berish haqiqiy, chunki ishtirok etish foizi hisobga olinmaydi. 59-moddaga ko‘ra, takroriy ovoz berishda saylovchilarning ishtirok etish foizi hisobga olinmaydi.

O'zbekiston Respublikasi Prezidentining takroriy saylovi asosiy saylov o'tkazilganidan keyin necha kun ichida o'tkaziladi?
  1. Yuz yigirma kun
  2. Qirq besh kun
  3. Yetmish kun
  4. Oltmish kun

To‘g‘ri javob: Yetmish kun. Prezidentning takroriy saylovi asosiy saylovdan keyin yetmish kun ichida o'tkaziladi.

Faqat o‘qish yetarli emas

XotirAI mavzuni savollar bilan so‘raydi va keyingi takrorlash vaqtini o‘zi belgilaydi.

🚀 Yodlashni boshlash
← OldingiOvoz berishni tashkil etish va o‘tkazish (2/2)Keyingi →O‘zbekiston Respublikasi Prezidenti saylovining o‘ziga xos xususiyatlari