O‘zbekistonda tub islohotlar: Harakatlar strategiyasidan Taraqqiyot strategiyasi sari

Milliy davlatchilikning tiklanishi

Bilib olasiz

• Harakatlar strategiyasining (2017–2021-yillar) O‘zbekiston rivojiga ta’siri.
• Taraqqiyot strategiyasini amalga oshirishda konstitutsiyaviy islohotlarning ahamiyati.

Harakatlar strategiyasining (2017–2021-yillar) O‘zbekiston rivojiga ta’siri

2017-yilda Prezident Shavkat Mirziyoyev O‘zbekiston Respublikasini yanada rivojlantirish bo‘yicha Harakatlar strategiyasini e’lon qildi. U beshta ustuvor yo‘nalishni qamrab olib, mamlakatda turli sohalarda keng islohotlar boshlanishiga asos bo‘ldi. Strategiya asosida har yili alohida davlat dasturlari qabul qilindi. Xususan, 2017–2021-yillar O‘zbekistonda quyidagicha nomlandi:

“Xalq bilan muloqot va inson manfaatlari yili”;

“Faol tadbirkorlik, innovatsion g‘oyalar va texnologiyalarni qo‘llab-quvvatlash yili”;

“Faol investitsiyalar va ijtimoiy rivojlanish yili”;

“Ilm-ma’rifat va raqamli iqtisodiyotni rivojlantirish yili”;

Harakatlar strategiyasining (2017–2021-yillar) O‘zbekiston rivojiga ta’siri

“Yoshlarni qo‘llab-quvvatlash va aholi salomatligini mustahkamlash yili”.

2021-yil –“Yoshlarni qo‘llab-quvvatlash va aholi salomatligini mustahkamlash yili”

Bu yillar davomida 300 ga yaqin yangi qonun va minglab Prezident qarorlari qabul qilinib, siyosiy va iqtisodiy hayotda katta o‘zgarishlar yuz berdi. Parlamentning roli kuchaytirildi, siyosiy partiyalar faollashdi, saylovlar ochiq va raqobatli o‘ta boshladi.

2021-yilda Shavkat Mirziyoyev qayta Prezident etib saylandi. Uning nutqlari va dasturlarida Yangi O‘zbekistonning Taraqqiyot strategiyasi e’lon qilindi. Unda kelgusi yillarda jamiyatni rivojlantirishning asosiy yo‘nalishlari va xalq bilan muloqotda bildirgan takliflar o‘z aksini topdi.

Harakatlar strategiyasining (2017–2021-yillar) O‘zbekiston rivojiga ta’siri

2023-yilda esa “O‘zbekiston – 2030” strategiyasi qabul qilindi. Bu hujjat mamlakatni barqaror va uzoq muddatli rivojlantirishni ko‘zda tutadi. Unda iqtisodiy o‘sish, ta’lim, sog‘liqni saqlash, ekologiya, ijtimoiy himoya, davlat boshqaruvini zamonaviylashtirish kabi muhim vazifalar belgilangan. Har yili shu strategiyadan kelib chiqqan holda davlat dasturlari qabul qilinib, bosqichma-bosqich amalga oshirilmoqda.

Umuman olganda, 2017-yildan boshlangan Harakatlar strategiyasi va keyinchalik qabul qilingan Taraqqiyot strategiyasi O‘zbekistonning siyosiy, iqtisodiy va ijtimoiy hayotida tub burilish yasadi. Natijada mamlakatimiz yangi taraqqiyot bosqichiga qadam qo‘ydi.

Ijodiy faoliyat

Taraqqiyot strategiyasini amalga oshirishda konstitutsiyaviy islohotlarning ahamiyati

O‘zbekiston taraqqiyotining yangi bosqichida Konstitutsiyani takomillashtirish dolzarb vazifaga aylandi. Chunki mamlakatni rivojlantirishning asosiy yo‘nalishlari – “Harakatlar strategiyasidan Taraqqiyot strategiyasi sari” tamoyiliga asosan belgilandi.

2022-yil 20-mayda Oliy Majlis Senati va Qonunchilik palatasi qo‘shma majlisida Konstitutsiyaviy komissiya tuzildi. Uning vazifasi Konstitutsiyaga o‘zgartirishlar kiritish bo‘yicha takliflarni yig‘ish, tahlil qilish va xalq muhokamasiga taqdim etishdan iborat bo‘ldi.

Prezident bu jarayon ijrosini uch bosqichda belgilab berdi: – takliflarni yig‘ish va tahlil qilish; – yangi tahrirdagi Konstitutsiya loyihasini umumxalq muhokamasiga qo‘yish; – referendum orqali qonuniy kuchga kiritish.

Taraqqiyot strategiyasini amalga oshirishda konstitutsiyaviy islohotlarning ahamiyati

Umumxalq muhokamasi davrida butun mamlakat bo‘ylab 20 mingdan ortiq uchrashuv va yig‘ilishlar o‘tkazildi. 193 davlat tajribasi o‘rganildi, 10 minglab qo‘shimcha taklif kelib tushdi. Bu xalq davlat boshqaruvida faol ishtirok etayotganining yaqqol dalili bo‘ldi.

2023-yil 30-aprelda o‘tkazilgan referendumda xalqimiz yangi Konstitutsiyani qo‘llab-quvvatladi va u 1-maydan kuchga kirdi.

Yangi tahrirdagi Konstitutsiyada “O‘zbekiston – suveren, demokratik, huquqiy, ijtimoiy va dunyoviy davlat” tamoyili mustahkamlandi. Davlatning fuqarolar oldidagi ijtimoiy majburiyatlari 3 barobar ko‘paytirildi. Har bir fuqaroga g‘amxo‘rlik, teng huquq va imkoniyatlarni ta’minlash, inklyuziv rivojlanish kabi tamoyillar belgilandi.

Taraqqiyot strategiyasini amalga oshirishda konstitutsiyaviy islohotlarning ahamiyati

Eng muhimi, Konstitutsiya xalq hayotini yaxshilashning huquqiy kafolati sifatida amalda xizmat qila boshladi.

Siyosiy jarayonlarning davomi sifatida, Konstitutsiyaning 128-moddasiga asosan, Prezident muddatidan ilgari saylov o‘tkazish tashabbusini ilgari surdi. Bu tashabbus siyosiy partiyalar va jamoatchilik tomonidan qo‘llab-quvvatlandi.

2023-yil 9-iyul kuni bo‘lib o‘tgan muddatidan ilgari Prezident saylovida Shavkat Mirziyoyev g‘alaba qozondi. Bu voqea Yangi O‘zbekiston taraqqiyotida xalq ishonchi va davlat siyosatining uzviy bog‘liqligini namoyon etdi.

Yodda tuting!

Prezident farmoniga binoan, “O‘zbekiston – 2030” strategiyasini amalga oshirish va uning maqsadli ko‘rsatkichlariga erishish barcha davlat organlari va tashkilotlari faoliyatidagi eng ustuvor vazifa etib belgilangan.

Ma’lumot uchun

“O‘zbekiston – 2030” strategiyasi quyidagi asosiy g‘oyalarni aks ettirgan: barqaror iqtisodiy o‘sish orqali daromadi o‘rtachadan yuqori bo‘lgan davlatlar qatoridan o‘rin olish; aholi talablariga va xalqaro standartlarga to‘liq javob beradigan ta’lim, tibbiyot va ijtimoiy himoya tizimini yo‘lga qo‘yish; aholi uchun qulay ekologik sharoit yaratish; xalq xizmatidagi adolatli va zamonaviy davlat barpo etish; mamlakatning suvereniteti va xavfsizligini kafolatlash.

“O‘zbekiston – 2030” strategiyasi quyidagi 5 ustuvor yo‘nalishdan iborat: har bir insonga o‘z salohiyatini ro‘yobga chiqarish uchun munosib sharoit yaratish; barqaror iqtisodiy o‘sish orqali aholi farovonligini ta’minlash; suv resurslarini tejash va atrof-muhitni muhofaza qilish; qonun ustuvorligini ta’minlash, xalq xizmatidagi davlat boshqaruvini tashkil etish; “xavfsiz va tinchliksevar davlat” tamoyiliga asoslangan siyosatni izchil davom ettirish.

Yodda tuting!

“O‘zbekiston – 2030” strategiyasi doirasida Yangi O‘zbekistonning Taraqqiyot strategiyasida belgilangan va amalga oshirilishi davom etayotgan, o‘z ahamiyatini yo‘qotmagan barcha maqsadlarga erishilishi va dolzarb vazifalar bajarilishi ta’minlanadi.

Savol va topshiriqlar

Muhim sanalar

• 2017–2021-yillar — Harakatlar strategiyasining (2017–2021-yillar) O‘zbekiston rivojiga ta’siri.
• 2017-yilda — 2017-yilda Prezident Shavkat Mirziyoyev O‘zbekiston Respublikasini yanada rivojlantirish bo‘yicha Harakatlar strategiyasini e’lon qildi.
• 2017–2021-yillar — Xususan, 2017–2021-yillar O‘zbekistonda quyidagicha nomlandi:
• 2017-yilda — Umuman olganda, 2017-yildan boshlangan Harakatlar strategiyasi va keyinchalik qabul qilingan Taraqqiyot strategiyasi O‘zbekistonning siyosiy, iqtisodiy va ijtimoiy hayotida tub burilish yasadi.
• 2021-yil — 2021-yil –“Yoshlarni qo‘llab-quvvatlash va aholi salomatligini mustahkamlash yili”
• 2021-yilda — 2021-yilda Shavkat Mirziyoyev qayta Prezident etib saylandi.
• 2022-yil — 2022-yil 20-mayda Oliy Majlis Senati va Qonunchilik palatasi qo‘shma majlisida Konstitutsiyaviy komissiya tuzildi.
• 2023-yilda — 2023-yilda esa “O‘zbekiston – 2030” strategiyasi qabul qilindi.
• 2023-yil — 2023-yil 30-aprelda o‘tkazilgan referendumda xalqimiz yangi Konstitutsiyani qo‘llab-quvvatladi va u 1-maydan kuchga kirdi.
• 2023-yil — 2023-yil 9-iyul kuni bo‘lib o‘tgan muddatidan ilgari Prezident saylovida Shavkat Mirziyoyev g‘alaba qozondi.

Bilimingizni sinang