XotirAIO‘zbekiston Respublikasining xalqaro shartnomalarini tuzish tartibi (3/3)
Moddalar
23-modda. O‘zbekiston Respublikasining xalqaro shartnomalarga qo‘shilishi
O‘zbekiston Respublikasining xalqaro shartnomalarga qo‘shilishi to‘g‘risidagi qaror:
ratifikatsiya qilinadigan shartnomalarga nisbatan — O‘zbekiston Respublikasi Oliy Majlisi tomonidan;
qaysi shartnomalar ratifikatsiya qilinmasa va ularga qo‘shilish O‘zbekiston Respublikasi nomidan yoki O‘zbekiston Respublikasi Hukumati nomidan amalga oshirilsa, o‘sha shartnomalarga nisbatan — O‘zbekiston Respublikasi Prezidenti tomonidan;
idoralararo shartnomalarga nisbatan — O‘zbekiston Respublikasi Prezidenti yoki O‘zbekiston Respublikasi Vazirlar Mahkamasi tomonidan qabul qilinadi.
24-modda. O‘zbekiston Respublikasi tomonidan xalqaro shartnomaning yoki uning qismining vaqtincha qo‘llanilishi
Agar xalqaro shartnomada xalqaro shartnoma yoki xalqaro shartnomaning bir qismi u kuchga kirguniga qadar O‘zbekiston Respublikasi tomonidan vaqtincha qo‘llanilishi mumkinligi nazarda tutilgan bo‘lsa yoki ahdlashuvchi tomonlar o‘rtasida bu haqda kelishuvga erishilgan bo‘lsa, ushbu xalqaro shartnoma yoki uning bir qismi O‘zbekiston Respublikasi tomonidan vaqtincha qo‘llanilishi mumkin.
O‘zbekiston Respublikasi tomonidan xalqaro shartnomani yoki uning bir qismini vaqtincha qo‘llash to‘g‘risidagi yoxud vaqtincha qo‘llashni tugatish haqidagi qaror xalqaro shartnomani imzolash haqida qaror qabul qilgan organ (mansabdor shaxs) tomonidan qabul qilinadi.
25-modda. Xalqaro shartnomalarning kuchga kirishi
Xalqaro shartnomalar O‘zbekiston Respublikasi uchun ushbu Qonunga muvofiq hamda xalqaro shartnomada nazarda tutilgan yoki ahdlashuvchi tomonlar o‘rtasida kelishilgan tartibda va muddatlarda O‘zbekiston Respublikasining xalqaro shartnoma o‘zi uchun majburiy ekanligiga roziligi bildirilganidan so‘ng kuchga kiradi.
26-modda. O‘zbekiston Respublikasining xalqaro shartnomalariga doir qo‘shimcha shartlar
Xalqaro shartnomalarni imzolash, ratifikatsiya qilish, tasdiqlash, qabul qilish yoki ularga qo‘shilish chog‘ida shartnoma shartlariga va xalqaro huquq normalariga rioya etilgan holda qo‘shimcha shartlar qo‘yilishi mumkin.
O‘zbekiston Respublikasining xalqaro shartnomalariga doir qo‘shimcha shartlar qanday tartibda qo‘yilgan bo‘lsa, xuddi shunday tartibda istalgan vaqtda olib tashlanishi mumkin.
O‘zbekiston Respublikasining xalqaro shartnomasiga boshqa ahdlashuvchi tomon qo‘ygan qo‘shimcha shartni qabul qilish yoki unga qarshi e’tiroz bildirish xalqaro shartnomaning o‘zidagi shartlarga va xalqaro huquq normalariga muvofiq O‘zbekiston Respublikasining xalqaro shartnoma o‘zi uchun majburiy ekanligiga roziligi to‘g‘risida qaror qabul qiladigan organ (mansabdor shaxs) tomonidan amalga oshiriladi.
27-modda. O‘zbekiston Respublikasining xalqaro shartnomalariga o‘zgartish va qo‘shimchalar kiritish
O‘zbekiston Respublikasining xalqaro shartnomalariga O‘zbekiston Respublikasi xalqaro shartnomalarining shartlariga hamda xalqaro huquqqa muvofiq ularning ishtirokchilari o‘rtasidagi kelishuvga binoan o‘zgartish va qo‘shimchalar kiritilishi mumkin.
Ushbu Qonunning xalqaro shartnomalar tuzishga oid qismidagi qoidalar O‘zbekiston Respublikasining xalqaro shartnomalariga o‘zgartish va qo‘shimchalar kiritishga nisbatan ham qo‘llaniladi.
O‘zbekiston Respublikasining xalqaro shartnomalariga kiritilgan o‘zgartish va qo‘shimchalar O‘zbekiston Respublikasi uchun xalqaro shartnomalarning o‘zida nazarda tutilgan tartibda va muddatlarda yoki ularning ishtirokchilari o‘rtasida kelishib olingan boshqa tarzda kuchga kiradi.
Agar O‘zbekiston Respublikasining xalqaro shartnomalariga kiritilgan o‘zgartish va qo‘shimchalar kuchga kirishi uchun ushbu shartnomalar shartlariga yoki xalqaro huquqqa muvofiq O‘zbekiston Respublikasining mazkur o‘zgartish va qo‘shimchalar o‘zi uchun majburiy ekanligiga roziligi bildirilishi zarur bo‘lsa, O‘zbekiston Respublikasining bunday roziligi ushbu Qonunning 17-moddasida ko‘rsatilgan usullarda ifodalanishi mumkin.
28-modda. O‘zbekiston Respublikasining xalqaro shartnomalarini prolongatsiya qilish (muddatini uzaytirish)
O‘zbekiston Respublikasining xalqaro shartnomalari O‘zbekiston Respublikasi xalqaro shartnomalarining o‘zida belgilangan shartlarga muvofiq yoki ularning ishtirokchilari o‘rtasidagi kelishuvga ko‘ra prolongatsiya qilinishi (muddati uzaytirilishi) mumkin.
O‘zbekiston Respublikasining xalqaro shartnomasini prolongatsiya qilish (muddatini uzaytirish) to‘g‘risidagi qaror O‘zbekiston Respublikasining ushbu xalqaro shartnomasini imzolash to‘g‘risida qaror qabul qilgan organ (mansabdor shaxs) tomonidan qabul qilinadi.
Bilimingizni sinang
«Xalqaro shartnomalar to‘g‘risida» qonun — 23-modda qaysi masalani tartibga soladi?
- O‘zbekiston Respublikasining xalqaro shartnomalarga qo‘shilishi
- O‘zbekiston Respublikasining xalqaro shartnomalariga doir qo‘shimcha shartlar
- O‘zbekiston Respublikasining xalqaro shartnomalariga o‘zgartish va qo‘shimchalar kiritish
- Ratifikatsiya yorliqlarini almashish va ularni saqlash uchun topshirish
To‘g‘ri javob: O‘zbekiston Respublikasining xalqaro shartnomalarga qo‘shilishi. 23-modda: O‘zbekiston Respublikasining xalqaro shartnomalarga qo‘shilishi.
«Xalqaro shartnomalar to‘g‘risida» qonun: «O‘zbekiston Respublikasining xalqaro shartnomalarga qo‘shilishi» qaysi moddada belgilangan?
- 27-modda
- 23-modda
- 26-modda
- 21-modda
To‘g‘ri javob: 23-modda. 23-modda: O‘zbekiston Respublikasining xalqaro shartnomalarga qo‘shilishi.
Ratifikatsiya qilinadigan xalqaro shartnomalarga O‘zbekistonning qo‘shilishi to‘g‘risidagi qarorni kim qabul qiladi?
- Prezident
- Vazirlar Mahkamasi
- Tashqi ishlar vazirligi
- Oliy Majlis
To‘g‘ri javob: Oliy Majlis. 23-moddaga ko‘ra ratifikatsiya qilinadigan shartnomalarga qo‘shilish haqida qarorni Oliy Majlis qabul qiladi.
Ratifikatsiya qilinmaydigan, lekin davlat yoki Hukumat nomidan qo‘shilish amalga oshiriladigan shartnomalarga qo‘shilish to‘g‘risidagi qarorni kim qabul qiladi?
- Prezident
- Senat
- Adliya vazirligi
- Bosh prokuror
To‘g‘ri javob: Prezident. 23-moddaga ko‘ra bunday shartnomalarga qo‘shilish haqida qarorni Prezident qabul qiladi.
Idoralararo shartnomalarga qo‘shilish to‘g‘risidagi qarorni kim qabul qiladi?
- Prezident yoki Vazirlar Mahkamasi
- Faqat Tashqi ishlar vazirligi
- Faqat Konstitutsiyaviy sud
- Faqat Oliy Majlis
To‘g‘ri javob: Prezident yoki Vazirlar Mahkamasi. 23-moddaga ko‘ra idoralararo shartnomalarga qo‘shilish haqida qarorni Prezident yoki Vazirlar Mahkamasi qabul qiladi.
Xalqaro shartnoma kuchga kirgunga qadar O‘zbekiston tomonidan vaqtincha qo‘llanilishi uchun qanday shart bo‘lishi lozim?
- Barcha ishtirokchi davlatlar shartnomani imzolagan va uning matnini rasman e’lon qilgan bo‘lishi
- Shartnomada bunday imkoniyat nazarda tutilgan yoki tomonlar bu haqda kelishgan bo‘lishi
- Referendum o‘tkazilib, shartnoma xalq tomonidan to‘g‘ridan-to‘g‘ri ma’qullangan bo‘lishi
- Oliy Majlis palatalari shartnomani ratifikatsiya qilib, yorliqlar almashilgan bo‘lishi
To‘g‘ri javob: Shartnomada bunday imkoniyat nazarda tutilgan yoki tomonlar bu haqda kelishgan bo‘lishi. 24-moddaga ko‘ra vaqtincha qo‘llash shartnomada nazarda tutilgan yoki tomonlar kelishgan bo‘lsa mumkin.
Shartnomani vaqtincha qo‘llash yoki vaqtincha qo‘llashni tugatish to‘g‘risidagi qarorni kim qabul qiladi?
- Har doim Tashqi ishlar vazirligi, imzolagan organdan qat’i nazar
- Faqat Oliy Majlis palatalari, ratifikatsiya haqida qonun qabul qilib
- Shartnomani imzolash haqida qaror qabul qilgan organ (mansabdor shaxs)
- Shartnoma depozitariysi, ahdlashuvchi tomonlarning bildirishnomalariga asosan
To‘g‘ri javob: Shartnomani imzolash haqida qaror qabul qilgan organ (mansabdor shaxs). 24-moddaga ko‘ra qarorni shartnomani imzolash haqida qaror qabul qilgan organ qabul qiladi.
Kazus: Shartnomada uning bir qismi kuchga kirgunga qadar vaqtincha qo‘llanilishi mumkinligi yozilgan. Shartnomani Prezident qarori bilan imzolangan. Vaqtincha qo‘llashni tugatish haqidagi qarorni kim qabul qiladi?
- Tashqi ishlar vazirligi, imzolovchi organ sifatida
- Imzolash haqida qaror qabul qilgan organ — Prezident
- Adliya vazirligi, ekspertiza o‘tkazgan organ sifatida
- Oliy Majlis palatalari, ratifikatsiya qilgan organ sifatida
To‘g‘ri javob: Imzolash haqida qaror qabul qilgan organ — Prezident. 24-moddaga ko‘ra vaqtincha qo‘llashni tugatish haqidagi qarorni imzolash haqida qaror qabul qilgan organ qabul qiladi.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash