XotirAIO‘zbekiston Respublikasining xalqaro shartnomalarini e’lon qilish, ro‘yxatdan o‘tkazish va saqlash
Moddalar
29-modda. O‘zbekiston Respublikasining xalqaro shartnomalarini e’lon qilish
O‘zbekiston Respublikasining kuchga kirgan xalqaro shartnomalari O‘zbekiston Respublikasi Tashqi ishlar vazirligining taqdimnomasiga binoan O‘zbekiston Respublikasi qonunchiligi ma’lumotlari milliy bazasida hamda boshqa manbalarda, shu jumladan tegishli davlat organlarining rasmiy veb-saytlarida e’lon qilinadi.
O‘zbekiston Respublikasi qonunchiligi ma’lumotlari milliy bazasi O‘zbekiston Respublikasining xalqaro shartnomalari e’lon qilinadigan rasmiy manbadir. Qonunchilikda O‘zbekiston Respublikasi xalqaro shartnomalarini e’lon qilishning boshqa rasmiy manbalari ham belgilanishi mumkin.
Autentik matnlari chet tillarda tuzilgan O‘zbekiston Respublikasi xalqaro shartnomalari davlat tilida e’lon qilinadi. O‘zbekiston Respublikasining xalqaro shartnomalari boshqa tillarda ham e’lon qilinishi mumkin.
30-modda. O‘zbekiston Respublikasining xalqaro shartnomalarini xalqaro tashkilotlarda ro‘yxatdan o‘tkazish
O‘zbekiston Respublikasining xalqaro shartnomalarini Birlashgan Millatlar Tashkiloti Kotibiyatida va boshqa xalqaro tashkilotlarning tegishli organlarida ro‘yxatdan o‘tkazish O‘zbekiston Respublikasi Tashqi ishlar vazirligi tomonidan yoki u bilan kelishilgan holda boshqa davlat organlari tomonidan amalga oshiriladi.
O‘zbekiston Respublikasining ro‘yxatdan o‘tkaziladigan idoralararo shartnomalarini tegishli xalqaro tashkilotlarda ushbu tashkilotlarning amaldagi qoidalariga muvofiq ro‘yxatdan o‘tkazish bunday shartnomalar qaysi davlat organlarining nomidan tuzilgan bo‘lsa, o‘sha davlat organlari tomonidan O‘zbekiston Respublikasi Tashqi ishlar vazirligi bilan kelishilgan holda amalga oshiriladi.
31-modda. O‘zbekiston Respublikasi xalqaro shartnomalarining davlat reyestri va ularning saqlanishi
O‘zbekiston Respublikasi xalqaro shartnomalarining davlat reyestri O‘zbekiston Respublikasining xalqaro shartnomalarini ro‘yxatdan o‘tkazish, hisobga olish va ularning elektron nusxalarini saqlashning yagona davlat tizimidir.
O‘zbekiston Respublikasi xalqaro shartnomalarining davlat reyestri O‘zbekiston Respublikasining xalqaro shartnomalari haqidagi, shu jumladan ularning rekvizitlarini va axborot-ma’lumotnoma tusidagi boshqa ma’lumotlarni o‘z ichiga oladi.
O‘zbekiston Respublikasi xalqaro shartnomalarining davlat reyestri O‘zbekiston Respublikasi Tashqi ishlar vazirligi tasarrufida bo‘ladi va u O‘zbekiston Respublikasining xalqaro shartnomalarini ro‘yxatdan o‘tkazish, hisobga olish hamda ularning asl nusxalarini va depozitariy tomonidan rasman tasdiqlangan nusxalarini saqlash tartibini belgilaydi.
O‘zbekiston Respublikasi nomidan va O‘zbekiston Respublikasi Hukumati nomidan tuzilayotgan xalqaro shartnomalarning asl nusxalari (tasdiqlangan ko‘chirma nusxalari, rasmiy tarjimalari) ular imzolangan (depozitariydan tasdiqlangan ko‘chirma nusxalari, rasmiy tarjimalari olingan) kundan e’tiboran ikki haftalik muddat ichida O‘zbekiston Respublikasi Tashqi ishlar vazirligiga saqlash uchun topshiriladi, ushbu hujjatlarning ko‘chirma nusxalari esa, ular kuchga kirgan kundan e’tiboran ikki haftalik muddat ichida O‘zbekiston Respublikasi Tashqi ishlar vazirligi tomonidan O‘zbekiston Respublikasining tegishli davlat organlariga va boshqa tashkilotlariga yuboriladi.
31-modda. O‘zbekiston Respublikasi xalqaro shartnomalarining davlat reyestri va ularning saqlanishi (davomi)
O‘zbekiston Respublikasi idoralararo shartnomalarining asl nusxalari mazkur shartnomalar qaysi davlat organlari nomidan tuzilgan bo‘lsa, o‘sha davlat organlarida saqlanadi, ushbu shartnomalarning tasdiqlangan ko‘chirma nusxalari esa, ular imzolangan (depozitariydan tasdiqlangan ko‘chirma nusxalari, rasmiy tarjimalari olingan) kundan e’tiboran ikki haftalik muddat ichida O‘zbekiston Respublikasi Tashqi ishlar vazirligiga va boshqa manfaatdor davlat organlariga yuboriladi.
32-modda. Depozitariy vazifalarini amalga oshirish
O‘zbekiston Respublikasi Tashqi ishlar vazirligi ko‘p tomonlama xalqaro shartnomalarning depozitariysi vazifalarini, agar ushbu shartnomalar shartlariga muvofiq bunday vazifalar O‘zbekiston Respublikasining zimmasiga yuklatilgan bo‘lsa, amalga oshiradi.
O‘zbekiston Respublikasining ko‘p tomonlama idoralararo shartnomalari depozitariysining vazifalari, agar ushbu shartnomalar shartlariga muvofiq bunday vazifalar O‘zbekiston Respublikasining zimmasiga yuklatilgan bo‘lsa, ushbu shartnomalar qaysi davlat organlarining nomidan tuzilgan bo‘lsa, o‘sha davlat organlari tomonidan amalga oshiriladi.
Bilimingizni sinang
«Xalqaro shartnomalar to‘g‘risida» qonun — 29-modda qaysi masalani tartibga soladi?
- O‘zbekiston Respublikasining xalqaro shartnomalarini e’lon qilish
- Ratifikatsiya qilinmaydigan xalqaro shartnomalarni tasdiqlash va qabul qilish
- O‘zbekiston Respublikasi xalqaro shartnomalarining bajarilishini ta’minlash
- O‘zbekiston Respublikasining xalqaro shartnomalari bajarilishi yuzasidan monitoring
To‘g‘ri javob: O‘zbekiston Respublikasining xalqaro shartnomalarini e’lon qilish. 29-modda: O‘zbekiston Respublikasining xalqaro shartnomalarini e’lon qilish.
«Xalqaro shartnomalar to‘g‘risida» qonun: «O‘zbekiston Respublikasining xalqaro shartnomalarini e’lon qilish» qaysi moddada belgilangan?
- 36-modda
- 29-modda
- 22-modda
- 34-modda
To‘g‘ri javob: 29-modda. 29-modda: O‘zbekiston Respublikasining xalqaro shartnomalarini e’lon qilish.
Kuchga kirgan xalqaro shartnomalar kimning taqdimnomasiga binoan e’lon qilinadi?
- Tashqi ishlar vazirligi
- Oliy Majlis Senati
- Adliya vazirligi
- Prezident Administratsiyasi
To‘g‘ri javob: Tashqi ishlar vazirligi. 29-moddaga ko‘ra shartnomalar Tashqi ishlar vazirligining taqdimnomasiga binoan e’lon qilinadi.
O‘zbekiston xalqaro shartnomalari e’lon qilinadigan rasmiy manba qaysi?
- Mahalliy gazetalar
- Qonunchilik ma’lumotlari milliy bazasi
- Xalqaro tashkilot axborotnomasi
- Tashqi ishlar vazirligi bayonotlari to‘plami
To‘g‘ri javob: Qonunchilik ma’lumotlari milliy bazasi. 29-moddaga ko‘ra qonunchilik ma’lumotlari milliy bazasi shartnomalar e’lon qilinadigan rasmiy manbadir.
Autentik matnlari chet tillarda tuzilgan shartnomalar qaysi tilda e’lon qilinadi?
- Faqat tuzilgan tilda
- Faqat ingliz tilida
- Davlat tilida
- Rus tilida
To‘g‘ri javob: Davlat tilida. 29-moddaga ko‘ra autentik matni chet tilida bo‘lgan shartnomalar davlat tilida e’lon qilinadi.
O‘zbekiston xalqaro shartnomalarini BMT Kotibiyatida ro‘yxatdan o‘tkazishni kim amalga oshiradi?
- Tashqi ishlar vazirligi yoki u bilan kelishilgan holda boshqa davlat organlari
- Vazirlar Mahkamasi devoni yoki u bilan kelishilgan holda tegishli vazirliklar
- Faqat Adliya vazirligi yoki u bilan kelishilgan holda Bosh prokuratura
- Faqat Prezident yoki uning topshirig‘iga binoan Prezident Administratsiyasi
To‘g‘ri javob: Tashqi ishlar vazirligi yoki u bilan kelishilgan holda boshqa davlat organlari. 30-moddaga ko‘ra ro‘yxatdan o‘tkazishni TIV yoki u bilan kelishilgan holda boshqa organlar amalga oshiradi.
Idoralararo shartnomalarni xalqaro tashkilotlarda ro‘yxatdan o‘tkazishni kim amalga oshiradi?
- Xalqaro tashkilotning kotibiyati, shartnoma ishtirokchilari bilan kelishilgan holda
- Faqat Tashqi ishlar vazirligi, shartnoma tuzgan davlat organi bilan kelishmagan holda
- Prezident Administratsiyasi, Adliya vazirligi va Vazirlar Mahkamasi bilan kelishilgan holda
- Shartnoma nomidan tuzilgan davlat organlari, Tashqi ishlar vazirligi bilan kelishilgan holda
To‘g‘ri javob: Shartnoma nomidan tuzilgan davlat organlari, Tashqi ishlar vazirligi bilan kelishilgan holda. 30-moddaga ko‘ra idoralararo shartnomalarni nomidan tuzilgan organlar TIV bilan kelishib ro‘yxatdan o‘tkazadi.
Xalqaro shartnomalarning davlat reyestri nima?
- Faqat ratifikatsiya qilingan shartnomalarni ro‘yxatga olish va ularning asl nusxalarini saqlash tizimi
- Xalqaro tashkilotlar a’zolari, ularning vakolatxonalari va elchixonalarini hisobga olishning yagona tizimi
- Shartnomalarni ro‘yxatdan o‘tkazish, hisobga olish va elektron nusxalarini saqlashning yagona davlat tizimi
- Chet el elchixonalari va konsullik muassasalarining ro‘yxatdan o‘tishi va faoliyatini hisobga olish tizimi
To‘g‘ri javob: Shartnomalarni ro‘yxatdan o‘tkazish, hisobga olish va elektron nusxalarini saqlashning yagona davlat tizimi. 31-moddaga ko‘ra reyestr ro‘yxatdan o‘tkazish, hisobga olish va elektron nusxalarni saqlashning yagona davlat tizimidir.
XotirAI mavzuni savollar bilan so‘raydi va keyingi takrorlash vaqtini o‘zi belgilaydi.
🚀 Yodlashni boshlash